သဵု(လ်) ၊ ဂျူလာၚ် ၁၄
ကောန်ၚာ်ပၠိုၚ်ၚ် ၃၀ တၠ အယဲကွးဘာတန်လ္ဒေါဝ် ဗဵုလဝ်ရုပ်ဂမျိုၚ်ကိုဝ်ရဳယျာသၠုၚ်ကျာဂှ် ကိုဝ်ရဳယျာသၟဝ်ကျာ ဒဒှ်ရဂစိုတ်ထောံလဝ်ဂှ် ဌာန်ပရိုၚ်ကိုဝ်ရဳယျာသၠုၚ်ကျာ ထ္မံက်ထ္ၜးလဝ်ရ။
ပ္ဍဲကဵုပရိုၚ် Chosun TV ကဵု Korea JoongAng Daily တံဂှ် ကိုဝ်ရဳယျာသၟဝ်ကျာ ပန်ဂစိုတ်ထောံလဝ် သၟတ်ပၠိုၚ်ၚ် ၃၀ တၠ ဂတညးဍုၚ်ကွာန်ဂမၠိုၚ်ဂှ် ထ္မံက်ထ္ၜးလဝ်ရ။
ရုပ်ဂမျိုၚ်ကိုဝ်ရဳယျာသၠုၚ်ကျာတံဂှ် ညးဂြိပ်နူဍုၚ်ကိုဝ်ရဳယျာသၟဝ်ကျာတံ စၠောံကေတ် နကဵုမမ်မိုဝ်ရဳ သတေတ်တံဂှ်တုဲ တတ်ကၠောံပယျဵုတုဲ ပလံၚ်ဗစိုပ်လဝ်အိုတ်ရ။
စပ်ကဵုပရိုၚ်ဏံတုဲ သၞာဲဒဴကိုဝ်ရဳယျာသၠုၚ်ကျာတံ ဟွံဟီုဂးလဝ်မွဲသာ်ကီုလေဝ် ပ္ဍဲကဵုပရိုၚ် Korea JoongAng Daily ဂှ်တှ်ေ နိဿဲကေတ် ဂလာန် သၞာဲဒဴ နူရုၚ်ပံၚ်ကောံ ကိုဝ်ရဳယျာသၠုၚ်ကျာသၟဝ်ကျာၜါဍုၚ်ဂှ်တုဲ ထ္မံက်ထ္ၜးလဝ်ရ။
သၞာဲဒဴ ဟွံထ္မံက်လဝ်ယၟုဂှ်တှ်ေ ကိုဝ်ရဳယျာသၟဝ်ကျာဝွံ နကဵုသၞောဝ်မယုတ်မာဓဇန်တံဂှ် လေပ်ကဵုဒုဟ် ထိၚ်ဒက် ညးဍုၚ်ကွာန်ဂမၠိုၚ် တေၚ်ၚ်ဂြတ်တ်ဂှ် ဗွဲမဂၠိုၚ် တီလဝ်တုဲယျဂှ် ဟီုလဝ်ရ။
အတိုၚ်သၞောဝ်စပ်ကဵုယေန်သၞာၚ် ကိုဝ်ရဳယျာသၟဝ်ကျာဂှ်မ္ဂး တာဒၞါလဝ် ပွမဗဵု အစဳဇန်ရုပ်ရမျာၚ်၊ ရုပ်ဂမျိုၚ် နူဍုၚ်ကိုဝ်ရဳယျာသၠုၚ်ကျာတံ၊ အမေရိကာန် ကေုာံ ဂျပါန်တံဂှ် ဗွဲမတေၚ်ဂြတ်ရ။
သၞောဝ်ဏံဂှ်တှ်ေ သွက်ကွးဘာရုယှာ ကၠုၚ်တိုန်စိုပ် တန်ဗ္တောန်က္ညၚ် ပ္ဍဲကိုဝ်ရဳယျာသၟဝ်ကျာတံကီု သွက်ကောန်ဍုၚ်သ္အာၚ်တံကီုဂှ် တၞီလုပ်မံၚ်ကီုဟာဟီုဂှ် ဟွံဂွံတီကေတ် သောၚ်ၚ်ကလးကလးဏီရ။
ပ္ဍဲကဵုလိက်ဒုၚ်စဳရေၚ် စပ်ကဵုအခေါၚ်အရာမၞိဟ် ကုလသမဂ္ဂ သၞာံ ၂၀၂၂ ဂှ်တှ်ေ ကိုဝ်ရဳယျာသၟဝ်ကျာဝွံ ပန်ဂစိုတ်လဝ်ကဵုသေနာတ် ကုညးမသွံတြး ရုပ်ဂမျိုၚ် ဒေတ်ဂျေတ်ဒဴ နူကိုဝ်ရဳယျာသၠုၚ်ကျာ ပ္တိတ်တံဂှ်တုဲ ကောပ်မှေတ်လဝ်ရောၚ် ထ္မံက်ထ္ၜးလဝ်ရ။
သၞာံဏံ အခိၚ်ပြဟ်ဟ်တေံဂှ်လေဝ် ကောန်ၚာ်အယဲပၠိုၚ်ၚ် ဗဵုဒၟံၚ်ကေပပ် ၂ တၠဂှ် ကိုဝ်ရဳယျာသၟဝ်ကျာ ဖျေံလဝ်ဒဏ်ထံၚ် ၁၂ သၞာံ နကဵုကမၠောန်ဇြိုၚ်ၚ်ရ။
Ref: BussinessInsider