ဘာလေန်၊ ဂျူလာၚ် ၂၄
အန္တရာယ်ရုယှာ ဒက်ပ္တန်ဇြဟတ်ပၞာန်ဂှ် ဂၠိုၚ်ကၠုၚ်ဒၟံၚ်ယျရောၚ် သ္ကိုပ်က္ဍိုက်ပ်ကာစဵုဒၞါ ဂျာမနဳ ကာသတာန် ဗရဳအာ ကဵုသတိ ဟီုလဝ်ရ။
ဒပ်ပၞာန်ရုယှာဝွံ ပ္တဝ်ကၠုၚ်ဒၟံၚ်က္ဍိုပ် ဇရေၚ်ဍုၚ်ပလိုတ်တံယျဟီုဂှ် ပိုယ်တံ လ္ၚတ်ဂွံဆဵုလဝ်ရောၚ် သ္ကိုပ်က္ဍိုက်ပ်ကာစဵုဒၞါ ဗရဳအာ ဟီုလဝ်ရ။
နကဵုဒပ်မဝ်သကိုဝ် သွက်ဂွံဗ္တိုက် ဍုၚ်မဒှ်ကောန်ဂကောံမဟာမိတ်နေတိုဝ်တံဂှ် အကြာမသုန်သၞာံ ကဵု ဒ္စါံသၞာံဂတဏံ ဗပေၚ်ကၠုၚ်ဇြဟတ်လွဟ် ကေုာံ ဇြဟတ်မၞိဟ် ရုမ်မ်ဂပ်ပ်မာန်ရောၚ် ညးဟီုလဝ်ရ။
နိဿဲကေတ် ဂလာန်သမ္မတရုယှာ ဗလာဒဳမာပူတေန်ကီု၊ တၚ်လလောၚ်တြး ဒပ်မဟာမိတ်တံကီု ကေုာံ ပရိုၚ်ထံၚ်ပရိုၚ်တံဂှ်တုဲ ဗရဳအာ ဟီုလဝ် သာ်ဏံရ။
ဒပ်ပၞာန်ရုယှာဝွံ လၟေၚ်သၞာံ ဇြဟတ်ကွဳစက်ခြပ်ပသဲညးတံဂှ် သၠုၚ်ပ္တိုန်ဒၟံၚ် နူ ၁၀၀၀ စဵုကဵု ၁၅၀၀ တုဲ ဍုၚ်ဇြဟတ်ဇၞော် ပ္ဍဲဂကောံနေတိုဝ် မသုန်ဍုၚ်ပံၚ်တုဲကီုလေဝ် ၜိုတ်ကဝက် ပရေၚ်ကၠောန်ပ္တိတ်ရုယှာတံရ ကၠောန်ပ္တိတ်မာန်ဂှ် ဗရဳအာ ဟီုရ။
ပ္ဍဲကဵုဒပ်ပၞာန်ဂျာမနဳ မကော်ဂး ဗောန်ဒက်ဝါဂှ် ကွဳစက်ခြပ်ပသဲ လုပ်ပေါဲဗ္တိုက်ဂှ် ၜိုတ် ၃၀၀ ဓဝ်ရ နွံဒၟံၚ်ရ။
စပ်ကဵုတၚ်ရန်တၟံရုယှာ ကေုာံ အကာဲအရာဒက်ပ္တန်ဇြဟတ်ပၞာန်တံဂှ်တုဲ ညးတံ ထေက်ကဵုဒးစွံသတိဂှ်လေဝ် သ္ကိုပ်က္ဍိုက်ပ်ကာစဵုဒၞါ ဗရဳအာ ဟီုတဴရ။
နကဵုညးတံ တၠုၚ်လအာသ္ဂောံဒှ်ကၠုၚ်ပရေံအိုတ် အနာဂတ်ဂတဏံဂှ် ဒးချပ်လဝ်ဏောၚ်တုဲ အပ္ဍဲပွိုၚ်မသုန်သၞာံ ဒှဒ်ရပၞာန်ဒှ်ကၠုၚ်မာန်ဂှ် ညးတံ ဒးဒစးဒုၚ်ပလေဝ်ပလေတ်လဝ်ဏောၚ်ဂှ်ကီု၊ ယဝ်ဒစးဒုၚ်ပလေဝ်ပလေတ်လဝ်မှဟေၚ် ညးတံ ဒဒှ်ရတာဒၞါမာန်ဂှ် ညးဟီုလဝ်ရ။
Ref: dpa