ခတ္တမန္ဒူ၊ ဂျူလာၚ် ၂၅
က္ဍိုပ်က္ၜၚ်ကျာ ကဵု လ္ပာ်ဍုတ်ဖ္ဍိုက်ပ္တိုန်လဝ်ဗၞိက်ဂှ် ထ္ကးအာတုဲ ဂွံမွဲလစုတ် က္ၜၚ်ကျာအတိုၚ်မွဲမ ပၟတ်တူလီုအာလဝ် အပ္ဍဲပရေၚ်ဒဒှ်က္ၜၚ်ကျာနဳပဝ်လီုစှ်ေ ပ္ဍဲဂိတုဂျူလာၚ် ၂၄ ဂှ် မၞိဟ်မပါဗက်ကၠုၚ် လ္တူက္ၜၚ်ကျာ ကြပ်သီုဖအိုတ် ချိုတ်အာလဝ်တုဲ မၞိဟ်ဒဳက္ၜၚ်ကျာမွဲတၠဓဝ်ဟေၚ် လမျီုသှ်ေဂျိုၚ်တဴ ဗၠးကၠုၚ်လဝ်ရ။
ဍုၚ်နဳပဝ်၊ ပ္ဍဲသၞေဟ်က္ၜၚ်ကျာခတ္တမန္ဒူ ပ္ဍဲကဵုက္ၜၚ်ကျာလီုစှ်ေ မၞိဟ် ၁၈ တၠချိုတ်တုဲ ကပ္ပတိန်မွဲတၠဓဝ် သှ်ေဂျိုၚ်တဴ မၞုံယၟု မာနေချ် ရာန်နာ သာကယာ ဂှ် ဒးတိုန်ဒၟံၚ်ရုၚ်ဂဥုဲတုဲ ဒဒှ်ရညးအကာဲအရာခိုဟ် တက်ကျာကဵုဂြောဝ်ဂတာညးမာန်မံၚ်ဏီရ။
အခိၚ်ပၟတ်ကာတ်ကၠုၚ် လ္ပာ်က္ဍိုပ်က္ၜၚ်ကျာဂှ် ဂွံရီုပ္တိတ်လဝ် ညးဒဳက္ၜၚ်ကျာဂှ်ရ။
ဟိုတ်နူဒ္ၚေါဝ်ဒၞါကျာ ပံက်ဒၟံၚ်ဂှ်ရ ညးဝွံ ယီုကျာတ်ဒၟံၚ်တုဲ ရဲရီုဗၚ်ဟံၚ်ပြာ်တံ ၜုၚ်သရိုဟ်ဗ္တၚ်တုဲ ဒးဂြဲပ္တိတ်လဝ်ရ။
အလုံဇကုညးမွဲ ဆီပၠေဝ်ဒၟံၚ်တုဲ လကိုတ်ဒၟံၚ်ကီုလေဝ် ဟွံဝိုတ်အာပုဟ်ဂှ် ဂွံတီကေတ်ရ။ က္ၜၚ်ကျာလီုစှ်ေတုဲ အပ္ဍဲပွိုၚ်မသုန်မိနေတ် ရီုပ္တိတ်ညးမာန်လဝ်ရ။
ဍုၚ်နဳပဝ်ဝွံ ဟိုတ်နူစၟတ်သမ္တီ တရဴကျာ ဂွံဗၠးဘဲတံ ဟွံခိုဟ်ဂှ်တုဲ ဒးဒုၚ်ပါ်ပါဲဒၟံၚ်ရ။
သၞာံ ၂၀၂၃ ဂိတုဂျာန္နဝါရဳ အပ္ဍဲက္ၜၚ်ကျာလီုစှ်ေ လာၚ်တရဴကျာယတဳဂှ် မၞိဟ် ၇၂ တၠ ဗွဲတွဵုမအောန် ချိုတ်အာလဝ်တုဲ ညးဒဳက္ၜၚ်ကျာဂမၠိုၚ်ဝွံ ဒၟါနူထပိုတ်ဒး ဇြဟတ်ဓာတ်ဗၠေတ်ရောၚ် သ္ဂးရ။
က္ၜၚ်ကျာဂှ် ဇီုဒးကောန်တုၚ်နာ တၞုၚ်သၞေဟ်က္ၜၚ်ကျာဂှ်တုဲ ဒဒှ်ရသဝ်စှ်ေအာဂှ်ကီု၊ ဆ္ဂး က္ဍိုပ်က္ၜၚ်ကျာဂှ် ဟိုတ်နူလုပ်အာ ပ္ဍဲကောန်တုၚ်နာဂှ်ရ ညးဒဳက္ၜၚ်ကျာဂှ် လမျီုသှ်ေဂျိုၚ်တဴလဝ်ရောၚ် သၞာဲဒဴဗၠာဲသၟိၚ်နဳပဝ်မွဲတၠ ဟီုရ။
Ref: BBC