ကွာလာလာမ်ပူ၊ ဂျူလာၚ် ၂၉
သွက်သ္ဂောံဂွံသွဟ် ၜိုဟ်လလမ်တုဲ မတန်တဴအာဍာ်ဇမၠိၚ်မာန် သွက်ပြသၞာဍုၚ်ဗၟာဂှ် တၚ်တုပ်စိုတ်အာဇြဳယာန် ဖျေံစၟတ်လဝ် လောန်ကၠုၚ်ပိသၞာံတေံဂှ် အာဇြဳယာန် ကလေၚ်သ္ၚဳဂၠိပ်အာ ဍိုက်က်ပေၚ်ၚ်ဏောၚ် မဒှ်ရ။
ကြဴနူကောံဓရီုဝန်ဇၞော်ကာဍုၚ်သ္အာၚ်အာဇြဳယာန် မရနုက်ကဵု ၅၇ ဝါ မကၠောန်ဗဒှ်လဝ် ပ္ဍဲဍုၚ်လာအိုဝ် ဍုၚ်ဗဳယာန်ကျေန်တုဲဂှ် ပ္ဍဲကဵုတၚ်လလောၚ်တြးပံၚ်တောဲ မလလောၚ်ပ္တိတ်လဝ် ပ္ဍဲဂိတုဂျူလာၚ် ၂၇ ဂှ် ပ္ဍဲဍုၚ်ဗၟာ ဟိုတ်နူပေါဲဗ္တိုက်တံ သ္ကာတ်မြဟ်ကၠုၚ်ဂှ်ရ စပ်ကဵုနွံပၟိက်ကၠုၚ် အရီုဗၚ်ပရေၚ်ဗ္စာရဏာမၞိဟ်တံ သၠုၚ်တိုန်ကၠုၚ်ဂှ်တုဲ ဒဒှ်ရအာဇြဳယာန် ဒှ်ဓဝိၚ်ဂှ် ထ္မံက်ထ္ၜးလဝ်ရ။
သွက်ဂွံသောၚ်ကလး ပြသၞာပရေၚ်ဍုၚ်ကွာန် မက္တဵုဒှ်ဒၟံၚ် ပ္ဍဲဍုၚ်ဗၟာဏံဂှ် တၚ်တုပ်စိုတ် ကုက္ဍိုပ်သ္ကိုပ်အာဇြဳယာန်တံ ၅ သာ်ဂှ်ဝွံ ဒှ်သွဟ်အဓိကဟီုဂှ် ဒဒှ်ရထပ်သ္ပဒတန်လဝ် ညဳညဳသာသာဂှ် ထ္မံက်ထ္ၜးလဝ် ပ္ဍဲတၚ်လလောၚ်တြးဂှ်ရ။
စပ်ကဵုပရေၚ်ထ္မံက်ရုပ်ရဴ တၚ်တုပ်စိုတ်အာဇြဳယာန် ၅ သာ်ဂှ်တုဲ ညးတံ ကလေၚ်သ္ၚဳဂၠိပ်အာ ဍိုက်က်ပေၚ်ၚ်ဏောၚ်တုဲ တၚ်သ္ၚဳဂၠိပ်တံဂှ် ပ္တိုန်ထ္ၜးအာ ပ္ဍဲကောံဓရီုအာဇြဳယာန် မရနုက်ကဵု ၄၄ ဝါ ကေုာံ ၄၅ ဝါ မကၠောန်ဗဒှ်အာပ္ဍဲဍုၚ်လာအိုဝ်ဂှ်ဏောၚ်ဂှ် ထ္မံက်ထ္ၜးလဝ် ပ္ဍဲတၚ်လလောၚ်တြးပံၚ်တောဲဂှ်ရ။
လာအိုဝ်ဝွံ သၞာံဏံ ဒှ်ဥက္ကဌဒးအလန် အာဇြဳယာန်တုဲ ကောံဓရီုအာဇြဳယာန် ၄၄ ဝါကဵု ၄၅ ဝါ ကေုာံ ကောံဓရီုဆက်စပ်ဂမၠိုၚ်ဂှ် စဳဇန်လဝ် သွက်ဂွံကၠောန်ဗဒှ်အာ နူဂိတုအံက်တဝ်ဗာ ၈ စဵုကဵု ၁၁ ရ။
ပ္ဍဲဍုၚ်ဗၟာ ဒပ်ပၞာန်သီအဝဵုတုဲ ဂွံၜါဂိတု ပ္ဍဲဂိတုဨပရဴ သၞာံ ၂၀၂၁ ပ္ဍဲကဵုကောံဓရီုက္ဍိုပ်သ္ကိုပ်အာဇြဳယာန်ဂမၠိုၚ် မကၠောန်ဗဒှ်လဝ်ဂှ် ဖျေံစၟတ်လဝ် တၚ်တုပ်စိုတ် ၅ သာ်ဏံရ။
စပ်ကဵုဗ္တိုက်ပကီုပရာပ် လ္တူညးဍုၚ်ကွာန်ကောန်အရာပ်တံကဵု ဗ္တိုက်စမြိုၚ်သ္ၚိဒၟံၚ်ညးဍုၚ်ကွာန်တံဂှ်တုဲ ဒဒှ်ရညးတံ ဒစဵုဒစး သ္ကာတ်တ်မြဟ်ဟ်ဂှ်ကီု၊ ပွပကီုပရာပ်ပ္ဍဲဍုၚ်ဗၟာတံ သွက်ဂွံဒေါအ်ဒေၚ်အာ လွာဲဂှ်ဂှ်လေဝ် ဒဒှ်ရဖ္တိုက်ဖ္အောဝ်ဂှ် ထ္မံက်ထ္ၜးလဝ် ပ္ဍဲတၚ်လလောၚ်တြးပံၚ်တောဲ ဝန်ဇၞော်ကာဍုၚ်သ္အာၚ်အာဇြဳယာန်ရ။
သၞာံဏံ စဵုကဵုဂိတုဂျူလာၚ် ၁၀ နဒဒှ်တၚ်ခၠေဝ်ပလန်အာဇြဳယာန် အလန်ဒုတိယဂှ် ပလံၚ်ဗစိုပ်လဝ် အရီုဗၚ် ဒဝ်ဠာအမေရိကာန် ၁ ဒဿမ ၈၈ ပြကောဋိကိုဋ်တုဲယျဂှ်လေဝ် သ္ဂးရ။
Ref: Bermana