ၜၚ်ကံက်၊ အဝ်ဂါတ် ၂၄
သ္ကိုပ်ဝန်ဇၞော်သေံ ကေုာံ ဂကောံအလဵုအသဳတၟိဂှ် သ္ကိုပ်ဝန်ဇၞော်တြေံ တက်ဇြေန်ယှေန်နာဝါထရာ ထိၚ်ဒက်လဝ်ရောၚ် စပ်ကဵုတၚ်ဟီုဂးပါ်ပါဲသာ်ဏံတုဲ ကောန်ဝုတ်ညး သ္ကိုပ်ဝန်ဇၞော် ဗဓောန်ထာန် ယှေန်နာဝါထရာ တးပါဲလဝ်ရ။
အသေအဟာန် ကဵုလဝ်ယၟု လညာတ်သွက်ဍုၚ်သေံ မကၠောန်ဗဒှ်လဝ် ပ္ဍဲဂိတုအဝ်ဂါတ် ၂၂ သၞာံ ၂၀၂၄ သၟာပရေၚ်ဍုၚ်ကွာန်ဂမၠိုၚ်၊ ကလုတ်ဂမၠိုၚ် ကေုာံ ညးဓလိုက်တမ်ရိုဟ်ဂမၠိုၚ် တိုန်စိုပ်လဝ်ဂှ် မအံက်ညး သ္ကိုပ်ဝန်ဇၞော်တြေံ တက်ဇြေန် တိုန်စိုပ်ဟီုတွံလဝ်တုဲ ကောန်ညး သ္ကိုပ်ဝန်ဇၞော်လၟုဟ် ဗဓေါန်ထာန် ဟီုလဝ်သာ်ဏံလေဝ် မဒှ်ရ။
ပ္ဍဲအသေအဟာန်ဏံဂှ် သၟာပရေၚ်ဍုၚ်ကွာန်ဝှ်ကြံၚ် တက်ဇြေန်ဂှ် ပ္တိုန်ထ္ၜးလဝ်ဂလာန် မပ္တဝ်ကဵုပရေၚ်ပိုန်ဒြပ်ကၟိန်ဍုၚ် မဒစေၚ်ဒၟံၚ်ဂှ်ရ။
ဂလာန်တက်ဇြေန်ပ္တိုန်ထ္ၜးလဝ် အပ္ဍဲအသေအဟာန်ဏံဂှ် သ္ပဒၟံၚ်စၞး မူဝါဒ အလဵုအသဳတၟိဂှ်ဟာ စပ်ကဵုသၟာန်ဏံတုဲ သ္ကိုပ်ဝန်ဇၞော် ဗဓေါန်ထာန် တးပါဲလဝ်တုဲ နကဵုတက်ဇြေန် ညးမဒှ်မအံက်ဂှ် ဒှ်ညးကေတ်လဝ် ကဆံၚ်အလဵုအသဳဟွံသေၚ်ပုဟ်ဂှ် ဟီုဂးလဝ်ရ။
“ညးဂှ် လလောၚ်တြးလဝ် မူဝါဒ အလဵုအသဳ ဟွံသေၚ်ပုဟ်။ ပ္တိုန်ထ္ၜးလဝ် လညာတ်ညးသၟးရဏောၚ်။ ညးဟီုဏာလဝ်ဂှ်တှ်ေ ဆေၚ်စပ်ဒၟံၚ်ကဵု မူဝါဒ ဗော်ဖဳထာဲ မွဲဒကုတ်မွဲဒကဴရ” သာ်ဝွံ ဗဓောန်ထာန် ဟီုလဝ်ရ။
စပ်ကဵုတၚ်သၟာန် ပရေၚ်ပါ်ပါဲ ဒဒှ်ရတၚ်ဇြေန် ထိၚ်လဝ် ကောန်ညး သ္ကိုပ်ဝန်ဇၞော်ဂှ်ကဵု အလဵုအသဳဂှ်တုဲ သ္ကိုပ်ဝန်ဇၞော် ဗဓေါန်ထာန်ဂှ် နကဵုမအံက်ညး ပ္တိတ်ဒၟံၚ်ဇြဟတ် သွက်ဂွံအုပ်ဓလီု ဟွံသေၚ်ပုဟ်ဟီုဂှ် မိက်ဂွံဟီုခိုၚ်ၚ်ကၠိုက်က်ဂှ်ကီု၊ ညးဝွံ ချပ်စၚ်ခြၚ်သ္ဂုတ်သွာတ် အလဵုညးမာန်ဂှ် ဟီုလဝ်ရ။
ပရေၚ်ပိုန်ဒြပ်ကၟိန်ဍုၚ်ဂှ်ဝွံ နွံပၟိက်ဒၟံၚ် အစဳဇန်သ္ဂောံၚုဟ်က္တဵုဒှ်တံဂှ်တုဲ ပ္ဍဲအရာရပ်စပ်ကိစ္စပရေၚ်ပိုန်ဒြပ်တံဂှ် ဟိုတ်နူတၚ်ဆဵုဂဗ တက်ဇြေန်တုဲ ဒှ်တဴဖဵု သွက်ကၟိန်ဍုၚ်ဏောၚ်ဂှ်လေဝ် သ္ကိုပ်ဝန်ဇၞော် ဗဓေါန်ထာန် သ္ဂးရ။
အခိၚ်လလောၚ်တြး မူဝါဒ ဂကောံအလဵုအသဳတၟိ ဂတမုက်ကၠတ်ထဝ်ဂှ် သီုညးဖအိုတ် ဒှ်ကၠုၚ်သောၚ်ၚ်ကၠးကၠးဏောၚ်ဂှ်လေဝ် သ္ကိုပ်ဝန်ဇၞော် ဟီုဗပေၚ်လဝ်ရ။
စပ်ကဵုအစဳဇန်ဗော်ဖဳထာဲ ပါ်ပရအ်သြန်ဒေတ်ဂျေတ်ဒဴဂှ်တုဲ သ္ကိုပ်ဝန်ဇၞော် ဗဓေါန်ထာန်ဂှ် သွက်သ္ဂောံဆက်ထ္မံက်အာရုပ်ရဴ မူဝါဒဏံနွံဂှ် ဟီုလဝ််ရ။
ဗွဲကိုပ်ကၠာအိုတ် သြန်ဗွဝ် သွက်သွက်ညးဒိုက်ဝါတ်တံဂှ် ပါ်ပရအ်အာကဵု တၞးကာဒ်သ္ဂောံလှဲလးပရေၚ်မၞိဟ်တံဂှ်ဏောၚ်ဂှ် သ္ဂးရ။
အစဳဇန်မရန်တၟံလဝ် သွက်ဂွံပါ်တြးကဵု ၁၀၀၀၀ ၝာတ် နကဵုနဲကဲဒဳဂျေတ်ဒဴ ကုကောန်ဍုၚ်သေံ ဗၞတ် ၅၀ ပြကောဋိကိုဋ် မကိတ်ညဳကဵု တၚ်နွံပၟိက်တံဂှ်ဝွံ အခိၚ်ရုၚ်သၞောဝ်ဓဝ် သၞောဝ်ဒက်ပ္တန်သ္ဇိုၚ် ပ္တိတ်ထောံ သ္ကိုပ်ဝန်ဇၞော်တြေံ သရဳထာဂှ် ပရေၚ်ဟွံချိုတ်ပၠိုတ်တံ က္တဵုဒှ်အာလဝ်ရ။
Ref; Bangkokpost