အေန်ဖေဝ်၊ သေပ်တေမ်ဗာ ၂၃
ဂကူကူဂဳ နူကဵုဍုၚ်ဗၟာ ၉၀၀ ပြၚ် သံသယမၞုံ နဒဒှ်ရဲနွံပၟိက်ကဵုပၞာန်တံ လုပ်စိုပ်ကၠုၚ်မာန်ရောၚ် ကြဴနူပရိုၚ်ထံၚ်ပရိုၚ်တံ မံက်တိတ်ကၠုၚ်တုဲ ဍုၚ်အိန္ဒိယ ပ္ဍဲတွဵုရးမဏိပူရဂှ် လလောၚ်ပ္တိတ်လဝ် တၚ်ကဵုသတိ ကဆံၚ်သၠုၚ်အိုတ်ရောၚ် သၞာဲဒဴဂီုကၠီုကဆံၚ်လ္တူမွဲတၠ ဟီုရ။
ဂကောံသ္ပစၞး ဂကူကူဂဳမွဲဂကောံဂှ်တှ်ေ တၚ်စောဲစပ်သၞာဲဒဴဂီုကၠီု ဒဒှ်ရရဲနွံပၟိက်ကဵုပၞာန်တံ လုပ်စိုပ်ကၠုၚ်ဂှ် တးပါဲလဝ်တုဲ ညးတာလျိုၚ်တံ သွက်ဂွံနုက်တိတ် နူကဵုကဆံၚ်ညးတံဂှ် အာတ်မိက်လဝ်ရ။
ညးကဵုကသပ်ပရေၚ်ဂီုကၠီု တွဵုရးမဏိပူရ ကူလ်ဒိပ်သေန်ဂှ် တၚ်နၚ်ပရိုၚ် စပ်ကဵုညးမၞုံပၟိက်ပၞာန်တံဂှ် ပါ်ပရအ်တြးလဝ် ဇရေၚ်ဌာနထံၚ်ပရိုၚ် ဗွဲမဂၠိုၚ်ဂှ်ရောၚ် ဟီုလဝ်ကဵု အ္စာပရိုၚ်ဂမၠိုၚ်ရ။
စနူဂိတုမေ သၞာံ ၂၀၂၃ တုဲ ပ္ဍဲတွဵုရးမဏိပူရ အကြာဂကောံမၞိဟ်ဂၠိုၚ် မေတ်ထေကဵု ဂကောံမၞိဟ်အောန် ကူကဳတံဂှ် ဟိုတ်နူပရေၚ်ကယျာန်ဓဝါန် စပ်ကဵုပရေၚ်ပါ်ပရအ် ကေုာံ ဒတုဲဖဵုပရေၚ်ပိုန်ဒြပ်တံဂှ်တုဲ ပရေၚ်ဗ္တိုက်ပကီုပရာပ်တံ က္တဵုဒှ်ဒၟံၚ်ရ။
သၞာဲဒဴကဵုကသပ်ပရေၚ်ဂီုကၠီု ကူလ်ဒိပ်သေန်ဝွံ ညံၚ်ဂကူကူကဳတံ ဂွံဗၠးဘဲဂှ် ရေၚ်တၠုၚ်ကဵုလဝ်ဟွံမွဲတုဲ တြးဒၟံၚ်ပရိုၚ်ဗၠေတ်တ်တံရောၚ် ဂကောံကွးဘာ ဂကူကူကဳ ထ္မံက်ထ္ၜးလဝ် ပ္ဍဲတၚ်လလောၚ်တြးရ။
ညးမၞုံပၟိက်ပၞာန် ဂကူကူကဳ နူကဵုဍုၚ်ဗၟာတံ လုပ်စိုပ်ကၠုၚ်ဟွံမွဲဂှ်ကီု၊ သၟဝ်တဲညးအုပ်ဓုပ်ဒၟံၚ်လၟုဟ်ဏံ နကဵုညးတံ ဂီုကၠီုဟွံမွဲ ဒးဒုၚ်စသိုၚ်တုဲ သွက်ဂွံနုက်တိတ်ကဵု နူကဵုကဆံၚ်ဌာနန္တရဂှ် ကွးဘာကူကဳတံ အာတ်မိက်လဝ်ရ။
ဂကူကူကဳ မံၚ်တန်တဴဒၟံၚ် ပ္ဍဲမဏိပူရ သ္ကုတ်သၠုၚ်ကျာဂှ်ဝွံ ကုဂကူချေၚ် နူကဵုဍုၚ်ဗၟာတံဂှ် ရံၚ်ကဵုဂကူမ္ဂး ဆက်စပ်ဒၟံၚ် နွံရ။
ကြဴနူပရေၚ်ဗ္တိုက် ပါလုပ်သီုကဵု ကပေါတ်ဖံက်ခတိုဟ် နကဵုဒရုၚ်တံ က္တဵုဒှ်တုဲဂှ် သၞာဲဒဴဂမၠိုၚ်ဂှ်တှ်ေ ဣဏံဝွံ ဒှ်ပြဝ ရဲမၞုံပၟိက် ဂကူကူကဳတံရောၚ် စောဲစပ်လဝ်ရ။
အကာဲအရာတံဏံဝွံ ဟိုတ်နူကောန်ဍုၚ်ဗၟာတံ လုပ်စိုပ်ကၠုၚ် ပ္ဍဲမဏိပူရတုဲ ဒှ်လဝ်ရောၚ် သၟာပရေၚ်ဍုၚ်ကွာန် ဒေသမဆေၚ်စပ်တံ ဟီုဂးလဝ်ရ။
ဂလာန် သၟာပရေၚ်ဍုၚ်ကွာန်တံ သာ်ဏံဂှ်ကီု၊ သီုကဵုပေါဲဗ္တိုက်နူကဵုဍုၚ်ဗၟာတံဂှ်တုဲ ညးလုပ်စိုပ်ဇူဒီုတံဝွံ ဆန္ဒညးတံ ဟွံပါမွဲသာ် ဒးဒုၚ်ပလံၚ်ဖျဴ ဗွဲအနိၚ်အပိုၚ်တံလေဝ် နွံဒၟံၚ်ရ။
အခိၚ်လၟုဟ် ပ္ဍဲပယျဵုၜါဍုၚ်ဂှ် ဒက်ပ္တန်လဝ် ဇိုၚ်ဒပ်တုဲ သွက်ဂွံကၟာတ်လဒဵု ပရေၚ်အာကၠုၚ်ၜါလ္ပာ်ဂှ် အလဵုအသဳအိန္ဒိယ ရေၚ်တၠုၚ်ဒၟံၚ်ယျ မဒှ်ရ။
Ref: Reuters