Smoke rises over Beirut's southern suburbs after a strike, amid ongoing hostilities between Hezbollah and Israeli forces, as seen from Sin El Fil, Lebanon, October 1, 2024. REUTERS/Amr Abdallah Dalsh

ဂျေရူသလေမ်၊ အံက်တဝ်ဗာ ၁

ဂကောံဒပ်ဗလးတိ အေဿရေတံဝွံ စနူဂိတုအံက်တဝ်ဗာ ၁ အခိၚ်နူဂယးပြဟ်ဂှ်တုဲ လုပ်စိုပ်လဝ် ဍုၚ်လက်ဗနန် သ္ကုတ်သၠုၚ်ကျာဂှ်တုဲ သၠုၚ်ပ္တိုန်လဝ်အသိၚ်ထ္ပက်ပၞာန် ကုညးမၞုံပၟိက်ပၞာန် ဟေဿဗိုဝ်လာတံဂှ်ရ။

ပရေၚ်ဗ္တိုက်ပၞာန်ကျာ က္ဍိုပ်သ္ကိုပ်ဂကောံဟေဿဗိုလ်လာ နာသရဴလာ ဒးချိုတ်အာလဝ်ဂှ်ကီု အေဿရေ ကြဴနူဗ္တိုက်ကၠုၚ်လဝ် ပွန်ဂကောံဟေဿဗိုဝ်လာတံ သတ္တာဟဗွဲမဂၠိုၚ်ဂၠေၚ်တုဲဂှ် လုပ်စိုပ်ဗ္တိုက်ဒၟံၚ် ပ္ဍဲဍုၚ်လက်ဗနန်ရ။

ပ္ဍဲပေါဲပၞာန်ဂါဇြာ နူတမ်တေံဂှ်တှ်ေ ဂကောံဟေဿဗိုဝ်လာ ပန်ပှော်ဗ္တိုက်လဝ် ဍုၚ်အေဿရေ သ္ကုတ်သၟဝ်ကျာ နကဵုကမ်လှောဝ်တုဲ ဗ္တိုက်အာ စဵုကဵုပေါဲဗ္တိုက်အေဿရေ ပ္ဍဲဂါဇြာ ဂွံအိုတ်အာဏောၚ်ဂှ် ဟီုကြီုလဝ်ရ။

အကြာအေဿရေ ကဵု ဂကောံဟေဿဗိုလ်လာတံဂှ် ပရေၚ်ဆေၚ်မုက်တံ က္တဵုဒှ်လဝ် အလန်လက္ကရဴအိုတ်ဂှ်တှ်ေ သၞာံ ၂၀၀၆ တေံ မဒှ်ရ။

ကၠောန်သ္ပဒၟံၚ် ပရေၚ်ဍိုက်ဗ္တိုက် ပွန်ဂကောံဟေဿဗိုလ်လာ အပ္ဍဲဒေသ သၠုၚ်ကျာဍုၚ်လက်ဗနန်ဂှ် သိပ်ပ်ဂၠိပ်ပ်ရောၚ် ထ္မံက်ထ္ၜးလဝ် ပ္ဍဲတၚ်လလောၚ်တြး ဒပ်ပၞာန်အေဿရေ မွဲဂှ်ရ။

ပွန်တံဏံဝွံ နွံဒၟံၚ်ဗ္ဒါဲပယျဵု ကြပ်ကွာန်ရး လ္ပာ်အေဿရေတံဂှ်တုဲ ညးဍုၚ်ကွာန် ဒၟံၚ်ပ္ဍဲပယျဵုတံ ဒဒှ်ရအန္တရာယ်နွံဂှ် အေဿရေ ဟီုရ။

ပရေၚ်ပြုပြေၚ်ပၞာန် ၜိုတ်လဵုလအ်ရောဟီုဂှ် အေဿရေ ဟွံဟီုလဝ်ကီုလေဝ် ကောန်ပၞာန်ဂမၠိုၚ်ဝွံ တုဲကၠုၚ်ဟွံလအ်ဂှ်မှ ပ္ကတ်ပ္ကေၚ်လဝ် သွက်ပရေၚ်ပၞာန်တံဂှ်ရောၚ် ထ္မံက်ထ္ၜးလဝ်ရ။

ကောန်ဍုၚ်အေဿရေ ဂြိပ်တိတ်ပါဲဒလေတ်အာလဝ် နူကဵုပယျဵုတံ ဂွံကလေၚ်စဴဌာန်ဒၟံၚ်မာန် စဵုကဵုဂွံဗၠးဘဲဂှ် ဗ္တိုက်အာ ဂကောံဟေဿဗိုဝ်လာတံရောၚ် ဒပ်ပၞာန်အေဿရေ ဟီုရ။

ပရေၚ်ပ္ကတ်ပ္ကေၚ်ဇြဟတ်ခိုဟ်တုဲ ပ္ဍဲကဵုဂကောံဟေဿဗိုဝ်လာ ဇြဟတ်ကောန်ပၞာန် နွံဒၟံၚ်ကဵုလ္ၚီဠက်ဂှ်  ပိုၚ်ပြဳလဝ် သီုကမ်လှောဝ်တံ ဗွဲမဂၠိုၚ်ရ။

ပ္ဍဲလက်ဗနန် ဟိုတ်နူပရေၚ်ဗ္တိုက်တံတုဲ အပ္ဍဲၜါသတ္တာဟ တုဲကၠုၚ်တေံ မၞိဟ် ၁၀၀၀ ပြၚ် ချိုတ်အာလဝ်တုဲ ပ္ဍဲကဵုဏံ ပန်ဂအုံမွဲဂအုံဝွံ ဒှ်ညးဗြဴတံကဵု ကောန်ၚာ်သၟတ်တံဂှ် ဌာနဝန်ဇၞော်ပရေၚ်ထတ်ယုက် ဟီုလဝ်ရ။

ဂကောံဟာမာသ် နွံဂါဇြာဂှ် လုပ်စိုပ်ဗ္တိုက် အေဿရေတုဲ ရပ်ကော်ဏာလဝ် ညးဒးဒုၚ်သ္ပဒၞန်တံဂှ်တုဲ အေဿရေ ကၠောန်ကၠုၚ် ပရေၚ်ဗ္တိုက်ပလန်တဲရ။

အခိၚ်ဂှ် ဒဒှ်ရဒတူလိုၚ် ကရောံဂကောံဟာမာသ်ဂှ်တုဲ ဂကောံဟေဿဗိုဝ်လာ ပန်ပှော်ဗ္တိုက်လဝ် အေဿရေ နကဵုကမ်လှောဝ်ရ။

ဟိုတ်နူပရေၚ်ဗ္တိုက်ပၞာန်ကျာ အေဿရေတံတုဲ သ္ကိုပ်ဒပ် ဂကောံဟေဿဗိုဝ်လာ ဗွဲမဂၠိုၚ် ဒးချိုတ်အာလဝ်တုဲ ဟိုတ်နူပေဂျာတံ၊ စက်ဟီုအရေဝ်တံ ဗ္တိုဟ်ထ္ကးတုဲလေဝ် ဂကောံဟေဿဗိုဝ်လာ ဗွဲမဂၠိုၚ်ဂၠေၚ် ဒးချိုတ်အာလဝ်ရ။

ဆ္ဂး ဂကောံဟေဿဗိုဝ်လာ ဖျေံလဝ်ကောန်ဒပ် ဗ္ဒါဲပယျဵု ဂၠိုၚ်ကဵုလ္ၚီတုဲ ဗ္တိုက်ဒၟံၚ်အေဿရေဖိုဟ်ရ။

Ref: AFP

Leave a Reply

Your email address will not be published. Required fields are marked *