(သိမ်ဇရပ်) ၊ ဖေဖဝ်ဝါရဳ ၆
ဒပ်ကံၚ်ဇြဳပၞာန် မဖျေံလဝ်ဗ္ဒိုပ် ပ္ဍဲဒၞါဲကၠောန်ပ္တိတ်တၟအ် ဗ္ဒါဲဍုၚ်(သိမ်ဇရပ်) ပွိုၚ်ဍုၚ်ကျာ်ထဝ် တွဵုရးဍုၚ်မန်ဂှ် ဒးဒုၚ်ဗ္တိုက်ကဵုဒရုၚ်တုဲ ပရေၚ်ဇီုကပိုက်ချိုတ်တံ နွံမာန်ရောၚ် ဂွံတီကေတ် နူကဵုဂကောံဒပ်ပၠန်ဂတးတံရ။
တုဲကၠုၚ်ပ္ဍဲဂိတုဖေဖဝ်ဝါရဳ ၄ တေံ ဇိုၚ်သဝ်တ္ၚဲ ၜိုတ် ၅ နာဍဳဂှ် ဂကောံဇြဟတ်ပၠန်ဂတးတံ ဗ္တိုက်ထောံလဝ်မခတိုဟ် နကဵုဒရုၚ် ကုဒပ်ကံၚ်ဇြဳပၞာန် မလုပ်စိုပ်ဖျေံလဝ်ဒပ် အပ္ဍဲစမြိုၚ်ရုၚ် ဒၞါဲကမၠောန်ကၠောန်ပ္တိတ်တၟအ်ဂှ်ရ။
အပ္ဍဲပရေၚ်ဗ္တိုက်ဏံဂှ် ဒရုၚ်ဗုမ် ဒတုံဗ္တိုဟ်ထ္ကးအာလဝ် လ္တူစမြိုၚ်ဍုန်ပုၚ် ဒပ်ကံၚ်ဇြဳပၞာန်ဂှ် ညးတာလျိုၚ် ဂကောံဒပ်စဵုဒၞါညးဍုၚ်ကွာန် ပွိုၚ်ဍုၚ်ကျာ်ထဝ်မွဲတၠ ဟီုကဵု ဌာန်ပရိုၚ်သြၚ်လောန်တိုၚ်(မ်) ရ။
ကြဴနူဒးဒုၚ်ဗ္တိုက်ကဵုဒရုၚ်တုဲဂှ် လ္ပာ်ကံၚ်ဇြဳပၞာန် ပန်ပှော်ကဵုလွဟ်ဇၞော်၊ လွဟ်ဍောတ်တံ ကြာန်န်နွံဒၟံၚ်ကီုလေဝ် လ္ပာ်ဒပ်ပၠန်ဂတးတံ ဇီုကပိုက်ကလိဂွံဝပ် ဟွံမွဲပုဟ်ဂှ် သ္ဂးရ။
ပရေၚ်ဗ္တိုက်ဏံဂှ် ဂကောံဒပ်စဵုဒၞါညးဍုၚ်ကွာန်ပွိုၚ်ဍုၚ်ကျာ်ထဝ်၊ ဒပ်ပၞာန်ဗၠးၜးကောန်ဂကူကရေၚ် KNLA မပါလုပ် ဒပ်ပံၚ်ကောံ ဂကောံဇြဟတ်ပၠန်ဂတးတံ ပါလုပ်ဗ္တိုက်လဝ်ရ။
ပ္ဍဲဍုၚ်(သိမ်ဇရပ်) ဒၞါဲဇြဟတ်ပၠန်ဂတးတံ ချဳဒရာၚ်ဇြဟတ်ခိုဟ်ဒၟံၚ်ဂှ် ပပ္တံနူသၞာံဏံမံက်တုဲ ပရေၚ်ဗ္တိုက်သီုၜါလ္ပာ်တံ ကလေၚ်က္တဵုဒှ်ဒၟံၚ် အဆက်က်ရ။
ပရိုၚ်−သြၚ်လောန်တိုၚ်(မ်)
ဗီု−CJ