မတ်မလီု၊ မာတ် ၂
အလုံဍုၚ်မွဲ အပ္ဍဲဂိတုဖေဖဝ်ဝါရဳမွဲဂိတုတုဲကၠုၚ်တေံဂှ် ဒၟါနူကံၚ်ဇြဳပၞာန်တံတုဲ ညးဍုၚ်ကွာန်ကောန်အရာပ်ဟၟဲကဵုဒုဟ်ဒဏ်ဂမၠိုၚ် ကၠံပြၚ် ဒးချိုတ်အာလဝ်ဂှ် ဂကောံမၚ်မွဲရီုဗၚ်ကောန်ထံၚ်ပရေၚ်ဍုၚ်ကွာန် AAPP လလောၚ်ပ္တိတ်လဝ် ပ္ဍဲဂိတုဖေဖဝ်ဝါရဳ ၂၈ တေံရ။
နူဂိတုဖေဖဝ်ဝါရဳ ၁ စဵုကဵု ၂၈ ဂှ် အလုံဍုၚ်မွဲ ဟိုတ်နူကံၚ်ဇြဳပၞာန်တံတုဲ ညးဗြဴ ၅၃ တၠကဵု မၞိဟ်တြုံ ၅၃ တၠ အပံၚ်ဖအိုတ် ၁၀၆ တၠ ချိုတ်အာလဝ်ဂှ် သ္ပဒတန်ဂွံလဝ် သီုယၟုယၟာဂမၠိုၚ်ရောၚ် သ္ဂးရ။
ပ္ဍဲကဵုဏံ ကောန်ၚာ်သၟတ် သၟဝ်အာယုက် ၁၈ စှော်တြဴတၠ ပါလုပ်တုဲ ပ္ဍဲကဵုညးမဒးပြဟ်လလုဲအာဂမၠိုၚ် ပ္ဍဲကဵုရးမဂွဵုဂှ် ၂၇ တၠ ဒှ်လဝ်ဂၠိုၚ်အိုတ်တုဲ ပ္ဍဲရးသက်ကိုၚ်ဂှ် ၂၆ တၠ ဒှ်ဒေသဂၠိုၚ်အိုတ် မရနုက်ကဵုဒုတိယရ။
ပ္ဍဲကဵုညးဒးချိုတ်အာဂမၠိုၚ် ကောန်အရာပ် ၇၆ တၠဝွံ ဟိုတ်နူပရေၚ်ကံၚ်ဇြဳပၞာန် ပန်ပှော်ဗ္တိုက်ကၠုၚ်လဝ် ကဵုပၞာန်ကျာဂှ်တုဲ ချိုတ်အာလဝ် ဂၠိုၚ်အိုတ်ရောၚ် သ္ဂးရ။
ပ္ဍဲဍုၚ်ဗၟာ အပ္ဍဲကာလပၞာန်သီအဝဵု ပွိုၚ်ပန်သၞာံဏံ ဟိုတ်ဒၟါနူကံၚ်ဇြဳပၞာန်တုဲ ညးဍုၚ်ကွာန်ကောန်အရာပ် တြဴလ္ၚီပြၚ် ချိုတ်အာလဝ်ရောၚ် ဂွံတီကေတ် အတိုၚ်တၚ်နၚ် AAPP ရ။
ပရိုၚ်−သြၚ်လောန်တိုၚ်(မ်)
ဗီု−Social Media