မတ်မလီု၊ မာတ် ၆
အပ္ဍဲဂိတုဖေဖဝ်ဝါရဳ ပွိုၚ်မွဲဂိတုတုဲကၠုၚ်တေံဂှ် သီုသ္ကိုပ်ဗိုလ်ကံၚ်ဇြဳပၞာန်မွဲတၠ မပါလုပ်ဂှ် ကောန်ဒပ်ကံၚ်ဇြဳပၞာန်ကဵု ဗၠာဲသၟိၚ် ၆ တၠ လုပ်စိုပ်ကၠုၚ်ဇရေၚ်ညးဍုၚ်ကွာန်တံဂှ် ဌာနဝန်ဇၞော်ကာစဵုဒၞါ အလဵုအသဳညဳသၟဟ်ဂကူ လလောၚ်ပ္တိတ်လဝ် ပ္ဍဲဂိတုမာတ် ၃ တေံရ။
အပ္ဍဲဂိတုဖေဖဝ်ဝါရဳဏံ ပ္ဍဲကဵုတမ်ဒပ် PDF ၊ ပကဖ နွံသၟဝ်ပရေၚ်ကောပ်ကာဲ ဌာနဝန်ဇၞော်ကာစဵုဒၞါ ကေုာံ ကမ္မတဳဗဟဵုထ္မံက်ရုပ်ရဴပျဳတုယေန်ခွေန် အလဵုအသဳညဳသၟဟ်ဂကူဂှ် ကောန်ဒပ်ကံၚ်ဇြဳပၞာန်ကဵု ဗၠာဲသၟိၚ် ၆၄ တၠ လုပ်စိုပ်ဖျေံကၠုၚ်လဝ်လွဟ်ရ။
ပ္ဍဲကဵုဏံ ညးမစ္ၜုဲစ္ၜော်ကၠုၚ် ဇရေၚ်ညးဍုၚ်ကွာန် သီုလွဟ်လက်နက်တံဂှ် ၄၅ တၠ နွံတုဲ ညးမကေတ်နၚ်သီုလွဟ်လက်နက်တံဂှ် ပ္တိုန်စရာဲဖျေံလဝ်လာပ် အတိုၚ်ၚုဟ်မး နူဌာနဝန်ဇၞော်ကာစဵုဒၞါ NUG မခုတ်ပ္တန်လဝ်ဂှ်ရောၚ် သ္ဂးရ။
သ္အာၚ်နူဂှ်ပၠန် ပ္ဍဲကဵုညးမလုပ်စိုပ်ကၠုၚ်လ္ပာ်ညးဍုၚ်ကွာန် သီုလွဟ်လက်နက်တံဂှ် ကလိဂွံလဝ် လွဟ်လက်နက်နာနာ ၄၄ ဇကိုအ်ကဵု မကမ်လွဟ်လက်နက်ဂမၠိုၚ်ရောၚ် သ္ဂးလဝ်ရ။
အပ္ဍဲဂိတုဂျာန္နဝါရဳတုဲကၠုၚ်တေံဂှ်လေဝ် ကောန်ဒပ်ကံၚ်ဇြဳပၞာန်ကဵု ဗၠာဲသၟိၚ် ၁၃၆ တၠဝွံ ပါလုပ်ကၠုၚ်လဝ် ပ္ဍဲချဳဒရာၚ်ဒစဵုဒစးအဝဵု နနဲဟွံပကီုပရာပ် CDM ဂှ် အလဵုအသဳညဳသၟဟ်ဂကူ NUG လလောၚ်ပ္တိတ်လဝ်ရ။
ပရိုၚ်−သြၚ်လောန်တိုၚ်(မ်)
ဗီု−တမ်ဒပ်ဒဝ်ဏ