မဝ်သဂိုဝ်၊ မာတ် ၉
သ္ကိုပ်ဝန်ဇၞော်ဗျိတိၚ် ကဳယျာသတာမာ စဳဇန်ဒၟံၚ် ဂွံဗလးဏာကောန်ဒပ်ဂမၠိုၚ် သွက်ဂကောံဒပ်ထိၚ်ဒဝ်ပရေၚ်ၜိုဟ်လလမ်ယူကရုၚ်ဂှ်ဝွံ ဒှ်သဘဴဗျိတိၚ် ပါလုပ်အာ ပ္ဍဲပေါဲပၞာန် တိုက်ရိုက်ရဏောၚ်ဂှ် ရုယှာ ဟီုလဝ်ရ။
ယဝ်ယူကရုၚ် ဂွံကၠုၚ်တၚ်တုပ်စိုတ်ပရေၚ်ၜိုဟ်လလမ်မ္ဂး ဍုၚ်ဆန္ဒမၞုံကဵုပရေၚ်မၚ်မွဲတံဂမၠိုၚ် ဂွံဒက်မဟာမိတ်ဂှ် သ္ကိုပ်ဝန်ဇၞော်ဗျိတိၚ် ပ္တိုန်လဝ်ဂလာန် ကရောံသမ္မတပြၚ်သေတ် မက်ကရောန်ရ။
သွက်ဂွံထိၚ်ဒဝ်ပရေၚ်ၜိုဟ်လလမ်သာ်ဏံကဵု သွက်ဂွံရီုဗၚ်ယူကရုၚ်ဂှ် ပ္ဍဲဂကောံပံၚ်ကောံဂှ် ၜိုတ် ၂၀ ဍုၚ် ဂွံပါလုပ် နွံရောၚ် သ္ကိုပ်ဝန်ဇၞော် ကဳယျာသတာမာန် ဟီုရ။
ဆ္ဂး ဝန်ဇၞော်ကာဍုၚ်သ္အာၚ်ရုယှာ သာဂျဳလက်ပရပ်ဂှ်တှ်ေ ဖျေံလဝ်ဒပ်ဍုၚ်သ္အာၚ်တံ ပ္ဍဲပယျဵုရုယှာဂှ်ဝွံ ပ္ဍဲကဵုပေါဲပၞာန်ဒှ်ဒၟံၚ်ကဵုဍုၚ်ရုယှာဂှ် ဍုၚ်မလုပ်ဂကောံနေတိုဝ်ဂမၠိုၚ် ပါလုပ်ကၠုၚ်တိုက်ရိုက်တုဲ ကဵုအခေါၚ်ဟွံဂွံပုဟ်ဂှ် ဟီုလဝ်ရ။
အလဵုအသဳဒဝ်နေဝ်ထြာမ်ဂှ်တှ်ေ အရီုဗၚ်ပရေၚ်ပၞာန် အမေရိကာန်ကဵုဒၟံၚ်ယူကရုၚ်တံသီုဖအိုတ် ဒေါအ်ဇူလဝ်တုဲ အခိၚ်သီုကဵုဒေါအ်ထောံလဝ် နူပွမပါ်ပရအ်ကဵုဒၟံၚ်ပရိုၚ်ထံၚ်ပရိုၚ်တံဂှ် သ္ကိုပ်ဝန်ဇၞော်ကဳယျာသတာမာ တုပ်လဝ်စိုတ်ထ္ပက်လဝ်စၟတ်တဲ ကုကမၠောန်ဂီုကၠီုမွဲ သွက်ဂွံရီုဗၚ်ပလံၚ်ဗစိုပ်ကဵု ဒရုၚ်ပရေၚ်ဗ္တိုက် ဇရေၚ်ယူကရုၚ် ဂၠိုၚ်ၚ်မာန် မဒှ်ရ။
ကြဴနူဝန်ဇၞော်ကာစဵုဒၞါ ဗျိတိၚ်ကဵုအမေရိကာန်တံ ဟီုဂးသဳကၠဳတုဲဂှ် သ္ကိုပ်ဝန်ဇၞော် ကဳယျာသတာမာ ဟီုကၠုၚ်လဝ် သာ်ဏံရ။
တၚ်စောဲစပ် ဒဒှ်ရအမေရိကာန် ဒတူလိုၚ်ဒၟံၚ် လ္ပာ်ရုယှာ စပ်ကဵုယူကရုၚ်ဂှ်တုဲ ဝန်ဇၞော်ကာစဵုဒၞါအမေရိကာန် တးပါဲလဝ်တုဲ ဒဒှ်ရဒှ်ပရေၚ်မဳဒဳယျာဂမၠိုၚ် ဟီုကေတ်မံၚ်မွဲလ္ပာ်ဓဝ်ရဂှ် သ္ဂးရ။
သမ္မတထြာမ် ဖအောန်ဖျေံကၠုၚ် အရီုဗၚ်ကာစဵုဒၞါသွက်ယူရောပ်မာန်ဂှ်တုဲ က္ဍိုပ်သ္ကိုပ်ယူရောပ်ဂမၠိုၚ် ဒစးဒုၚ်စဳဇန်လဝ် မဒှ်ရ။
ဂွံဆက်ကဵုအရီုဗၚ်ကုယူကရုၚ်ဂှ်လေဝ် က္ဍိုပ်သ္ကိုပ်ယူရောပ်တံ တုပ်လဝ်စိုတ်တုဲ ယဝ်ဂွံကၠုၚ်တၚ်တုပ်စိုတ် ပရေၚ်ၜိုဟ်လလမ် ကုရုယှာမ္ဂး ဂွံဗလးအာကောန်ဒပ်ပရေၚ်ၜိုဟ်လလမ်တံ ပ္ဍဲယူကရုၚ်ဂှ် ပလေဝ်ပလေတ်ဒၟံၚ်အိုတ်ရ။
ပြၚ်သေတ်ကေုာံဗျိတိၚ် ပ္တိုန်လဝ်ဂလာန် သ္ဂောံဗလးဏာကောန်ဒပ်ထိၚ်ဒဝ်ၜိုဟ်လလမ် ဇရေၚ်ယူကရုၚ်ဂှ်ဝွံ ထ္မံက်ထ္ၜးဒၟံၚ် လစွံစိုတ်မိက်ဂွံဆေၚ်မုက်ဒိဓဗတ်ဂှ်ရောၚ် ရုယှာ ဟီုလဝ်ရ။
Ref: Independent