ရေဝ်၊ ဂျူလာၚ် ၃
ပ္ဍဲကဵုပရေၚ်ဗတိုက် ကုန်ဗ္ဒိုပ်ကံၚ်ဇြဳပၞာန် ခမရ စၟတ် ၃၄၃ ဖျေံသ္ဇိုၚ်ကွာန်ရုတ်တံၚ် ပွိုၚ်ဍုၚ်ရေဝ် တွဵုရးဍုၚ်မန်ဂှ် ကောန်သ္ဂံၚ်ၜါတၠ ပြဟ်လလုဲအာလဝ်ရောၚ် က္ဍိုပ်သ္ကိုပ်ဂကောံလကိုဟ်ဍုၚ်ရေဝ် ဟီုကဵု ဌာန်ပရိုၚ်သြၚ်လောန်တိုၚ်(မ်) ရ။
တုဲကၠုၚ်ဂိတုဂျူလာၚ် ၁ ပယျာံဂယး ၜိုတ် ၅ နာဍဳဂှ် ဂကောံလကိုဟ်ဍုၚ်ရေဝ် မဒှ်ဒပ်ပၠန်ဂတးဖျေံသ္ဇိုၚ်ရေဝ်ဂှ် လုပ်စိုပ်ဗ္တိုက်လဝ် ကုန်ဗ္ဒိုပ်ဂှ်တုဲ ပေါဲဗတိုက်ၜါလ္ပာ် ဒှ်အာလဝ် ပွိုၚ် ၄၅ မိနေတ်ရ။
အပ္ဍဲပေါဲဗတိုက်ဂှ် လ္ပာ်ဂကောံလကိုဟ်ဍုၚ်ရေဝ်ဂှ် သ္ဂံၚ် ထက်မြတ်မောၚ် (ကော်) အသေးလေး ပြဟ်လလုဲအာလဝ်တုဲ လ္ပာ်ကံၚ်ဇြဳပၞာန်ဂှ် တြဴတၠ ချိုတ်အာလဝ်ရောၚ် သ္ဂးရ။
ပ္ဍဲကဵုတ္ၚဲဂှ် လဒေါဝ်တ္ၚဲ ၜိုတ် ၁၂ နာဍဳဂှ်လေဝ် အခိၚ်ဂကောံလကိုဟ်ဍုၚ်ရေဝ် မၚ်ကၚ် လ္ပာ်(ဝါးချောင်း) ကွာန်ရုတ်တံၚ်ဂှ် ဒှ်လဝ်ပေါဲဗ္တိုက်ဆေၚ်မုက် ကုကရောၚ်ပၞာန်ကံၚ်ဇြဳပၞာန်တုဲ သ္ဂံၚ်လကိုဟ်ဍုၚ်ရေဝ် သူရအံၚ် ထပ်ဒးပြဟ်လလုဲအာလဝ်ရ။
ကြဴနူပေါဲဗ္တိုက်ဒှ်တုဲ စဵုကဵုဂိတုဂျူလာၚ် ၂ ဂှ် နူတမ်ဒပ်ကံၚ်ဇြဳပၞာန် ဖျေံသ္ဇိုၚ်ရေဝ်ဂှ် ပန်နၚ်ဒၟံၚ်လွဟ်ဇၞော် ဟွံပိုတ်သ္ကုတ်တုဲ လ္ပာ်ဒေသ(ဝါးချောင်း) ဂှ်လေဝ် တြးလဝ်ဒပ်ဂှ် ဂွံတီကေတ်ရ။
ဂကောံလကိုဟ်ဍုၚ်ရေဝ်ဝွံ ဒှ်တမ်ဒပ်သၟဝ်တဲ ဒပ်ပၞာန်စဵုဒၞါညးဍုၚ်ကွာန် PDF မွဲတုဲ ချဳဒရာၚ်ဒၟံၚ်ပရေၚ်ပၞာန် ပ္ဍဲတွဵုရးဍုၚ်မန် ပွိုၚ်ဍုၚ်ရေဝ် အဓိကရ။
ပရိုၚ်−သြၚ်လောန်တိုၚ်(မ်)
ဗီုရုပ်−လကိုဟ်ဍုၚ်ရေဝ်