ဝါယှေန်တာန်၊ ဂျူလာၚ် ၃
အခိၚ်ရုယှာ သၠုၚ်ပတိုန်အသိၚ် ဗတိုက်ဒၟံၚ် ယူကရုၚ်ဂှ် ဒေါအ်လဝ်ပရေၚ်ပလံၚ်ဗစိုပ်လွဟ်လက်နက် သွက်ယူကရုၚ်ရောၚ် သ္ၚိဗု ဟီုရ။
ကြဴနူဌာနဝန်ဇၞော်ကာစဵုဒၞါ ကလေၚ်သ္ၚဳဂၠိပ် အရီုဗၚ်ပရေၚ်ပၞာန် အမေရိကာန် မကဵုဒၟံၚ်သွက်ဍုၚ်တၞဟ်ဟ်တံတုဲဂှ် သွက်ဂွံကဵုက္ဍိုပ်ဒတုဲဖဵုအမေရိကာန်တုဲ သ္ဂုတ်သွာတ်လဝ် သာ်ဏံ ရောၚ် ညးမၞုံအခေါၚ်ဟီုဂး သ္ၚိဗု အာန်နာ ဂဴလဳ ဟီုလဝ် ပ္ဍဲဂိတုဂျူလာၚ် ၂ တေံရ။
ပ္ဍဲသၞာံ ၂၀၂၂ ဂိတုဖေဖဝ်ဝါရဳတေံ ကြဴနူရုယှာ ဗတိုက်ကၠုၚ်လဝ်ယူကရုၚ်တုဲဂှ် အမေရိကာန် ပလံၚ်လဝ်လွဟ်လက်နက် ၚုဟ်မးမၞုံဂၠိုၚ်ကဵုဗဳလျာန် သွက်ယူကရုၚ်ရ။
ညးကေတ်လဝ်လျိုၚ် ပ္ဍဲဂကောံအလဵုအသဳထြာမ် လ္ၚဵုဂှ်တှ်ေ ဒဒှ်ရဂွိၚ်ကဵု လွဟ်လက်နက်အမေရိကာန် မဂိုၚ်စွံလဝ်တအ် အောန်စှ်ေအာဂှ် ဟီုဂးဒၟံၚ်အိုတ်ရ။
စပ်ကဵုအမေရိကာန် လလောၚ်တြးကၠုၚ်သာ်ဏံဂှ်တုဲ အလဵုအသဳယူကရုၚ် ဟွံဂွံဟီုမွဲသာ်ဏီရ။
လွဟ်လက်နက်ပန် ပွန်တပ်ပ်ဂွံတံကဵု ကမ်လှောဝ်သ္ဂောံစဵုဒၞါပၞာန်ကျာတံဂှ်ဝွံ ပါလုပ်ဒၟံၚ် ပ္ဍဲကဵုစရၚ်လွဟ်အမေရိကာန် ဟွံပလံၚ်ပတိုန်တံဂှ်ရောၚ် ချိၚ်ကေတ်ရ။
အခိၚ်အမေရိကာန် နုက်တိတ်နူကဵုကဆံၚ်ဒၟံၚ် ကေတ်လဝ်လျိုၚ်ဂီုကၠီုယူရောပ် ဗွဲအဓိကဂှ် သွက်ပရေၚ်စဵုဒၞါ ကေုာံ ပရေၚ်ဂီုကၠီုတံဂှ်တုဲ ဍုၚ်မလုပ်ဂကောံနေတဝ်ဂမၠိုၚ် သ္ပလဝ်ကတိ ရပ်စပ်အာသြန်လုပ်ဍုၚ်ညးတအ် ၅ တၟံကၠံရ။
အကြာဏံ ရုယှာ ဗတိုက်ကၠုၚ်လဝ်ယူကရုၚ် ဒၞါဲတၟာဂလိုၚ်တုဲ ဗတိုက်လဝ် နကဵုဂကူလွဟ်လက်နက် ၅၀၀ ပြၚ်ရ။
အခိၚ်လၟုဟ် ရုယှာ ဗတိုက်သီဂွံလဝ် တိဍာ်ယူကရုၚ် ၂၀ တၟံကၠံ ပါလုပ်သီုကဵုဒေသခရိုၚ်မဳယျာ မသီဂွံလဝ် နူသၞာံ ၂၀၁၄ တေံရ။
Ref: BBC