တယိတ်ချံၚ်၊ ဂျူလာၚ် ၄
ဒပ်ကံၚ်ဇြဳပၞာန် ဖျေံလဝ်ဒပ် ပ္ဍဲကွာန်( ရန်တောၚ်) ပွိုၚ်ဍုၚ်တယိတ်ချံၚ် ရးတၞၚ်သဳဂှ် ဒးဒုၚ်လုပ်စိုပ်ဗ္တိုက်လဝ်တုဲ ကောန်ဒပ်ကံၚ်ဇြဳပၞာန် မသုန်တၠ ချိုတ်အာလဝ်ရောၚ် ဂွံတီကေတ် ဇရေၚ်ကရောၚ်ပၞာန်ဒံၚ်ညဳနံၚ်ရ။
တုဲကၠုၚ်ဂိတုဂျောန် ၃၀ အခိၚ်လဒေါဝ်တ္ၚဲ ၜိုတ် ၁၁ နာဍဳဂှ် ဒပ်ပံၚ်ကောံစဵုဒၞါညးဍုၚ်ကွာန် လုပ်စိုပ်ဗတိုက်လဝ် ဒပ်ကံၚ်ဇြဳပၞာန် ဇြဟတ်မၞုံၜိုတ် ၁၀၀ ပြၚ် မဖျေံလဝ်ဒပ် ပ္ဍဲကဵုဘာလကျာ်ပ္ဍဲကွာန်ဂှ်ကဵု ပ္ဍဲသ္ၚိဒၟံၚ်ညးဍုၚ်ကွာန် အပ္ဍဲကွာန်( ရန်တောၚ်) ဂှ်ရ။
ဟိုတ်နူပရေၚ်ဗတိုက်ဏံတုဲ အကြာဒပ်ကံၚ်ဇြဳပၞာန်ကဵု ဒပ်ပံၚ်ကောံစဵုဒၞါညးဍုၚ်ကွာန်တအ်ဂှ် ပေါဲဗ္တိုက်ၜါလ္ပာ်ဒှ်အာလဝ် နူဇိုၚ်သဝ်တ္ၚဲ ၆ နာဍဳ စဵုကဵု ၇ နာဍဳဂှ်တုဲ ကောန်ဒပ်ကံၚ်ဇြဳပၞာန် မသုန်တၠ ချိုတ်အာလဝ်တုဲ ပိတၠ ဇီုကပိုက်ကလိဂွံလဝ်ဝပ်ရောၚ် ကရောၚ်ပၞာန်ဒံၚ်ညဳနံၚ် လလောၚ်ပ္တိတ်လဝ်ရ။
ပရေၚ်ဗတိုက်ဏံဂှ် ကရောၚ်ပၞာန်ဒံၚ်ညဳနံၚ်၊ ဒပ်ဒရုၚ်ဒံၚ်ညဳနံၚ် ကေုာံ ဒပ်ပၞာန်ဗၠးၜးကောန်ဂကူကရေၚ် KNLA တမ်ဒပ် (၁၂) ဒပ်စြေက် (၁) တအ် ပံၚ်တောဲဗ္တိုက်လဝ်ရ။
တုဲကၠုၚ်ဂိတုဂျောန် ၁ တေံဂှ်လေဝ် ပ္ဍဲကဵုသၞေဟ်ကၚ်စၟဳတ်ဒဒန်ယှိုဲဂူ လ္တူဂၠံၚ်ဇၞော်ပျဳထံၚ်သု စၟတ် ၈ ပွိုၚ်ဍုၚ်တယိတ်ချံၚ်ဂှ် အကြာဒပ်ကံၚ်ဇြဳပၞာန်ကဵု ဒပ်ပံၚ်ကောံပၠန်ဂတးတအ် ဒှ်လဝ်ပေါဲဗ္တိုက်ရ။
ပရိုၚ်−သြၚ်လောန်တိုၚ်(မ်)
ဗီုရုပ်−CJ