ဇြပ်ဗု၊ ဂျူလာၚ် ၅
သၟတ်ပိတၠ ပန်ဝေၚ်ဒၟံၚ်ပါန်ပၟတ် အကြာကၠအ်ပ္ကဴကဵု ဗ္ဒိုပ်ဗၠာဲသၟိၚ်ၝောံဍုၚ်ဇြပ်ဗု တွဵုရးဍုၚ်မန်ဂှ် ဒးဒုၚ်ရပ်လဝ်ရောၚ် ညးဒေသတအ် ဟီုကဵု ဌာန်ပရိုၚ်သြၚ်လောန်တိုၚ်(မ်) ရ။
ပ္ဍဲဂိတုဂျူလာၚ် စၟတ်တ္ၚဲ ၃ အခိၚ်ဗ္တံ ၜိုတ် ၈ နာဍဳ သၟတ်ပိတၠ မၞုံအာယုက် အကြာ ၁၆ ကဵု ၂၂ သၞာံဂှ်ဝွံ ပန်ဝေၚ်လဝ်ပါန်ပၟတ်ပိမ ဗ္ဒါဲဗ္ဒိုပ်ဗၠာဲသၟိၚ်ၝောံဍုၚ်ဇြပ်ဗုရောၚ် ဂွံတီကေတ်ရ။
သၟတ်ပိတၠ ပန်ဝေၚ်လဝ်ပါန်ပၟတ်ဂှ် ဒပ်ဗၠာဲသၟိၚ် ရပ်ဏာလဝ်လွာဲဂှ်တုဲ ရပ်ကော်ဏာလဝ် ပ္ဍဲဗ္ဒိုပ်ဗၠာဲသၟိၚ်ၝောံဍုၚ်ဇြပ်ဗုရ။
အတိုၚ်ဂလာန် ညးမစုက်လုက်ကဵုဗ္ဒိုပ်ဗၠာဲသၟိၚ်တံဂှ်မ္ဂး သၟတ်ပိတၠဏံ ဟီုပတိတ်လဝ် ဒဒှ်ရဟွံဂွံဝေၚ်ပါန်ပၟတ်လအ်တုဲ ပန်ဝေၚ်လဝ်ရောၚ် ညးဟီုလဴထ္ၜးလဝ်ရ။
သၟတ်ပိတၠ ပန်ဝေၚ်လဝ်ပါန်ပၟတ် ဗ္ဒါဲဗ္ဒိုပ်ဗၠာဲသၟိၚ်ဂှ် ဒပ်ဗၠာဲသၟိၚ်တအ် ကဵုသတိ ကဵုထ္ပက်စၟတ်တဲတုဲ ပ္ဍဲဂိတုဂျူလာၚ် ပယျာံဂယးဂှ် ကလေၚ်ဗလးကဵုလဝ်ရောၚ် ဂွံတီကေတ်ရ။
ဍုၚ်ဇြပ်ဗုဝွံ အပ္ဍဲကာလသီအဝဵုဏံ ပရေၚ်ပန်ပှော်ကီု ပရေၚ်ဖံက်ခတိုဟ်တအ်ကီု ဒှ်စအောန်ကီုလေဝ် လ္ပာ်ကံၚ်ဇြဳပၞာန် လလောၚ်ပ္တိတ်လဝ် အမိၚ်ဒေသန္တရရ။
ပရိုၚ်−သြၚ်လောန်တိုၚ်(မ်)
ဗီုရုပ်− CJ