ညံၚ်လေဝ်ပေန်၊ ဂျူလာၚ် ၁၆
ပ္ဍဲပေါဲဗ္တိုက်ပွိုၚ်တြဴဂိတု နူတိဍာ်ဒပ်မဟာ ၃ ခရိုၚ်ညံၚ်လေဝ်ပေန် ဗော်သွးကောန်ဂကူကရေၚ် KNU ဂှ် ကောန်ဒပ်ကံၚ်ဇြဳပၞာန် ၂၄၀ ပြၚ် ချိုတ်အာလဝ်ရောၚ် ခရိုၚ်ညံၚ်လေဝ်ပေန် KNU လလောၚ်ပ္တိတ်လဝ်ပရိုၚ်ရ။
သၞာံဏံ နူဂိတုဂျာန္နဝါရဳ ၁ စဵုကဵုဂိတုဂျောန် ၃၀ အပ္ဍဲပွိုၚ်တြဴဂိတုဏံ ပ္ဍဲတိဍာ်ဒပ်မဟာ ၃ ခရိုၚ်ညံၚ်လေဝ်ပေန် KNU ဂှ် အကြာ KNU ကဵု ဒပ်ကံၚ်ဇြဳပၞာန်သီအဝဵု ဒှ်လဝ်ပေါဲဗ္တိုက်ဍောတ်ဇၞော် ၃၀၀ ဝါရ။
ပ္ဍဲပေါဲဗ္တိုက်ဂှ် လ္ပာ် KNU ၄၄ တၠ ပြဟ်လလုဲအာတုဲ ၁၂၇ တၠ ကလိဂွံလဝ်ဝပ်တုဲ လ္ပာ်ဒပ်ကံၚ်ဇြဳပၞာန်ဂှ် ၂၄၃ တၠ ချိုတ်တုဲ ၁၈၉ တၠ ကလိဂွံလဝ်ဝပ်တုဲ ၇ တၠ လုပ်စိုပ်ဖျေံကၠုၚ်လွဟ်ရောၚ် ထ္မံက်ထ္ၜးလဝ် ပ္ဍဲတၚ်လလောၚ်တြးဂှ်ရ။
သ္အာၚ်နူဂှ်ပၠန် အပ္ဍဲပေါဲဗ္တိုက်ဂှ် ရပ်ဂွံလဝ် ကောန်ဒပ်ကံၚ်ဇြဳပၞာန် ၂၅ တၠ တုဲ သီဂွံလဝ်လွဟ်လက်နက်ဂကူစုၚ် ၂၀၉ ဇကိုအ်ရောၚ် ခရိုၚ်ညံၚ်လေဝ်ပေန် KNU လလောၚ်ပ္တိတ်လဝ်ပရိုၚ်ရ။
အပ္ဍဲပွိုၚ်တြဴဂိတုဏံ ဟိုတ်နူလ္ပာ်ဒပ်ကံၚ်ဇြဳပၞာန်သီအဝဵု ဝးပ္ကဝ်အခေါၚ်အရာမၞိဟ်တုဲ ညးဍုၚ်ကွာန်ဒေသ မၞိဟ်ဗြဴ ၂၉ တၠ၊ မၞိဟ်တြုံ ၂၀ တၠ အပံၚ်ဖအိုတ် ၄၉ တၠ ချိုတ်အာလဝ်တုဲ မၞိဟ်တြုံ ၉၃ တၠ၊ မၞိဟ်ဗြဴ ၈၈ တၠ အပံၚ်ဖအိုတ် ၁၈၁ တၠ ကလိဂွံလဝ်ဝပ်ရောၚ် ပါလုပ် ပ္ဍဲတၚ်လလောၚ်တြးဂှ်ရ။
ဒပ်ကံၚ်ဇြဳပၞာန် ရပ်ချုက်လဝ် ညးဍုၚ်ကွာန်ဒေသ မၞိဟ်တြုံ ၁၄ တၠ၊ မၞိဟ်ဗြဴ ၃ တၠတုဲ ဟိုတ်နူဒပ်ပၞာန် ပန်ပှော်ကၠုၚ်တုဲ ဘာဗ္တောန်လိက်၊ စမြိုၚ်ဘုတ်ဘာ ကေုာံ သ္ၚိမၞိဟ်မံၚ် ဆေၚ်ဖျာတအ် မပါလုပ်ဂှ် အပံၚ်ဖအိုတ် စမြိုၚ် ပွဳပွူ ၂၀၀ ဇီုကပိုက်လီုလာ်အာလဝ်ရောၚ် သ္ဂးလဝ်ရ။
သ္အာၚ်နူဂှ်ပၠန် ကွဳလိုန်ဓာတ်၊ စက်ထဲတိ၊ ကွဳစက် (ဖောကား)၊ စက်သ္ၚုတအ်လေဝ် ဒးလီုလာ်အာတုဲ ပြေၚ်ဂၠဴ ၜိုတ် ၄၀ ချိုတ်ရောၚ် ခရိုၚ်ညံၚ်လေပေန် KNU လလောၚ်ပ္တိတ်လဝ်ပရိုၚ်ရ။
ပရိုၚ်−သြၚ်လောန်တိုၚ်(မ်)
ဗီုရုပ်− ဒေသပၞာန်ပါ် စၟတ် ၂ သ္ကုတ်သၠုၚ်ကျာ