သဓီု၊ ဂျူလာၚ် ၁၇
အပ္ဍဲဂိတုဂျောန်တုဲကၠုၚ်တေံ ပ္ဍဲတိဍာ်ဗော်သွးကောန်ဂကူကရေၚ် KNU ဒပ်မဟာ ၁ ခရိုၚ်သဓီုဂှ် ပေါဲဗ္တိုက်ဒှ်လဝ် ၁၃ ဝါတုဲ ကောန်ဒပ်ကံၚ်ဇြဳပၞာန် ဒ္စိတ်တၠ ချိုတ်အာလဝ်ရောၚ် ဂွံတီကေတ် နူကဵုခရိုၚ်သဓီု KNU ရ။
ပ္ဍဲဂိတုဂျောန်တေံ ဒပ်ကံၚ်ဇြဳပၞာန် မထ္ပက်ကၠုၚ်ကရောၚ်ပၞာန် ပ္ဍဲတိဍာ် KNU ခရိုၚ်သဓီု ပွိုၚ်ဍုၚ်ကျာ်ထဝ်၊ ပွိုၚ်ဍုၚ်ၜဳကလေၚ် ၊ ပွိုၚ်ဍုၚ်သဓီုဂှ် ကၠတ်ပန်ပှော်လဝ် ၇ ဝါ၊ ခတိုဟ်လဝ်မာၚ် ၆ ဝါရ။
အပ္ဍဲပရေၚ်ဗ္တိုက်ဂှ် ကောန်ဒပ်ကံၚ်ဇြဳပၞာန် ဒ္စိတ်တၠ ချိုတ်တုဲ ၂၀ တၠ ဇီုကပိုက်ကလိဂွံလဝ်ဝပ်တုဲ လ္ပာ်ဒပ်ပံၚ်ကောံမဟာမိတ်ပၠန်ဂတးတအ် ဇီုကပိုက်ကလိဂွံလဝ်ဝပ် ဟွံမွဲရောၚ် ညးအုပ်ကာခရိုၚ်သဓီု KNU ပဒိုဝ်သဝ်အေနာၚ် ဟီုရ။
အပ္ဍဲဂိတုဂျောန်ဂှ် ဒပ်ကံၚ်ဇြဳပၞာန် ပန်လဝ်လွဟ်ဇၞော်အပ္ဍဲကွာန် မၞုံပ္ဍဲပွိုၚ်ဍုၚ်ကျာ်ထဝ်ကဵု ပွိုၚ်ဍုၚ်ၜဳကလေၚ်တံဂှ် ၁၁ ဝါတုဲ ညးဍုၚ်ကွာန်ကောန်အရာပ်မွဲတၠ ချိုတ်တုဲ ထပှ်တၠ ကလိဂွံလဝ်ဝပ်တုဲ သ္ၚိ ၁၁ မ၊ ဘာလကျာ်မွဲမ လီုလာ်အာလဝ်ရောၚ် ဂွံတီကေတ်ရ။
လ္ပာ်ကံၚ်ဇြဳပၞာန် ပန်ဒၟံၚ်လွဟ်ဇၞော်ကြာန်န်ဂှ်ရ ညးဒေသဂမၠိုၚ် ဒးမံၚ်အာဒၟံၚ် ဖေက်က်ဂွိၚ်ၚ်တုဲ ဟိုတ်နူဟွံဂံၚ်အာကၠုၚ်တုဲ ပရေၚ်စသုၚ်မံၚ်စံၚ် ကြေပ်ဂြတ်ကၠုၚ်မံၚ်ရောၚ် သ္ဂးရ။
ပ္ဍဲဂိတုမေတုဲကၠုၚ်တေံလေဝ် အပ္ဍဲတိဍာ်ဒပ်မဟာ ၁ KNU ဂှ် ပေါဲဗ္တိုက်ဒှ်လဝ် ၆ ဝါတုဲ ကောန်ဒပ်ကံၚ်ဇြဳပၞာန် ထပှ်တၠ ချိုတ်တုဲ တြဴတၠ ဇီုကပိုက်ကလိဂွံလဝ်ဝပ်ရောၚ် ဂွံတီကေတ်ရ။
ပရိုၚ်−သြၚ်လောန်တိုၚ်(မ်)
ဗီုရုပ်−CJ