ၜဳကလေၚ်၊ ဂျူလာၚ် ၁၈
ပ္ဍဲဂကောံပျဳတုသေတ် သၟဝ်တဲကံၚ်ဇြဳပၞာန် ပ္ဍဲပွိုၚ်ဍုၚ်ၜဳကလေၚ် တွဵုရးဍုၚ်မန်ဂှ် ညးလုပ်စိုပ်ဂၠိုၚ်ကၠုၚ်တုဲ ဇြဟတ်ဂၠိုၚ်ကဵုကၠံ သၠုၚ်တိုန်ကၠုၚ်မံၚ်ရောၚ် ဂွံတီကေတ် နူကဵုဒပ်ပၠန်ဂတး ပါလုပ်သီုကဵုညးဒေသတအ်ရ။
ကံၚ်ဇြဳပၞာန် နွံပၟိက်ဒၟံၚ်ကဵုဇြဟတ်ဒပ်ဂှ်ဝွံ စန်ဒက်ကၠုၚ် ညးကလောန်ဟွံမွဲ၊ သၟာကမၠောန်ဆုဲပြံၚ်၊ ညးမဝါတ်ကျာတ် အပ္ဍဲဒေသတံဂှ်တုဲ စုတ်ဒၟံၚ် ပ္ဍဲဂကောံပျဳတုသေတ်တအ်ရ။
ဂကောံပၞာန်မၚ်ကွာန် ပ္ဍဲကွာန်အရာပ် အပ္ဍဲဒေသဂှ်တှ်ေ ကောန်ဗော်ဗျဳခိုၚ်ဖျဵု ဒပ်ပၞာန်ထံက်ဂလာန်ဂှ်ကဵု ကောန်ပၞာန်ရာံတိတ်ဂမၠိုၚ် ဍိုက်မံၚ်ဍိုပ် အဓိကရ။
အတိုၚ်ဂလာန် ညးဒေသတံဂှ်မ္ဂး ကံၚ်ဇြဳပၞာန် ဟိုတ်နူကဵုကၠုၚ်ဒၟံၚ်အခေါၚ်ကၠောန်ဝိုၚ်ဝေၚ် ကုကောန်ဂကောံပျဳတုသေတ်လုပ်ကၠုၚ်တၟိတအ်၊ ကဵုရပ်ဒၟံၚ်မၞိဟ်ဂွံလုပ်ပၞာန်တုဲ ကဵုလဝ်အခေါၚ်အာတ်မိက်သြန်တံဂှ်ရ မၞိဟ်လုပ်စိုပ်ဂၠိုၚ်ကၠုၚ်ရောၚ် ဂွံတီကေတ်ရ။
ကောန်ဂကောံဗျဳတုသေတ်တံဝွံ ဗွဲကြဴဏံ ၚးတးကၠုၚ်တိဍာ် ကရောံကောန်ဒပ်ကံၚ်ဇြဳပၞာန်တအ်၊ ရေၚ်တၠုၚ်ကၠုၚ် ကမၠောန်ပရေၚ်ဂီုကၠီု ကေုာံ ရပ်ဒက်ညးမ္ဒးယိုက်လျိုၚ်ပၞာန်တအ်၊ စၟဳတ်ယာန်ကွဳစက်၊ မၚ်မွဲသၞေဟ်ကၚ်တအ်ဒှ်တမ် ကၠောန်ကၠုၚ်ဂှ် သ္ဂးရ။
ကြဴနူဒပ်ပၞာန်သီအဝဵုတုဲ ဂွံမွဲသၞာံပြၚ်ဂှ် ကောန်ဒပ်ပၠန်ဂတးတအ် စကာနဲကဲနာနာသာ်တုဲ ၚးတးပသောၚ်ကၠုၚ်ဒၟံၚ် ပျဳတုသေတ်၊ ညးကဵုပရိုၚ်၊ သ္ဇိုၚ်ဝန်ကံၚ်ဇြဳပၞာန်တအ်ဂှ်တုဲ ဟွံဂွံအာကၠုၚ်လဝ် မံက်က်ထေၚ်ၚ်ရ။
ဗွဲကြဴဏံ ကောန်ဒပ်ပျဳတုသေတ်ဂမၠိုၚ်ဝွံ ကျိုၚ်လတက်ကယျိုၚ်ပၞာန် ရပ်လွဟ်တုဲ အာကၠုၚ်ဒၟံၚ်လ္တူဂၠံၚ်ဍာန်၊ တက်ဝိုၚ်စသုၚ်ဒၟံၚ်တအ်ဒှ်တမ် ကၠောန်ကၠုၚ်ဒၟံၚ်ဂှ် ဂွံတီကေတ်ရ။
ပရိုၚ်−သြၚ်လောန်တိုၚ်(မ်)
ဗီုရုပ်−Social Media