ရေဝ်၊ ဂျူလာၚ် ၁၉
ပ္ဍဲတွဵုရးဍုၚ်မန် ပွိုၚ်ဍုၚ်ရေဝ် ပ္ဍဲကွာန်ညဳသာဂှ် သ္ကိုပ်အုပ်ဓုပ်ကွာန် ဥူကျဝ်ထူ ဒးဒုၚ်ပန်လဝ်ကဵုသေနာတ်တုဲ ချိုတ်အာလဝ်ရောၚ် ညးဒေသဂမၠိုၚ် ဟီုကဵု ဌာန်ပရိုၚ်သြၚ်လောန်တိုၚ်(မ်) ရ။
သ္ကိုပ်အုပ်ဓုပ်ကွာန်ညဳသာ ဥူကျဝ်ထူ အာယုက်မၞုံ ၆၂ သၞာံဂှ်ဝွံ ပ္ဍဲဂိတုဂျူလာၚ် ၁၆ အခိၚ်တ္ၚဲစေၚ်ဂှ် ဒးဒုၚ်ပန်ဂစိုတ်လဝ်ကဵုသေနာတ်ရ။
သ္ကိုပ်အုပ်ဓုပ် ဥူကျဝ်ထူဝွံ နူဍုၚ်ရေဝ် အခိၚ်စဴကၠုၚ်ကွာန် နကဵုကွဳလိုန်ဓာတ် ညးမွဲဓဝ်ဂှ် ဒးဒုၚ်ပန်လဝ်ကဵုသေနာတ် ဗ္ဒါဲကွာန်ကအ်ကွေဟ်ရ။
ဟိုတ်နူဒးဒုၚ်ပန်လဝ်ကဵုသေနာတ်တုဲ ဥူကျဝ်ထူ ဒးအာသေနာတ် ပ္ဍဲက္ဍိုပ်၊ ပ္ဍဲမုက်တုဲ ဒးချိုတ်အာလဝ် ပ္ဍဲဒၞါဲဒှ်ပရူဂှ်ရ။
စပ်ကဵုအကာဲအရာ သ္ကိုပ်အုပ်ဓုပ်ကွာန် ဥူကျဝ်ထူ ဒးဒုၚ်ပန်ဂစိုတ်ဂှ်တုဲ နူကဵုသြၚ်လောန်တိုၚ်(မ်) ဆက်စၠောံသၟာန်သၟုက်လဝ် ဂကောံဒပ်ပၠန်ဂတးတအ်ကီုလေဝ် ညးတံသ္ပလဝ်ဟွံသေၚ်ရောၚ် ကယျာန်ပါဲလဝ်ရ။
ဆ္ဂး ရဲထံက်ဂလာန် လ္ပာ်ဒပ်ကံၚ်ဇြဳပၞာန်တအ်ဂှ်တှ်ေ ဒပ်စဵုဒၞါညးဍုၚ်ကွာန် PDF တအ် ပန်ပှော်လဝ်ရောၚ် စောဲစပ်လဝ်ရ။
တုဲကၠုၚ်ဂိတုဂျူလာၚ် ၁၂ တေံဂှ်လေဝ် ကောန်ပၞာန်မၚ်ကွာန်မွဲတၠ ဒးဒုၚ်ပန်လဝ်ကဵုသေနာတ် လ္တူဂၠံၚ်ကွာန် အၜဝ်−ဒူရာ ဗ္ဒါဲဂၠံၚ်လုပ်ကွာန်ဒူရာ ပွိုၚ်ဍုၚ်ရေဝ်ဂှ်တုဲ ချိုတ်အာလဝ်ရောၚ် ဂွံတီကေတ်ရ။
ပရိုၚ်−သြၚ်လောန်တိုၚ်(မ်)
ဗီုရုပ်−Social Media