ပဠဝ်၊ ဂျူလာၚ် ၂၀
ပ္ဍဲရးတၞၚ်သဳ ပွိုၚ်ဍုၚ်ပဠဝ်ဂှ် သၠုၚ်ပတိုန်အာအသိၚ်ပရေၚ်ပၞာန်ဏောၚ်တုဲ နကဵုညးဍုၚ်ကွာန်ဂမၠိုၚ် ၜိုတ်သ္ပမာန် ဝေၚ်ပါဲဒၞါဲဒပ်ပၞာန်မဖျေံလဝ်ဗ္ဒိုပ်တအ်အိုတ်ညိဂှ် တမ်ဒပ်လၟိဟ် ၁ ခရိုၚ်ဗိက် လလောၚ်ပ္တိတ်ကဵုလဝ်သမ္တီ ပ္ဍဲဂိတုဂျူလာၚ် ၁၉ တေံရ။
တမ်ဒပ်လၟိဟ် (၁) ခရိုၚ်ဗိက်ကဵု ဂကောံဒပ်ပံၚ်ကောံမဟာမိတ်ဂမၠိုၚ် သၠုၚ်ပတိုန်အသိၚ် ဗ္တိုက်သရိုဟ်အာ ဒပ်ကံၚ်ဇြဳပၞာန် ကေုာံ ညးမဒုၚ်သြဇာဂမၠိုၚ်ဏောၚ်ဂှ်တုဲ နကဵုညးဍုၚ်ကွာန်ဂမၠိုၚ် ပသတိကဵုပရေၚ်ပၞာန်တံဂှ်တုဲ မံၚ်စံၚ်အိုတ်ညိဂှ် ကဵုလဝ်သမ္တီရ။
အခိၚ်ဒှ်မံၚ်ပရေၚ်ပန်ပှော် ယဝ်စိုပ်မံၚ် ပွဳဗွိုၚ်ကြပ်ဒပ်ကံၚ်ဇြဳပၞာန်တအ်ဂှ်မ္ဂး လ္ပဖေက်လကိုတ်မွဲသာ် ပါဲကၠေံဒၞါဲဗၠးမကမ်တံဂှ်တုဲ ၜိုတ်သ္ပမာန် မံၚ်စံၚ်ဗွဲမဂီုကၠီုအိုတ်ညိဂှ် ကဵုကသပ် ဖ္တိုက်ဖ္အောဝ်လဝ်ရ။
သ္အာၚ်နူဂှ်ပၠန် ပ္ဍဲကဵုသ္ၚိဒၟံၚ်တံဂှ်လေဝ် သွက်ဂွံၜံက်စွံလဝ် ဥမၚ်ပါဲဗုမ် ချိုတ်တ်ပၠိုတ်တ်ဂှ်ကီု၊ တၞးလိက်ပၟိက်ဇၞော် ကပေါတ်မၞုံကဵုၚုဟ်မးတအ်ဂှ်လေဝ် ဂွဳစွံလဝ်ခိုဟ်ဟ်အိုတ်ညိဂှ် ထ္မံက်ထ္ၜးလဝ် ပ္ဍဲတၚ်လလောၚ်တြးဂှ်ရ။
ညးဒုၚ်တာလျိုၚ် လလောၚ်ပရိုၚ် တမ်ဒပ်လၟိဟ် ၁ ခရိုၚ်ဗိက်ဂှ်တှ်ေ ဟိုတ်နူသၠုၚ်ပ္တိုန်အာအသိၚ်ပရေၚ်ပၞာန်တံဂှ်တုဲ ညံၚ်ညးဍုၚ်ကွာန်ဂမၠိုၚ် ဟွံဂွံဇီုကပိုက်ဒးဂှ် ဒစးဒုၚ်ကဵုအာသမ္တီဏောၚ် ဟီုကဵု ဌာန်ပရိုၚ်သြၚ်လောန်တိုၚ်(မ်) ရ။
တမ်ဒပ်လၟိဟ် (၁) ခရိုၚ်ဗိက်ဝွံ အပ္ဍဲကာလသီအဝဵုဏံ ဝေၚ်လဝ်ပေါဲဗ္တိုက် ၁၅၀ ပြၚ် ကရောံဒပ်ပံၚ်ကောံမဟာမိတ်ဂမၠိုၚ် ပ္ဍဲပွိုၚ်ဍုၚ် မၞုံအပ္ဍဲခရိုၚ်ဗိက် ပါလုပ်သီုကဵုပွိုၚ်ဍုၚ်ပဠဝ်ဂှ် ဂွံတီကေတ်ရ။
ပရိုၚ်−သြၚ်လောန်တိုၚ်(မ်)
ဗီုရုပ်−Myeik PDF