မာန္တလေ၊ ဂျူလာၚ် ၂၇
သၚ် မဒှ်ကောန်ထံၚ်ပရေၚ်ဍုၚ်ကွာန်မွဲဇကု ဒးလဝ်ဒဏ်ထံၚ် ၁၅ သၞာံ ပ္ဍဲထံၚ်အိုဝ်ဗိုဝ် ရးမာန္တလဂှ်ေ စဴအာသွဝ်ရောၚ် ဂွံတီကေတ် နူကဵုဇာဇၞိက်ကောန်ထံၚ်ပရေၚ်ဍုၚ်ကွာန်အလုံဍုၚ်ဗၟာ PPNM ရ။
သၚ်စဴအာသွဝ်ဂှ်ဝွံ ဒှ်( ဦးပသံသိယ) ကောန်ထံၚ်ပရေၚ်ဍုၚ်ကွာန် နူကဵုတိုက်လိက်( ရတနာပုံ) ဍုၚ်မာန္တလေ အာယုက်၃၆ ကလိဂွံဝှ် ၁၆ ရ။
( ဦးပသံသိယ) ဝွံ ဟိုတ်နူယဲကေန်သာတုဲ အဃောဒးတိုန်စိုပ်လွဳဒၟံၚ် ပ္ဍဲရုၚ်ဂဥုဲညးဍုၚ်ကွာန်မာန္တလေ ပ္ဍဲဂိတုဂျူလာၚ် စၟတ်တ္ၚဲ ၂၅ ဂှ် ကလိလောန်စဴအာသွဝ်ရ။
သၞာံ ၂၀၂၂ ဂိတုဖေဖဝ်ဝါရဳ ၂၁ အခိၚ်ဗ္တံဂှ် နကဵုဇြဟတ်လၟိဟ်ဗွဲမဂၠိုၚ်ဂၠေၚ် ဒပ်ကံၚ်ဇြဳပၞာန် လုပ်စိုပ်ရပ်ဒက်လဝ်ညး ပ္ဍဲကဵုတိုက်လိက်(ရတနာပုံ) ဒၞါဲညးနွံပိုန်ဂှ်ရ။
ကြဴနူဂှ်တုဲ ပ္ဍဲသၞာံ ၂၀၂၃ ဂိတုဂျူလာၚ် ၁၇ ဂှ် ဒးဒုၚ်ဖျေံလဝ်ဒဏ်ထံၚ် ၁၅ သၞာံ နကဵုၝောံပိုဒ် ၅၀ (ည) သၞောဝ်ဗ္တိုက်သရိုဟ်ပကီုပရာပ် တုဲ ဒးဒုၚ်ဖျေံလဝ်ထံၚ် ပ္ဍဲထံၚ်အိုဝ်ဗိုဝ်ဂှ် ဂွံတီကေတ်ရ။
အတိုၚ်စၟတ်သမ္တီ PPNM ဂှ်မ္ဂး သၞာံဏံ နူဂိတုဂျာန္နဝါရဳ ၁ စဵုကဵုဂိတုဂျူလာၚ် ၂၅ အပ္ဍဲပွိုၚ်ထပှ်ဂိတုဂှ် ပ္ဍဲထံၚ်စာတ်အလုံဍုၚ်မွဲဂှ် ကောန်ထံၚ်ပရေၚ်ဍုၚ်ကွာန် ၁၇ တၠ ချိုတ်အာလဝ်ရ။
ပရိုၚ်−သြၚ်လောန်တိုၚ်(မ်)
ဗီုရုပ်−Social Media