သဓီု၊ ဂျူလာၚ် ၂၉
ပ္ဍဲတွဵုရးဍုၚ်မန် ပွိုၚ်ဍုၚ်သဓီု ကွာန်ဒူရေန်သုက်ဂှ် ဟိုတ်နူဗြဲဇၞော်ဂူကီု သီုကဵုဍာ်ကြုၚ်တိုန်ကၠုၚ်ဂှ်တုဲ လၟိဟ်မၞိဟ် ဗ္ဒါဲ ၄၀၀ ဒးဆုဲပြံၚ်လဝ်ကာတၟေၚ်ရောၚ် ညးဒေသဂမၠိုၚ် ဟီုကဵု ဌာန်ပရိုၚ်သြၚ်လောန်တိုၚ်(မ်) ရ။
ပပ္တံနူဂိတုဂျူလာၚ် ၂၇ တုဲကၠုၚ်တေံတုဲ ဟိုတ်နူဗြဲဇၞော်ဂူကီု ဍာ်ကြုၚ်ဒူရေန်သုက် ၜက်အာဗ္ၜတ်ဍာ်ဒးဂွိၚ်တုဲ ဍာ်လုပ်ကၠုၚ်ပ္ဍဲကွာန်ဂှ်ရ မၞိဟ်မံၚ်ပ္ဍဲအရာပ်သဝ်ဝ်လ္ၚဵုတအ် ဒးဆုဲပြံၚ်ဒၟံၚ်ကာတၟေၚ်ရ။
အတိုၚ်ဂလာန် ညးဒေသတံဂှ်မ္ဂး ပ္ဍဲကွာန်ဂှ် ဍာ်တိုန်ကၠုၚ် ၜက်အာ ၄ ပေပြၚ်တုဲ သ္ၚိမွဲထပ်မ္ဂး မၞိဟ်မံၚ်ဟွံဂွံရတုဲ ဒးဆုဲပြံၚ်လဝ် လ္ပာ်ဒၞါဲသၠုၚ်ၚ်တံဂှ်ရ။
အခိၚ်လၟုဟ် ပ္ဍဲကွာန်ဒူရေန်သုက်ဂှ် ပံက်လဝ်ဗ္ဒိုပ်ဟံၚ်ပြာ်ဘဲဍာ်ယာယဳ ၂ တုဲ လၟိဟ်မၞိဟ် ဗ္ဒါဲ ၄၀၀ ကၠုၚ်စိုပ်ဇူဒီုဒၟံၚ်ရ။
ဗြဲဆက်ဂူဒၟံၚ် စဵုကဵုဂိတုဂျူလာၚ် စၟတ်တ္ၚဲ ၂၈ အခိၚ်ဇိုၚ်သဝ်တ္ၚဲဂှ်တုဲ ဍာ်ကြုၚ်ဂှ်လေဝ် သၠုၚ်တိုန်ဒၟံၚ်တုဲ မၞိဟ်ဒးပြံၚ်ကၠုၚ်ဒၞါဲတအ်ဂှ်လေဝ် ထပ်နွံမံၚ်ရောၚ် သ္ဂးရ။
သ္အာၚ်နူဂှ်ပၠန် ဗ္ဒါဲကြုၚ်ဒူရေန်သုက် ပ္ဍဲကဵုကွာန်ဟွံအောန်နူကဵု ၅ ကွာန်ဂှ် ဍာ်လုပ်စိုပ်ဒၟံၚ် ၜိုတ် ၃ ပေနွံကီုလေဝ် ညးဒေသတအ် ဟွံဂွံဆုဲပြံၚ်ဏီရောၚ် ဂွံတီကေတ်ရ။
ပရိုၚ်−သြၚ်လောန်တိုၚ်(မ်)
ဗီုရုပ်−CJ