မတ်မလီု၊ အဝ်ဂတ် ၂
နဒဒှ် ကဝ်မယှေန် ပရေင်ဂီုကၠီုကၟိန်ဍုင်ကဵု ၜိုဟ်သြိုဟ်သာယာ ကံင်သဳပၞာန် ပြံင်သၠာဲလဝ်ဂှ် နဲလဵုဒှ်ဒှ် ညံင်ဂွံဖာဲကၠေံအာ သမ္မတယာယဳ အလဵုအသဳပရေင်ညဳသာကောန်ဂကူ NUG ဒူဝါလယှဳလ ဖတိုက်ဖအောဝ်လဝ်ရ။
တုဲကၠုင်ဂျူလာင် ၂၉ အလဵုအသဳပရေင်ညဳသာကောန်ဂကူ NUG မကၠောန်လဝ်ကောံဓရီုဂှ် သမ္မတယာယဳ ဒူဝါလယှဳလ ဖတိုက်ဖအောဝ်လဝ်ဏောင်။
နကဵုပရေင်ဍုင်ကွာန်ဒှ်ဒှ် ပရေင်ဍုင်ကွာန်ဒှ်ဒှ် နဲလဵုဒှ်ဒှ် ဖာဲပတိတ်ပလေအ်ထောံ ကံင်သဳပၞာန်မာန်မှ ဗီုပၟိက်ဆန္ဒကောန်ညးဍုင်ကွာန်တံ စၟဳစလဝ် အနာဂတ်ကၟိန်ဍုင်တၟိ မၞုံကဵုပရေင်ဓရ်ယာတပ်တး ဗွဲမသာယာရာင်ဆာဲ မံက်တိတ်ကၠုင်မာန်ရောင် သမ္မတယာယဳ သ္ဂးလဝ်ရ။
တုဲပၠန် ဟိုတ်နူစိုတ်ဆန္ဒကောန်ညးဍုင်ကွာန်သီုဖအိုတ်တံဟေင် ကၟိန်ဍုင်ဗမာတၟိ ညံင်ဂွံမံက်တိုန်ကၠုင်ဂှ် အဓိက မ္ဒးအာရောင်ဒှ်တုဲ ဒၞာဲပရေင်လ္ရဵုလ္ရဵု မဒးကၠောန်အာ ပွမပြုပြေင်ပလေဝ်ပလေတ်စတံ နွံမံင်ရောင်ဂှ် သမ္မတယာယဳ ဒူဝါလယှဳလ ဟီုလဝ်ရ။
ကာလ မကၠောန်အာ ပရေင်ပြုပြေင်ပလေဝ်ပလေတ်စတံမ္ဂး သီုဖအိုတ်တံဂှ် နကဵုသၟာပၠန်ဂတးပေင်င် လပါ်ဓဝ်ဍာံ ဒတူလာင် သၠးကၠေံဖဵုဂုဏ်တုဲ သွက်ကောန်ညးဍုင်ကွာန်ဂမၠိုင် ဒက်ပတန်ကဵုမံင်အနာဂတ်ရောင် ပ္ဍဲကောန်တၟံစိုတ် ဂလာန်ပတေဟ်ဇၞော်ဇၞော် ညံင်ဂွံဆက်တန်တဴအာရောင် သ္ဂးလဝ်ရ။
နကဵုဝန်ဇၞော်ဂမၠိုင်လေဝ် ဟိုတ်နူ တိတ်ကၠုင်တရဴ လပါ်ဒေသ သကိုင် (စစ်ကိုင်း)၊ မဂွေ (မကွေး) တံ မာန်ဂှ်ရ တီကၠုင်အကာဲအရာ ပကတိတံတုဲ သွက်ပၠန်ဂတး ပဵုတုဲဂွံခိုဟ်၊ ညံင်ဂွံစိုပ်တရဴ ဖန်ဖက်စဳရေင်အာမာန်ရောင် ပတေဟ်ကေတ်ရ သာ်ဝွံ သ္ကိုပ်ဝန်ဇၞော်ကၟိန်ဍုင် NUG မာန်ဝေန်ခိုင်တာန် ဟီုဂးဏာ ပ္ဍဲကဵုကောံဓရီုဏံရ။
တုဲကၠုင်တ္ရဲအကြာတံဏံဂှ်ရ သမ္မတယာယဳ NUG ဒူဝါလယှဳလကဵု ဝန်ဇၞော်လ္ရဵုတံ အာစိုပ်လဝ်ဒၞာဲတိဍာ် NUG ထိင်ဒဝ်လဝ်ဂှ်တုဲ ဆဵုဂဗလဝ် ညးဍုင်ကွာန်တံကီု သီုကဵု ကောန်သ္ဂံင်ပၠန်ဂတးတံဂှ် လလောင်တြးလဝ်နွံရ။
ပရိုင်- သြင်လောန်တိုင်(မ်)
Photo – NUG