တွဵုရးဍုင်မန် အပ္ဍဲပွိုင်ဍုင်မုဟ်ဍုင် အရာပ်၊ ကွာန်မွဲမွဲမ္ဂး သွက်ဂွံယိုက်ဂၠေင်လျိုင်ဝန်ပၞာန် ညံင်ဂွံ
ကဵုကောန်သ္ဂံင်ၜါတၠ ကံင်သဳပၞာန် ပတိတ်လဝ်အမိင်ရောင် ရဲကြပ်ကဵုသ္ကိုပ်အုပ်ဓုပ်တံ ဟီုလဴကဵုလဝ် သြင်လောန်တိုင်(မ်)ရ။
သွက်ဂွံတိုန်ဘာပၞာန် လၟေင် ၁၆ ဝါဏံ နကဵုသ္ကိုပ်ပရေင်အုပ်ဓုပ်ကွာန် အပ္ဍဲပွိုင်ဍုင်မုဟ်ဍုင်တံ ကောန်သ္ဂံင်ၜါတၠ ညံင်ဂွံပလံင်ဗစိုပ်နင် လပါ်ကံင်သဳပၞာန် ပတိတ်လဝ်အမိင်ရ။
သ္ကိုပ်အုပ်ဓုပ် ပလံင်ဗစိုပ်နင် ကောန်သ္ဂံင်ဟွံမာန်တံဂှ် ပတိတ်ထောံနူတာလျိုင်ရောင် ဘပဠလဝ်နွံဂှ်ရ သ္ကိုပ်အုပ်ဓုပ်ဗွဲမဂၠိုင်တံ ဒှ်မံင်အခက်အခုဲ ဂးရ။
ပြဟ်ဟ်ဏံ သ္ကိုပ်အုပ်ဓုပ်ကံင်သဳပၞာန်ခါန်ကၞက်လဝ်တံ ညံင်ဂွံလိင်ရာန်ကေတ်ကောန်သ္ဂံင်မာန် ဂစာန်ဖန်ဇန်မံင်အိုတ်တုဲ မွဲသ္ရိမ္ဂး သြန်မွဲဠက် ဒဵုကဵုၜါဠက်ဒကေဝ် ဗက်ကံက်ကေတ်မံင်ရောင် ရဲဒေသံ ဟီုလဴရ။
အခိင်တုဲကၠုင်တေံ ပ္ဍဲပွိုင်ဍုင်မုဟ်ဍုင် ညံင်သ္ဂောံဂွံကၠုင် ကောန်သ္ဂံင်တၟိတံဟီုတှ်ေ ရဲဍိုက်ကွဳစက်ယာန်လိုင်သေန်ဟၟဲတံ၊ ရဲသုင်ဂဥုဲၜူမာဲ၊ အခိင်ဗတမ် ရဲဗက်ကၠတ်ဂၠံက်စတံဂှ် ရပ်ထိင်တုဲ ပလံင်ဗစိုပ်လဝ် ဘာပၞာန်တံနွံမံင်ရောင်။
ဆဂး ဗွဲကြဴဏံ ရပ်ဂွံမၞိဟ်အောန်စှ်ေကၠုင်တုဲ လၟိဟ်ကောန်သ္ဂံင်ဂွံပေင်မာန်ဂှ် ကံင်သဳပၞာန်တံ ထပ်ကဵုကၠုင်ဇြဟတ်ဟရိုဟ်ကု သ္ကိုပ်အုပ်ဓုပ်တံပၠန် သ္ဂးရ။
ဗီုဂှ်ကီု အပ္ဍဲကဵုတွဵုရးမန် ပွိုင်ဍုင်တၞဟ်ဟ်ဂှ်လေဝ် သ္ကိုပ်အုပ်ဓုပ်တံ ညံင်ဂွံပလံင်ဗစိုပ်ကဵု ကောန်သ္ဂံင်ဍိုက်က်ပေင်င်မာန်ဂှ် ကဵုကၠုင်ဇြဟတ်ဟရိုဟ်ဗွဲမဂၠိုင်ကီုရ။
နကဵု သြင်လောန်တိုင်(မ်) ပကောံဂွံလဝ်တင်နင်ဂမၠိုင်မ္ဂး အပ္ဍဲကဵုတွဵုရးမန် ကံင်သဳပၞာန် ပံက်ကၠုင်လဝ် ဘာပၞာန် နူကဵု လၟေင်(၁) ဒဵုကဵု ၁၅ ဝါဂှ် ဒးဒုင်ပကောံကၠုင်လဝ်ကောန်သ္ဂံင်တၟိ ဟွံအောန်နူကဵု ၂၅၀၀ နွံမံင်ရောင် ဂွံတီရ။
ပရိုင်- သြင်လောန်တိုင်(မ်)
Photo – CJ