မတ်မလီု-အဝ်ဂတ် ၁၄
ပ္ဍဲတွဵုးရးမန် သွက်ဂွံတိုန်ဗတောန်ယိုက်ဂၠေင်ဝန်ပၞာန် လၟေင် ၁၆ ဝါ ကဝ်မယှေန်ပၞာန်ပံက်လဝ်ဂှ် သၟတ် ၂၀၀ တၠပြင် နဒဒှ်ကောန်ပၞာန်တၟိ ဒးထပ်ပကောံဏာလဝ် သာ်ဝွံ လိက်ပရိုင်တြးဝါဒတံ ချူလဝ်ရ။
နဒဒှ်ကောန်ပၞာန်တၟိ သၟတ်ဒးဒုင်ပကောံလဝ်တံဝွံ ပ္ဍဲအဝ်ဂတ် ၁၂ ဂှ် ညးတာလျိုင် ဂကောံကဝ်မယှေန်ပၞာန် အဆံင်တွဵုရးတံ အာဆဵုဂဗလဝ် ပ္ဍဲကဵုဘာပရေင်ပညာ စၟတ် ၆ မၞုံသၟဝ်တဲ ဌာန်ဂအုပ်ပၞာန်ရးအဂၞဲ ဍုင်မတ်မလီုရ။
နနဲအဓ္ဓမ သၟတ်တံဏံ ဒးဒုင်ပကောံဏာ ကောန်ပၞာန်မဒှ်တုဲ စနူအဝ်ဂတ် ၁၃ ဏံ ပ္ဍဲကဵုဒပ်ပကတ်ပကေင်ကွတ်ပၞာန် သၟဝ်တဲ ဌာန်ဂအုပ်ပၞာန် ရးအဂၞဲဂှ် စကဵုကၠုင်မံင် တန်ဗတောန်ပၞာန် ဂွံတီရ။
ပ္ဍဲကဵု ရဲဒးဒုင်ပကောံဏာ ကောန်ပၞာန်တံဏံဝွံ နနဲအဓ္ဓမ ရဲဒးဒုင်ရပ်ဏာပဝ်တာတံကီု ဖံက်ပကဝ်လဝ်သၞောဝ် အမိင်ဒေသန္တရဂးတုဲ ရဲဒးဒုင်ကရေပ်ဓရပ် ဘပဠလဝ် ဗွဲမဂၠိုင်တံကီု ပါလုပ်မံင်ရ။
မွဲလပါ်ပၠန် သွက်ဘာပၞာန် လၟေင်ဂတတေံပၠန် လ္တူသၟတ် အယုက်လုပ်အဝေါင် ယိုက်ဂၠေင်ဝန်ပၞာန်တံဂှ် ရဲကဝ်မယှေန်ပၞာန်တံ နကဵုလိက်ရုင်ကော် ပလံင်ဗစိုပ်လဝ်သ္ရိတုဲ ညံင်ဂွံထပ်ပကောံဗစိုပ်ဏာ ကောန်ပၞာန်တၟိတံမာန်ပၠန် ဂစာန်မံင်အိုတ်ရ။
အတိုင် သြင်လောန်တိုင်မ် ပကောံဂွံလဝ်တင်နင်ဂမၠိုင်မ္ဂး အပ္ဍဲတွဵုရးမန် ကဝ်မယှေန်ပၞာန် ပံက်ကၠုင်လဝ် ဘာပၞာန်ယိုက်ဝန်ပၞာန် စနူလၟေင် ၁ ဒဵုစိုပ် ၁၅ တံဂှ် နဒဒှ်ကောန်ပၞာန်တၟိ ဒးဒုင်ပကောံဏာလဝ် ဟွံအောန်နူကဵု ၂၅၀၀ တၠနွံမံင်ရောင် ဂွံတီရ။
ပရိုင်- သြင်လောန်တိုင်မ်
Photo – MOI