ပလဝ်၊ အဝ်ဂတ် ၁၄
ရးတနင်သဳ ပ္ဍဲကဵုပွိုင်ဍုင်ပလဝ် ဟိုတ်နူပေါဲဗတိုက် ထောံသ္ရိဌာန်တုဲ ညးမဂြိပ်ပါဲဘဲပၞာန် ကရပ်ဗဒါဲ ၅၀၀၀ တၠတံ ကာမံက်တိုန်ပြဟ်ဟ်ဏံ နွံမံင်ပၟိက်မံင်ကဵု ဇွောံမနာနာရောင် ဂွံတီနူ ညးမကဵုမံင်အရီုဗင်တံရ။
ဟိုတ်နူပေါဲဗတိုက် အကြာဒပ်ၜါလပါ်ဒှ်မံင်တုဲ ရဲဒးပါဲအောပ်မံင်ဘဲပၞာန်တံ လအ်အာ ပွိုင် ၂၀ တ္ရဲပြင်ကီု ဟိုတ်နူဗြဲဂူတုဲ ကၠောန်ကမၠောန်လေဝ် ဟွံဂွံ၊ သြန်လုပ်ဟၟဲ တၠဒါန်တံလေဝ်ဟၟဲဂှ်ရ အရာပရေင်စသုင်ညးတံ ဒးဆဵုဂဗမံင်ကဵု ဒဒိုက်နာနာသာ်ရ။
စၞစသုင်ညးတံ မသှ်ေဇးလဝ်တံဂှ် ပြဟ်ဟ်ဏံ ရဲဒဴပၞာန်ဂမၠိုင် ညးတံကဵုညးတံ ပါ်ပရအ်စသုင်မံင်ကီုလေဝ် အကြာမွဲၜါတ္ရဲဏံ ဇွောံမနာနာတံ ဘိုအ်ဂွံပိုတ်အာ အကာဲအရာဒှ်မံင်ရောင်။
လောန်ကၠုင်နူဂျူလိုင် ၂၄ တေံ ဟိုတ်နူပေါဲဗတိုက် စက္တဵုဒှ်ကၠုင်လဝ်တုဲ ရဲနူလ္တူဍုင်ပလတံကီု သီုကဵုရဲကွာန် ဇာဒဳ၊ ကွာန်တပို၊ ကွာန်ဇရပ်ဆိပ်၊ ကွာန်ဘိုင်းပြင်၊ ကွာန်မင်းပြင်၊ ကွာန်တန်းရှင်တံ ညးဒေသကရပ်ဗဒါဲ ၅၀၀၀ ဒးပါဲမံင်ဘဲပၞာန်အိုတ်ရ။
အကြာဒပ်ပၞာန်ဗမာကဵု ဒပ်ပၠန်ဂတးတံဂှ် ဒဵုကဵုအဝ်ဂတ် ၁၃ ဏံ ဒပ်ပၞာန်ၜါလပါ်တံ ဆေင်လဝ်မုက်ဖိုဟ်ဏီတုဲ ၜင်ကျာပၞာန်ဗၟာတံပၠန် ထပ်ကြဳဖျေံမံင်ဗုမ်ဖိုဟ် ဂွံတီရ။
ပ္ဍဲကဵုပေါဲဗတိုက်ဍုင်ပလဝ်ဏံ ညးဍုင်ကွာန်ကောန်အရာပ် ဟွံအောန်နူ ၂၀ တၠ ချိုတ်အာလဝ်နွံတုဲ ညးဍုင်ကွာန် နကဵုလၟိဟ်လ္ရီတံ ထောံသ္ရိဌာန် ဒးဂြိပ်ဒဴပါဲအောပ်မံင် ဘဲပၞာန်ဖိုဟ်ရ။
ပရိုင်- သြန်လောန်တိုင်မ်
Photo – CJ