ၜဳလေင်၊ အဝ်ဂတ် ၁၅
တွဵုရးမန် ပ္ဍဲကဵုပွိုင်ဍုင်ၜဳလေင် ဒၞာဲဂၠံင်ကွာန်ဆက်စၠောံ ၜဳလေင်-တံင်သောန်ဝွံ သၟတ်တံ ဗွဲမဂၠိုင် ဒးဒုင်ရပ်မံင်ပဝ်တာ ဆက်က်ရဂှ် ညးဒေသတံ ဟီုကဵု ဌာန်ပရိုင်သြင်လောန်တိုင်မ်ရ။
ဒပ်ဗၠာဲသၟိင်ကဵု ပၞာန်မင်ကင်ကွာန် ကဝ်မယှေန်ပၞာန်ပံင်တောဲလဝ်တံဝွံ စနူဂိတုအဝ်ဂတ် ဒုတိယသတ္တဟဏံတုဲ အကြာဂၠံင်ကွာန်ဆက်စၠောံ ၜဳလေင်-တံင်သောန်ဂှ် လဆောဝ်လဆောဝ် ရပ်မံင်ပဝ်တာတံ နွံကၠုင်လဝ်ရ။
အခိင်ကလေင်စဴနူကမၠောန် လပါ်သဝ်တ္ရဲ ပရေင်ရပ်ပဝ်တာ ဒှ်ဂၠိုင်အိုတ်တုဲ ဟိုတ်နူသီုကဵုၜုင်တက်ရပ်စပ်မံင်တံဂှ် သၟတ်လ္ရဵုလ္ရဵု ဒးပလံင်ပတိုန်ဏာလဝ် ရုင်ဂဥုဲလေဝ် ကေင်ဒှ်ကၠုင်နွံရဂှ် ညးဒေသတံ ဟီုရ။
ရပ်ပလံင်ဏာ သၟတ်တံ ဇရေင်ရုင်ဗၠာဲသၟိင် ၝောံဍုင်ၜဳလေင်တုဲ သၟတ်လ္ရဵုတံဂှ် နုက်ပတိတ်ကဵုသြန် ၁၀ ကိုဋ်ပြင်င်မှ ကလေင်ဗၠးစဴလဝ်နွံကီုလေဝ် ဗွဲမဂၠိုင်တံဂှ် အဆက်ပိုတ်မံင်ကဵု ရဲသ္ရိဌာန်ကၟိန်အိန်ထံင်တံ ဂးရ။
ညးမဒးဒုင်ရပ်ဏာပဝ်တာ ဗွဲမဂၠိုင်တံဂှ် နဒဒှ် ကောန်ပၞာန်တၟိ ဒးဒုင်ပကောံကော်ဏာတုဲ အတိုင်ညးကြပ်ကဵုကဝ်မယှေန်ပၞာန်တံ ဟီုမ္ဂး အပ္ဍဲပွိုင်မွဲသတ္တဟဏံ သၟတ်ဟွံအောန်နူ ၃၀ တၠ ရပ်ဂွံလဝ်ရောင် ဂွံတီရ။
ဟိုတ်နူကဝ်မယှေန်ပၞာန် ရပ်ဏာပဝ်တာဗီုဗီုတံဏံတုဲ ပ္ဍဲဒၞာဲဂၠံင်ၜဳလေင်-တံင်သောန်တံဂှ် အခိင်ဗတမ် ညးဂံင်တိတ်မ္ရးဟၟဲ အောန်အာတုဲ အကြာညးဍုင်ကွာန်တံ ဒဒှ်ဒွိင် ဂၠိုင်တိုန်မံင်ရဂှ် ဂွံတီနူရဲဒေသတံရ။
အရာတင်နွံပၟိက် ကောန်ပၞာန်တၟိ ပ္ဍဲကဝ်မယှေန်ပၞာန်တံ နွံမံင်တုဲ ပ္ဍဲပွိုင်ဍုင်လ္ရဵု တွဵုရးမန်တံဂှ် ပလံင်မံင်လိက်ရုင်ကော်တံကီု မွဲအလန်ဓဝ် ရပ်ဏာတုဲ ပလံင်ဏာဘာပၞာန်တံဂှ်လေဝ် နွံကၠုင်မံင်ရ။
ပရိုင်-သြင်လောန်တိုင်မ်
Photo – Social Media