မတ်မလီု၊ အဝ်ဂတ် ၁၅
ထၜးဟိုတ်ပရေင်ဂီုကၠီုတုဲ ဟပဵုလဝ်အခိင်ကၟာတ်ဒဒန် ပၞော်လုပ်တိတ်ဍုင်မတ်မလီုတံဂှ် ကလေင်ပြံင်သၠာဲဏာ အခိင်ကၟာတ်ဒဒန်ပၠန်ရဂှ် ဂွံတီနူ ညးကြပ်ကဵုကဝ်မယှေန်ပၞာန်တံရ။
ကဝ်မယှေန်ပၞာန် တွဵုရးဝွံ ဒဒန်ပၞော်လုပ်တိတ်ဍုင်မတ်မလီု မပ္တံကဵု ဒဒန်သြင်လောန်(မတ်မလီု)၊ ဒဒန်အတ္ထရံ(မတ်မလီု)ကဵု ဒဒန်သြင်လောန်(ဝါသွာင်)တံဂှ် လောန်ကၠုင် အပ္ဍဲဂိတုဂျူလိုင်ကဵု အပ္ဍဲဂိတုဏံ ဟပဵုပတိုန်လဝ် အခိင်ကၟာတ်ဒဒန်တံရ။
ဆဂး စနူအဝ်ဂတ် ၁၄ ဏံတုဲ ဒဒန်သြင်လောန်(မတ်မလီု) ဂှ် စနူဂယး ၅ နာဍဳ ဒဵုကဵုဗတမ် ၉ နာဍဳ၊ ဒဒန်အတ္ထရံ(မတ်မလီု)ကဵု ဒဒန်သြင်လောန်(ဝါသွာင်) တံဂှ် စနူဂယးပြဟ် ၄ နာဍဳ ဒဵုအခိင်ဗတန် ၁၀ နာဍဳ ပြံင်လှာဲလဝ် အခိင်ရ။
ဟိုတ်နူညးဍုင်ကွာန် ရဲအာတရဴဂမၠိုင် အာတ်မိက်တုဲ အခိင်ကၟာတ်ဒဒန် လုပ်ဍုင်မတ်မလီု မ္ဒးပြံင်လှာဲကဵုလဝ်ရောင် လပါ်ကဝ်မယှေန်ပၞာန် တွဵုရး ဟီုဂးလဝ်ရ။
ၜိုန်ရယှအ်ကဵုလဝ် အခိင်ကၟာတ်ဒဒန်ကီုလေဝ် ထပ်ဟပဵုပတိုန်လဝ် ဇြဟတ်ပရေင်ဂီုကၠီုတံတုဲ ဗက်ကၟာတ်ဆိုအ်ဒဝ် ဂၠိုက်ဂၠာဲစၟဳစၟတ်မံင်တံဂှ် ကၠောန်မံင်ဆက်က်ဖိုဟ်ရ။
ဒဒန်သွက်ဂွံလုပ်ဍုင်မတ်မလီု မပ္တံကဵု ဒဒန်သြင်လောန်(မတ်မလီု)၊ ဒဒန်အတ္ထရံ(မတ်မလီု) တံဂှ် မၞုံမံင် လ္တူသ္ကုတ်ဂၠံင်ဍာန်ကၟိန်ဍုင်တုဲ နကဵုပရေင်ကူသာန်သွံရာန်နာနာတံမ္ဂး ဒှ်မံင်ဒဒန်အဓိက တံရ။
ပရိုင်- သြင်လောန်တိုင်မ်
Photo – Social Media