တယိတ်ဆံၚ်၊ အဝ်ဂတ် ၂၀
ရးတနၚ်သဳ ပွိုင်ဍုင်တယိတ်ဆံၚ်ကရပ်ကွာန် သဝ်ဖျာဂှ် ဟိုတ်နူပေါဲဗတိုက်အကြာၜါလပါ် ဒှ်မံင်တုဲ ညးဒေသ ၃၀၀၀ ပြၚ် ဒးပါဲဒဴမံင်ဘဲပၞာန် သာ်ဝွံ ညးဒေသတံ ဟီုကဵုဌာန်ပရိုင်သြင်လောန်တိုၚ်ရ။
စနူအဝ်ဂတ် ၁၉ အခိၚ်နူဂယး ၁၁၊ ကရပ်ဗဒါဲကွာန်သဝ်ဖျာဂှ် အကြာ ဒပ်ကဝ်မယှေန်ပၞာန်သီအဝဵုကဵု ဒပ်ပံင်တောဲ ဂကောံဇြဟတ်ပၠန်ဂတးတံ ၜါလပါ် ဒှ်ပေါဲဗတိုက် သ္ကာတ်မြဟ်ရ။
ဟိုတ်နူပေါဲဗတိုက်တုဲ ရဲကွာန် သဝ်ဖျာ၊ မိုယှိုဲကုင်၊ ကေန်ယှေံကဵု ကျံက်လှေကာ ညးဒေသ ၃၀၀၀ ပြၚ်တံ ဒးဂြိပ်ပါဲအာဒၞာဲဗၠးဘဲရ။
ပေါဲဗတိုက်ဏံ ဒဵုကဵုအခိင်သဝ်တ္ၚဲ ၃ နာဍဳ ဆက်သကာတ်မြဟ်မံင်ဏီတုဲ အကြာၜါလပါ်ဏံ အကာဲအရာ ဒးဘဲဝပ်ချိုတ်ဂျိုင်လဝ်တံဂှ် ဟွံဂွံတီဏီ သ္ဂးရ။
ကရောၚ်ပၞာန် ဒပ်ကဝ်မယှေန်ပၞာန်တံဝွံ စနူကဵု ဂိတုအဝ်ဂတ်မံက်ဏံဂှ် အပ္ဍဲကဵုပွိုၚ်ဍုၚ်တယိတ်ဆံၚ် ဟိုတ်နူထပက်မံၚ်ကရောၚ်ပၞာန်တုဲ အကြာၜါလပါ်ဏံ ပေါဲဗတိုက်ဒှ်ကၠုင်စေက်က်ရ သာ်ဝွံညးဒေသတံ ဟီုရ။
လောန်ကၠုၚ်အဝ်ဂတ် ၁၄ တေံဂှ်လေဝ် ပ္ဍဲပွိုၚ်ဍုၚ် တယိတ်ဆံၚ် ပ္ဍဲကဵုပေါဲဗတိုက် ကရပ်ကွာန် ဥက္တူဂှ် ဒပ်ကဝ်မယှေန်ပၞာန်တံ ဒးဂိအာတုဲ သ္ၚိကောန်ကွာန်တံ ဟွံအောန်နူကဵု ၅ မ စံင်ပလီုပလာ်ဏာလဝ်ရဂှ် ဂွံလဝ်ပရိုၚ်ရ။
ပရိုၚ်-သြၚ်လောန်တိုၚ်မ်
Photo – CJ