ဍာ်ဗု၊ အဝ်ဂတ် ၂၀
ရးတနၚ်သြဳ ပွိုင်ဍုင်ဍာ်ဗု လ္တူဂၠံင်ကၟိန်ဍုင် ကလိၚ်အံၚ်- ကာန်ဗံက်တံ စနူအဝ်ဂတ် ၁၈ ဂှ်တုဲ အခိင်ဗတမ် လ္ပအာကၠုၚ်ညိ ဒပ်ပံၚ်ကောံမဟာမိတ်ပၠန်ဂတတံ ကဵုသတိလလောၚ်လဝ်ပရိုၚ်ရ။
ပြဟ်ဟ်ဏံ ဟိုတ်နူအကာဲအရာ ပရေၚ်ပၞာန် ၜါလပါ်တံတုဲ နကဵုညးဍုၚ်ကွာန်တံဂှ် ပ္ဍဲကဵုဂၠံၚ်ကၟိန်ဍုၚ်ဏံ အခိင်ဗတမ် စနူ ၆ နာဍဳ ဒဵုကဵုနူဂယး ၆ နာဍဳအကြာဏံ လ္ပအာတရဴ လ္တူဂၠံၚ်ဏံညိဂှ် ကဵုလဝ်သတိရ။
တင်ကဵုသတိဝွံ ရန်တၟံလဝ်ကဵု ပရေၚ်ဂီုကၠီုညးဍုၚ်ကွာန်တံရောၚ် ညးတာလျိုင် ဒပ်ပါ် ဒဝ်န (၆) ကိုပျာန်လွှာ ဟီုကဵု ဌာန်ပရိုၚ်သြၚ်လောန်တိုၚ်မ်ရ။
နကဵုအကာဲအရာ ပရေၚ်ပၞာန်ၜါလပါ် ယဝ်ရအခိၚ် ကလေၚ်ကဵုအခေါၚ်အာကၠုၚ်ဂွံမ္ဂး ညးဍုၚ်ကွာန်ဂမၠိုၚ်သွက်ဂွံတီ ကလေၚ်လလောၚ်တြး ကဵုအာသမ္တီပၠန်ရောၚ် သ္ဂးရ။
ဟိုတ်ဂှ်ရ နကဵုညးဍုင်ကွာန်တံဂှ် အတိုၚ်ကဵုလဝ်သတိဏံ ညံၚ်ဂွံဒဂေတ်အာကီု ယဝ်ရဖံက်ပကဝ် တင်ဒၞာတာလဝ်ဏံတုဲ ပြဿနာမွဲသာ်ၜါရဴ ကတဵုဒှ်ကၠုၚ်မ္ဂး ကေတ်ကဵုတာလျိုၚ်ဟွံသေင်ရောင် ကဵုလဝ်သတိရ။
နကဵုဒပ်ပံင်ကောံပၠန်ဂတးတံပၠန် လ္တူသ္ကုတ်ဂၠံၚ်ကၟိန်ဍုင်ဏံ သွက်ဂွံထိင်ဒဝ်အာ တိဍာ်မာန်ဂှ် အပ္ဍဲကဵုကွဳစက်ရဲအာတရဴတံဝွံ ရဲမဆေၚ်စပ်မံၚ်ကဵု ကံင်သဳပၞာန်တံ ပါ၊ ဟွံပါ ကၠောန်မံင် ပရေၚ်စၟဳစၟတ်တံရောၚ် ဂွံတီရ။
တုပ်ကဵုပရေင်ဏံကီု လ္တူဂၠံင်ကၟိန်ဍုင် ပ္ဍဲကဵုသ္ကုတ် ရေဝ်-ထဝါဲ ဒၞာဲကရပ်ကွာန်ကအ်လှိုင်ဂှ် အကြာဒပ်ကဝ်မယှေန်ပၞာန်ကဵု ဒပ်ပံၚ်ကောံပၠန်ဂတးတံ ပရေင်ပၞာန်ကြံင်မ္ၚိုဟ်မံင်တုဲ ပေါဲဗတိုက်လေဝ် ကလေၚ်ဒှ်လဝ် နွံရ။
ပရိုၚ်-သြၚ်လောန်တိုၚ်မ်
Photo – Social Media