ရေဝ်၊ အဝ်ဂတ် ၂၆
တွဵုရးမန် ပွိုၚ်ဍုၚ်ရေဝ် ပ္ဍဲကွာန် သာန်ပျဂှ် ပေါဲဗတိုက်ဟၟဲလေဝ် ဟိုတ်နူ ဒပ်ပၞာန်ပန်ဖျေံကဵု လွဟ်ဇၞော်တုဲ ညးအာယုက်ဇၞော်မွဲတၠ ဒးအာဝပ်ဇၞော်ကဵုဇြဟတ်ရဂှ် ညးဒေသတံ ဟီုကဵုဌာန်ပရိုၚ် သြၚ်လောန်တိုၚ်မ်ရ။
ပ္ဍဲအဝ်ဂတ် ၜိုတ်အခိၚ်ဗတမ် ၇ နာဍဳ နူတမ်ဒပ် ဖျေံလဝ်သ္ဇိုၚ်ကွာန်တၟံကၞေၚ် ခလရ ၁၀၆ ပန်ကၠဟ်ဏာ လွဟ်ဇၞော်မွဲမဂှ် စှ်ေအာအပ္ဍဲကွာန်သာန်ပျတုဲ ဟတိုဟ်အာလဝ် သ္ဂးရ။
ဟိုတ်နူမကမ်လွဟ်ဇၞော် ဟတိုဟ်ဟကးလဝ်တုဲ ကောန်ကွာန် ညးတြုံအာယုက် ၆၀ သၞာံပြၚ်မွဲတၠ တိက်မံၚ်ပ္ဍဲသ္ၚိဂှ် ဒးအာဝပ် လပါ်တံၚ်ၜံၚ်ပုၚ် ဇၞော်ကဵုဇြဟတ်နွံ ဂွံတီရ။
ညးတြုံအာယုက်ဇၞော် ဒးလဝ်ဝပ် မကမ်လဝ်လွဟ်ဏံ ဟိုတ်နူ ကဝ်မယှေန်ပၞာန် လလောၚ်တြးလဝ် အမိၚ်တိတ်ဗတမ်ဟွံဂွံနွံတုဲ ပ္ဍဲအဝ်ဂတ် ၂၅ စိုပ်အခိၚ်နူဂယးဂှ်မှ ဂွံပလံၚ်ဏာ ရုၚ်ဂဥုဲလၟိုၚ်တေံ သ္ဂးရ။
ပ္ဍဲအကြာအကြာတ္ရဲတံဏံဂှ် ၜိုန်ရပေါဲဗတိုက်ဟၟဲကီုလေဝ် နူကဵု ဒပ်ကဝ်မယှေန်ပၞာန် ခလရ ၁၀၆ ပတဝ်ဏာကဵု လပါ်ကွာန်ဂမၠိုၚ် ဟိုတ်နူပန်ဂြာတ်ဖျေံမံၚ် လွဟ်ဇၞော် အရိုဟ်ဟ်တ္ၚဲ ဒှ်မံၚ်တုဲ ညးဒေသတံ ဒးဖေက်လကိုတ်မံၚ် အိုတ်ရ။
လောန်ကၠုၚ် အဝ်ဂတ် ၂၃ တေံလေဝ် နူကဵု တမ်ဒပ် ခလရ ၁၀၆ ပန်ဖျေံလွဟ်ဇၞော် ဟိုတ်နူ မကမ်ဖတုံစှ်ေအပ္ဍဲကွာန် ဟတိုဟ်ဟကးလဝ်ဂှ်တုဲ သၟတ်ဗြဴမွဲတၠ ဒးလဝ်ဝပ်နွံရ။
ပရိုၚ်-သြၚ်လောန်တိုၚ်မ်
Photo – Social Media