လန်ဒန်၊ ဗေဂျေန် ၂၈
အခိၚ် အသိၚ်ဇြဟတ်ရာန် သၠုၚ်မံၚ်ဏံ နူကဵု ကာန်ပနဳသတ္တု အမေရိကာန် MP Materials ပလံၚ်ဗစိုပ်မံၚ် ဗၞိက်အပြောံ သွက်ဍုၚ်ကြုက်ဂှ် ဒေါအ်အာတုဲ ၚုဟ်မးသတ္တုတိသ္အးဝွံ အကြာပွိုၚ်ၜါသၞာံပြၚ်ဏံ အသိၚ်သၠုၚ်အိုတ် ၜက်တိုန်အာစိုပ်ကၞောတ်ယျ။
နကဵုဍုၚ်ကြုက် အစောန်စရာဲ သ္အးပတိတ်မံၚ်သတ္တုတိသ္အး (Rare Earth) ၉၀%၊ ပရေၚ်ခါဲပတိတ် ၇၀% နွံတုဲ ပရေၚ်ထံက်ပလံၚ် အရၚ်ဂၠးကဝ်မွဲဂှ် အုပ်ဓလီုမာန်လဝ်ကီုလေဝ် အမေရိကာန် ဂစာန်ဒၞာတာကၠုၚ်တုဲ သွက်ဂွံပတိတ်နူအပ္ဍဲဍုၚ် ချုက်လဝ်လိက်ကဵု ကာန်ပနဳ MP Materials ရ။
သွက်ဂွံပတိတ် ပသဲဗာန် ဇြဟတ်ဇၞော်ဇၞော်တံမာန် နွံမံၚ်ပၟိက်ကဵု သတ္တုတိသ္အးတုဲ ပရေၚ်ပတိတ် ပသဲဗာန် အပ္ဍဲဂၠးကဝ်မ္ဂး ဍုၚ်ကြုက်ဂှ် ဒှ်မံၚ်ညးအာက္ဍိုပ်ရ။
ကာန်ပဏဳဏံဝွံ လောန်ကၠုၚ်အပ္ဍဲပွိုၚ်ပိသၞာံတေံဂှ် ဗၞိက်အပြောံသွက်ဂွံပတိတ်တိသ္အး သွက်ကြုက်တံ နူကဵု ၇% ဒဵုကဵု ၉% ပလံၚ်ဗစိုပ်ကဵုလဝ်နွံရ။
ပ္ဍဲဍုၚ်ကြုက် အနှေန်ၚုဟ်မးဗၞိက်အပြောံ တ္ၚဲဂျူလိုၚ် ၉ တေံ မွဲကဳလဵု ၜိုတ် ၆၃ ဒဝ်ဠာ နွံကၠုၚ်ကီုလေဝ် အခိၚ်လၟုဟ် မွဲကဳလဵု ၈၈ ဒဝ်ဠာ ဒးရာန်မံၚ်ရ။
စပ်ကဵု သတ္တုတိသ္အးတုဲ ပရေၚ်ဒးယီုစမံၚ်ကဵုကြုက်တံဂှ် သွက်ဂွံယှအ်ဖျေံအာ ရဲဍုၚ်ပလိုတ်တံ ဂစာန်မံၚ်ရ။
အလဵုအသဳအမေရိကာန်တံဂှ် သွက်ဂွံပတိတ်အာ သတ္တုတိသ္အး ပ္ဍဲဂိတုတုဲကၠုၚ်ဏံ ချုက်လဝ်လိက် ကု MP Materials တုဲ ပရေၚ်ပလံၚ်ဗစိုပ်မံၚ်ဗၞိက်အပြောံ သွက်ဍုၚ်ကြုက်ဂှ် ဒေါအ်အာရ။
ၚုဟ်မးကြပ်ၜါအဆ ထပ်ကဵုဟပဵုတုဲ ကြုက်တံ သွက်ဂွံကေတ်တၚ်တုပ်စိုတ်ကု ကာန်ပနဳ MP Materials ဂှ် ဂစာန်မံၚ်ကီုရ။
ဟိုတ်နူ ၚုဟ်အကံက်အခေါန်သၠုၚ်အာတုဲ နူကာန်ပနဳ MP Materials ပလံၚ်မံၚ်ဗၞိက်အပြောံသွက်ဍုၚ်ကြုက်ဂှ် စနူဂိတုအေဗရဳ ဒေါအ်အာရ။
သွက်ဂွံပတိတ် သတ္တုတိသ္အး နကဵုအမေရိကာန် ကေတ်ဂွံလဝ်တၚ်တုပ်စိုတ်ကဵု ယူခရုၚ်တုဲ သွက်ဂွံကလေၚ်ပၠန်ကဵုကြုက်တံဂှ် ဂစာန်မံၚ်ဖိုဟ်ရ။
Ref:Reuters