ဍာ်ဗု၊ အဝ်ဂတ် ၂၉
ရးတနၚ်သဳ ပ္ဍဲကဵုပေါဲဗတိုက်ပွိုၚ်ဍုၚ်ဍာ်ဗု ပွိုၚ် ၆ တ္ၚဲဂှ် ကောန်ဒပ်ကဝ်မယှေန်ပၞာန် ဟွံအောန်နူကဵု ၃၆ တၠ ချိုတ်အာလဝ်တုဲ ရဲဒးလဝ်ဘဲဝပ် နွံမံၚ်ဗွဲမဂၠိုၚ်ရောၚ် ဒပ်ပၠန်ဂတးဍုၚ်မန် MSRF ကဵု ဒပ်မဟာမိတ်တံ ပတိတ်လဝ်လိက်လလောၚ်တြးရ။
ပ္ဍဲကဵုပွိုၚ်ဍုၚ်ဍာ်ဗု ကွာန်ကံလှိုၚ်၊ ကွာန်မြာင်၊ သာယာမန်ကဵု ၆၀ တိုင်တံ ဟိုတ်နူကဵု ကရောၚ်ပၞာန် ကဝ်မယှေန်ပၞာန် ထပက်လုပ်ကၠုၚ်ဂှ်ရ စနူအဝ်ဂတ် ၁၉ ဒဵုကဵု ၂၅ ပွိုၚ် ၆ တ္ၚဲဂှ် ပေါဲဗတိုက် ဟွံအောန်နူကဵု ၈ အလန် ဒှ်ကၠုၚ်လဝ်နွံရ။
ပ္ဍဲကဵုပေါဲဗတိုက်တံဏံဂှ် လပါ်ဒပ်ကဝ်မယှေန်ပၞာန်တံ ဟွံအောန်နူကဵု ၃၆ တၠ ချိုတ်အာတုဲ သ္ကိုပ်ဗိုလ်မွဲကဵု ကောန်ရဲဂမၠိုၚ်တံ ဒးအာလဝ်ဘဲဝပ် နွံဗွဲမဂၠိုၚ်ရဂှ် ပ္ဍဲကဵုလိက်လလောၚ်တြးချူထ္မံက်လဝ်ရ။
ပေါဲဗတိုက်ဏံဂှ် ဒပ်ပၠန်ဂတးဍုၚ်မန် MSRF၊ ဒပ်ပၞာန်စဵုဒၞာညးဍုၚ်ကွာန် ကရေၚ်ပၞာန် ဒဝ်န- ၂၊ ကရောၚ်ပၞာန် ဒဝ်န-၃ KBDF၊ တမ်ဒပ်လကိုဟ် ဍုၚ်ရေဝ်၊ ဒပ်ပၞာန်မန်ရာမည RMA၊ ဒပ်ပၞာန်ဗၠးၜးကောန်ဂကူကရေၚ် KNLA မဟာဒပ် (၆) တမ်ဒပ် (၂၇) ကဵု တမ်ဒပ်လျးသၞံၚ် (သာကပဝ်) KTLA တံ ပံၚ်တောဲပါလုပ်လဝ်ရ။
ဟိုတ်နူပေါဲဗတိုက်ဍာ်ဗုတုဲ နူကဵု ကွာန်ကံလှိုၚ်၊ မြာၚ်၊ ၆၀ တိုၚ်၊ ကွာန်သာယာန်မန်တံ ညးဒေသ ၄၀၀၀ ပြၚ် ထောံသ္ၚိဌာန် ဒးဂြိပ်ဒဴမံၚ်တုဲ ဒဵုကဵုအခိၚ်လၟုဟ် ရဲပါဲဒဴပၞာန်ဗွဲမဂၠိုၚ်တံ ဟွံဂံၚ်စဴကွာန်ဏီရဂှ် ဂွံတီကေတ်ရ။
ပရိုၚ်-သြင်လောန်တိုၚ်မ်
Photo – MSRF