ရေဝ်၊ အဝ်ဂတ် ၃၀
တွဵုရးမန် ပ္ဍဲကဵုပွိုၚ်ဍုၚ်ရေဝ် ဒပ်ဖျေံလဝ်သ္ဇိုၚ် ကွာန်ဘာ ကောန်ပၞာန် နူတမ်ဒပ် ခမရ ၅၉၁ မွဲတၠ သီုကဵုလွဟ်မကမ်နာနာ ကၠုၚ်လဝ်ဖျေံလွဟ်နွံရဂှ် ဒပ်စဵုဒၞာညးဍုၚ်ကွာန်ရေဝ် YGF ပတိတ်လဝ်ပရိုၚ်ရ။
ကောန်ပၞာန်တၟိ စှ်ေလဝ်ဘာ တန်ဗတောန်ယိုက်ဝန်ပၞာန် လၟေၚ် ၉ သအံၚ်ဖျိုဝ်တဝွံ ပ္ဍဲအဝ်ဂတ် ၂၈ ဂှ် လွဟ် MA4 မွဲဇကိုအ်၊ ဖျေဲမကမ် ၂ မ သီုကဵု မကမ် ၂၅ မ ကၠုၚ်ဖျေံလဝ်လွဟ်ရ။
ကောန်ဒပ် သအံၚ်ဖျိုဝ်တဂှ် ဒှ်ဇာတိနူရးဧရာဝတဳ တိုန်ဍုၚ်လ္ဂုၚ် အဃောကၠုၚ်ကၠောန်ကမၠောန် ပ္ဍဲကဵုသၞေဟ်ကာကွဳစက် အံၚ်မဂႅလာဂှ် ဒးဒုၚ်တံၚ်ပဝ်တာတုဲ ပြာ်စုတ်ဏာလဝ် ဘာပၞာန်ရ။
တုဲပၠန် ပ္ဍဲကဵုဘာပၞာန်ကွေန်ကံက် တိုန်ဘာကွတ်ပၞာန်တုဲ ဗွဲကြဴဏံ ဒးပလံၚ်ဗစိုပ်နၚ် ခမရ ၅၉၁ ရ။
သီုကဵုလက်နက် ကၠုၚ်ဖျေံလွဟ်ဂှ်ရ အတိုၚ်မူဝါဒ အလဵုအသဳညဳသၟဟ်ဂကူ NUG ဖျေံကဵုလာဘ်ရောၚ်ဒှ်တုဲ သွက်ပရေၚ်မံၚ်စံၚ်စသုၚ်တံဂှ်လေဝ် စဳဇန်ကဵုလဝ်ရောၚ် ညးတာလျိုၚ် YGF ဗိုလ်ကျာန်ယေတ် ဟီုရ။
နကဵုကောန်ပၞာန် ဒပ်ကဝ်ပၞာန်တံဝွံ ဒၞာဲဒပ်ပၠန်ဂတးတံနွံကြပ်အိုတ်ဂှ် နဲလဵုဒှ်ဒှ် ကေတ်အဆက်ဗွဲမပြဟ်ပြေဟ်တုဲ လပါ်ညးဍုၚ်ကွာန်တံ ညံၚ်ဂွံကၠုၚ်စိုပ် ဖျေံလွဟ်အိုတ်ညိဂှ် YGF ဗတိုက်ဖအောဝ်လဝ်ရ။
ပရိုၚ်-သြၚ်လောန်တိုၚ်မ်
Photo – YGF