ထဝါဲ၊ သိပ်တမ်ပါ ၂
ရးတနၚ်သဳ ပွိုၚ်ဍုၚ်ထဝါဲ ပ္ဍဲဒေသဂြိုပ်ဗၟံက် နူကဵုဗ္ဒိုပ်ဗၠာဲသၟိၚ်မေတ္တာ ဒုဂအုပ်ဗၠာဲသၟိၚ်မွဲတၠ သီုကဵုလွဟ်မကမ်နာနာတံ လုပ်ဖျေံလွဟ်နွံရ သာ်ဝွံ ဒပ်ပၞာန်ဗၠးၜးဂကူထဝါဲ DNLA လလောၚ်တြးလဝ်ရ။
နူကဵုရုၚ်သ္ကိုပ်ဗၠာဲသၟိၚ်ခရိုၚ်ထဝါဲ နူကဵုဗ္ဒိုပ်ဗၠာဲသၟိၚ်မေတ္တာ ဒုသ္ကိုပ်ဂအုပ်ဗၠာဲသၟိၚ်မွဲ တာန်နိုင်ထောန်ဝွံ သၟဝ်ကဝ်မယှေန်ပၞာန်ဂှ် ဟွံမိက်ယိုက်ဂၠေၚ်တာလျိုၚ်တုဲ လောန်ကၠုၚ်အဝ်ဂတ် ၂၉ ဂှ် ဖျေံဏာလွဟ် ဂးရ။
ကရောံ တာန်နိုင်ထောန်ဂှ် ကေတ်နၚ် G3 မွဲဇကိုအ်၊ ဖျေံဍေံၜါမ၊ မကမ် ၂၀၀ ပြၚ်ဂှ်ရ ဖျေံလာပ်ကဵုညး သြန် ၅၀ ကိုတ်တုဲ ပလံၚ်ဗစိုပ်ကဵုဏာလဝ် ဒၞာဲဒေသတိဍာ်ဗၠးၜးမွဲဒၞာဲ DNLA သ္ဂးလဝ်ရ။
ဒပ်ကဝ်မယှေန်ပၞာန်ဝွံ သွက်ဂွံကလေၚ်ထိၚ်ချုက်အာ ဂၠံၚ်ဇၞော်ကၟိန်ဍုၚ်စၟတ် ၈ ဂှ်ကဵု ဗ္ဒိုပ်ပယျဵုဗမာ-သေံတံ ညံၚ်ဟွံဂွံ ဒးဗလးထောံဂှ်ကီု ထပေၚ်ဇြဟတ်ပၞာန်တုဲ ထပက်မံၚ်ကရောၚ်ပၞာန်တံ ကၠောန်မံၚ်ဆက်က်ရ။
တုဲကၠၚ်အဝ်ဂတ်သတ္တဟ လက်ကြဴအိုဟ်ဂှ်လေဝ် ပ္ဍဲဍုၚ်ဍာ်ဗုအကြာပေါဲဗတိုက်ဒှ်မံၚ်ၜါလပါ်ဂှ် ရပ်ဂွံလဝ် ကောန်ပၞာန်ဂြိပ်တိတ်ကၠုၚ် ၄ တၠ နူကဵုဒပ်ကဝ်မယှေန်ပၞာန်တံ နွံမံၚ် နူကဵုဂကောံပရေၚ်လဝေင်ပၞာန်တၟေၚ် လလောၚ်တြးလဝ်ရ။
ပရိုၚ်-သြၚ်လောန်တိုၚ်
Photo – DNLA