မုဟ်ဍုၚ်၊ သိပ်တမ်ပါ ၃
ဗွဲတၟေၚ် ဒၞာဲသၠုၚ်စွံလဝ်ပရေၚ်ဂီုကၠီု ပ္ဍဲတွဵုရးဍုၚ်မန် ဍုၚ်မုဟ်ဍုၚ် ပ္ဍဲကရပ်ဖျာဇၞော် ၜိုပ်ထဝ်ဂှ် ညးကဵုပရိုၚ် စရဖ မွဲတၠ ဒးဒုၚ်ပန်ဂစိုတ်ဏာရဂှ် ဂွံတီကေတ်နူ ညးဒေသကဵု ကောန်ဒပ်ပၠန်ဂတးတံရ။
ပ္ဍဲကဵုဂိတု သိပ်တမ်ပါ ၁ ၜိုတ်အခိၚ်ဗတမ် ၇ နာဍဳဂှ် ညးကဵုပရိုၚ် စရဖ ကိုမျိုဝ်၊ ဍိုက်ကွဳလိုန်ဓါတ်တုဲ အခိၚ်တိတ်ကၠုၚ်နူ အရာပ် ၝောံဍုၚ် (၃) ဂှ် ဒပ်စဵုဒၞာညးဍုၚ်ကွာန်ကဵု ဂကောံပံၚ်တောဲ ပွိုၚ်ဍုၚ်မုဟ်ဍုၚ်တံ ပန်ကဵုလွဟ်ရ။
ဟိုတ်နူဒးဒုၚ်ပန်ကဵုလွဟ်ဂှ်ရ ညးကဵုပရိုၚ် စရဖ ကိုမျိုဝ် ဒးဘဲဝပ် လွဟ်သေနတ် ၆ ဒၞာဲတုဲ မွဲအလန်ဓဝ် ချိုတ်အာဟဂှ်ရ။
ညးကဵုပရိုၚ်စရဖ ကိုမျိုဝ် ဒးဒုၚ်ဂစိုတ်လဝ်ဏံဝွံ မံၚ်ဒၟံၚ်ဍုၚ်မုဟ်ဍုၚ် ပ္ဍဲအရာပ်ၝောံဍုၚ် (၃) တုဲ ကၠောန်မံၚ်ကမၠောန် ကဵုပရိုၚ် စရဖ ၜိုတ် ၁၀ သၞာံပြၚ်ရဂှ် ညးဒေသတံ သ္ဂးရ။
ပရေၚ်ပန်ဂစိုတ် က္တဵုဒှ်အာတုဲ နူကဵုဒပ်ကဝ်မယှေန်ပၞာန်တံ ထပ်ပတေၚ်လဝ် ပရေၚ်ဂီုကၠီုအပ္ဍဲဍုၚ်တုဲ ဗက်မာတ်ဆိုအ်ဂၠိုက်ဂၠာဲစၟဳစၟတ်လဝ် ဒၞာဲဗွဲမဂၠိုၚ်ကီု ဂွံတီရ။
သွက်ပေါဲရုဲမာဲဏံ ပ္ဍဲဒၞာဲပၞော်လုပ်တိတ် ဍုၚ်မုဟ်ဍုၚ်ဂှ် ကဝ်မယှေန်ပၞာန်တံ သၠုၚ်လဝ်ပရေၚ်ဂီုကၠီုတံတုဲ လ္တူညးဍုၚ်ကွာန်အာတရဴတံ ဗက်မာတ်ဆိုအ်စၟဳစၟတ်မံၚ်တံ ဆက်က်ကၠောန်သ္ပမံၚ်ရ။
ပရိုၚ်-သြၚ်လောန်တိုၚ်မ်
Photo – CJ