ကျာ်မြဟ်၊ သိပ်တမ်ပါ ၄
ပ္ဍဲကဵုတွဵုရးမန် ပွိုၚ်ဍုၚ်ကျာ်မြဟ် ဒၞာဲဂၠံၚ်ပန်သွာၚ်ကွန်ကအ်ဒုန်-ကအ်ပၞဟ်ဂှ် ဟိုတ်နူဒပ်ပၞာန် ဖျေံဗုၚ်နကဵုဒရုၚ်တုဲ ညးအာတရဴချိုတ်မွဲတၠ၊ ဒးဝပ် ၁၀ တၠပြၚ်နွံမံၚ် ညးဒေသတံ ဟီုကဵုဌာန်ပရိုၚ်သြၚ်လောန်တိုၚ်မ်ရ။
ဂၠံၚ်ပန်သွာၚ် ကွန်ကအ်ဒုန်-ကအ်ပၞဟ် ဒၞာဲကဵု ဒပ်ပၠန်ဂတးတံ စၟဳစၟတ်မံၚ်ဂှ် ပ္ဍဲဂိတုသိပ်တမ်ပါ ၜိုတ်အခိၚ်သဝ်တ္ရဲ ၄ နာဍဳ နူကဵုဒပ်ကဝ်မယှေန်ပၞာန် နကဵုဒရုၚ် ဖျေံဏာလဝ် ဗုမ် ၄ မ ရ။
ဟိုတ်နူဒပ်ပၞာန် ဖျေံဗုၚ်နကဵုဒရုၚ်တုဲ ညးအာတရဴ ဍိုက်မံၚ် ကွဳစက်လိုၚ် “ကြယ်တံခွန်” ကဵု ကွဳစက်ဍောတ် ဟန်ဒါဖေတ်မွဲမ ညးအာတရဴ ညးတြုံညးဗြဴ ဟွံအောန်နူကဵု ၁၀ တၠ ဒးအာဘဲဒဏ်ဝပ်တုဲ ညးဒးလဝ်ဘဲဝပ် ဇၞော်ကဵုဇြဟတ် ညးတြုံမွဲတၠ အဃောပလံၚ်ရုၚ်ဂဥုဲ ကျာ်မြဟ်ဂှ် လမျီုဒးအိုတ်အာ ဂွံတီရ။
ပ္ဍဲကဵုဒပ်ပၞာန် ဖျေံဗုၚ်နကဵုဒရုၚ်ဏံဂှ် ရဲအာတရဴ ညးဍုၚ်ကွာန် ကၠုၚ်နူဒေသကျာ်ပိ အာလပါ်ဍုၚ်မတ်မလီုတံ ဒးအာလဝ်ဘဲဝပ်တံရ သာ်ဝွံ ဂွံတီနူ ညးဒေသတံရ။
ပွမ ဗတိုက်ဏာဗီုဏံဂှ် ရဲဗော်သွးကောန်ဂကူကရေၚ် KNU ကဵု ဒပ်ပၞာန်စဵုဒၞာ ညးဍုၚ်ကွာန် PDF တံ ကၠောန်လဝ်ရောၚ် လပါ်ဒပ်ပၞာန်တံ လီဠာန်တြးလဝ်ဝါဒရ။
ပ္ဍဲကဵု ဂၠံၚ်ပန်သွာၚ်ကွန်ကအ်ဒုန်-ကအ်ပၞဟ်ဂှ် ဟိုတ်နူ ဒပ်ပၠန်ဂတးတံ မွဲဏှမွဲဏှ ကၠုၚ်စၟဳစၟတ်မံၚ်ဂှ်ရ လပါ်ဒပ်ပၞာန် ဖျေံဗုၚ်နကဵုဒရုၚ် ဗီုကဵုလၟိုန်န် သာ်ဝွံ ဂွံတီလဝ်ရ။
ပရိုၚ်-သြၚ်လောန်တိုၚ်မ်
Photo – CJ