မုဟ်ဍုၚ်၊ သိပ်တမ်ပါ ၅
တွဵုရးမန် ပ္ဍဲဍုၚ်မုဟ်ဍုၚ် ကရပ်ဖျာဇၞော် ၜိုပ်ထဝ်ဂှ် ညးကဵုပရိုၚ် စရဖမွဲတၠ ဒးဒုၚ်ပန်ဂစိုတ်ဏာတုဲ အခိၚ်ဗတမ် ပရေၚ်စၟဳစၟတ် ပဵုဂၠိုၚ်တိုန်ကၠုၚ်ရဂှ် ဂွံတီနူ ညးလ္တူဍုၚ်တံရ။
စနူဂိတုသိပ်တမ်ပါ ၁ အခိၚ်ဗ္တမ် ပရေၚ်ပန်ဂစိုတ်ဏံ က္တဵုဒှ်အာတုဲ ဂတမုဟ် ကၟာဇၞော်(ကန်ကြီး) ပ္ဍဲကဵုဒၞာဲလုပ်တိတ်ဍုၚ်ကဵု ဂၠံၚ်အပ္ဍဲဍုၚ်တံဂှ် ကၠောန်ကၠုၚ် ပရေၚ်စၟဳစၟတ်တံ သ္ဂးရ။
ကဝ်မယှေန်ပၞာန်၊ ဒပ်ဗၠာဲသၟိၚ်ကဵု ဂကောံတက်ပလောအ်တသာ်ဍီုတံ အခိၚ်ဗ္တမ်မ္ဂး ဗက်ဂၠိုက်ဂၠာဲစၟဳစၟတ် ကွဳလိုန်ဓါတ်ကဵု ကွဳစက်တံ ချိုတ်တ်ပၠိုတ်တ်တုဲ ဟိုတ်နူ ပတေၚ်ဓရတ်လဝ် ပရေၚ်စၟဳစၟတ်တံဂှ်ရ ရဲလ္တူဍုၚ်တံ ဂေတ်ပါဲအာ ဒၞာဲစၟဳစၟတ်တံရ သာ်ဝွံ ရဲလ္တူဍုၚ်မွဲတၠ ဟီုရ။
လပါ်ကဝ်မယှေန်ပၞာန် ပတေၚ်ဓရတ်လဝ် ပရေၚ်စၟဳစၟတ်တံကီုလေဝ် ရပ်စပ်ဏာ ညးလ္တူဍုၚ်တံဂှ် ဟၟဲဏီ သ္ဂးရ။
ပရေၚ်ပန်ဂစိုတ် ကၠာဟွံက္တဵုဒှ်ဏီဂှ် ပ္ဍဲမုဟ်ဍုၚ် အခိၚ်ဗ္တမ် ပရေၚ်စၟဳစၟတ်ဟၟဲတုဲ ရဲလ္တူဍုၚ်တံ ဒဵုကဵု အခိၚ်သ္ဂါဗ္တမ် ၁၂ နာဍဳတက်လေဝ် အာကၠုၚ်လ္တူဂၠံၚ်မာန်တုဲ ဒၞာဲပၞော်လုပ်တိတ်ဍုၚ်ပၠန် ဆလဆလမှ ကၠောန်မံၚ်ပရေၚ်စၟဳစၟတ် ကေၚ်နွံရဂှ် ဂွံတီရ။
ပရေၚ်ပန်ဂစိုတ် က္တဵုဒှ်အာတုဲဗွဲကြဴဂှ် စနူဗ္တမ် ၉ နာဍဳဂှ် ဒဵုစိုပ် ၁၁ နာဍဳ ဇၟာပ်ပ်ဗ္တမ် ပရေၚ်စၟဳစၟတ်တံ နွံကၠုၚ်တုဲ မွဲဒၞာဲဓဝ် ကိုန်ဂစိုတ် စၟဳစၟတ်မံၚ်ဟွံသေၚ်၊ ဒၞာဲစုၚ်ၚ် ဂေတ်ဂေၚ်အာကၠုၚ်တုဲ ဗက်စၟဳစၟတ်မံၚ် သ္ဂးရ။
ဂိတုသိပ်တမ်ပါ ၁ အခိၚ်ဗ္တမ် ၜိုတ် ၇ နာဍဳဂှ် ညးကဵုပရိုၚ် စရဖ ၜိုတ်ပွိုၚ် ၁၀ သၞာံ ကေၚ်ကၠောန်လဝ် မၞုံယၟု ကိုမျိုဝ် ညးမံၚ်ဒၟံၚ်အရာပ်ၝောံဍုၚ် (၃) အဃောဍိုက်တိတ်ကၠုၚ် ကွဳလိုန်ဓါတ်ဂှ် ဒပ်ပံၚ်တောဲ ဒပ်စဵုဒၞာညးဍုၚ်ကွာန် ပွိုၚ်ဍုၚ်မုဟ်ဍုၚ်တံ ပန်ကဵုလွဟ် ဒးအာမကမ် ၆ မတုဲ ပ္ဍဲဒၞာဲဂှ် မွဲအလန်ဓဝ် ချိုတ်အာဓဝါဲဂှ်ရ။
ပရိုၚ်-သြင်လောန်တိုၚ်မ်
Photo – CJ