ၜဳလေၚ်၊ သိပ်တမ်ပါ ၉
ပ္ဍဲကဵုတွဵုရးမန် ပွိုၚ်ဍုၚ်ၜဳလေၚ် ကွာန်အဠူ ပ္ဍဲကဵုရုၚ်စက် (ကံကောင်းခြင်းရတနာအထပ်သားစက်ရုံ) ဂှ် သ္ကိုပ်ပရေၚ်အုပ်ဓုပ်မွဲတၠ ဒးဒုၚ်ပန်ဂစိုတ် နကဵုလွဟ်တုဲ ချိုတ်အာရ သာ်ဝွံ ညးဒေသတံ ဟီုကဵုဌာန်ပရိုၚ် သြၚ်လောန်တိုၚ်မ်ရ။
သ္ကိုပ်အုပ်ဓုပ် အရာပ်ဖိုဝ်လှကျဳ ဥူသာန်နာင် အယုက် ၅၉ သၞာံ အခိၚ်နွံမံၚ် ပ္ဍဲရုၚ်စက်ဆု ပ္ဍဲသိပ်တမ်ပါ ၆ ဗ္တံ ၜိုတ် ၉ နာဍဳဂှ် သၟာလွဟ်တံ ကၠုၚ်ပန်ဂစိုတ်လဝ်ရ။
ဟိုတ်နူဒးဒုၚ်ပန်ဏာတုဲ သ္ကိုပ်အုပ်ဓုပ် ဥူသာန်နာၚ် ပ္ဍဲဍိုပ် သီုအလုံဇကုမွဲ ဒးလဝ်လွဟ် ၈ ဒၞာဲတုဲ ချိုတ်အာဓဝါဲဂှ်ရ။
ကၠာဒပ်ပၞာန် ဟွံဂွံသီအဝဵုဂှ် သ္ကိုပ်ပရေၚ်အုပ်ဓုပ် ဥူသာန်နာင် ကေၚ်ဒှ်လဝ် ဥက္ကဌ ဂကောံရီုဗၚ်မၞိဟ် (စုစည်းအားမန်) တုဲ ပ္ဍဲသၞာံ ၂၀၂၃ ဂှ် ဒှ်ကၠုၚ်လဝ် သ္ကိုပ်အုပ်ဓုပ် အရာပ်ဖိုဝ်လှကျဳရ။
ဟိုတ်နူဒးဒုၚ်ပန်ဂစိုတ်တုဲ ဇွ သ္ကိုပ်ပရေၚ်အုပ်ဓုပ် ဥူသာန်နာၚ်ဂှ် ပ္ဍဲသိပ်တမ်ပါ ၈ အခိၚ်ဒေါဝ်တ္ၚဲ စံၚ်ထောံပ္ဍဲသုသာန် ၜဳလေၚ် ဂွံတီရ။
စပ်ကဵု ပရေၚ် ဥူသာန်နာၚ် ဒးဂစိုတ်လဝ်ဏံတုဲ ကဝ်မယှေန်ပၞာန်ကီု ဂကောံပၠန်ဂတးတံကီု လလောၚ် ပတိတ်လဝ်ပရိုၚ် ဟွံဆဵုဏီရ။
ပရိုၚ်-သြၚ်လောန်တိုၚ်မ်