ဝါယှေန်တန်၊ သိပ်တမ်ပါ ၉
စပ်ကဵုပေါဲပၞာန်ယူခရုၚ်တုဲ မဝ်သကို ဟွံသေၚ်မ္ဂး လ္တူညးရာန်ကေတ်မံၚ် ကၠေၚ်ဍေၚ်နူညးတံဂှ် ကြပ်မံၚ်ကဵု သွက်ဂွံသၠုၚ်ပတိုန်အာ ပရေၚ်ဖျေံဒဏ်မာတ်ဆိုအ်တံ ပွမဟီုဂးမံၚ်ဏံ ဒုတိယအဆံၚ် သွက်ဂွံမာတ်ဆိုအ်အာရတ်ယှာပၠန် ထရ မၚ်ဖန်မံၚ်ရောၚ် ဟီုဂးဏာ ပ္ဍဲသိပ်တမ်ပါ ၇ ရ။
လ္တူမဝ်သကို ဖျေံအာဒဏ် မာတ်ဆိုအ်တံရောၚ် ၜိုန်ရ ထရ ဟီုဘပဠလဝ် အလန်ကဵုအလန်ကီုလေဝ် အခိၚ်ညးတေံ ဂစာန်ဖန်မံၚ် သွက်ပရေၚ်ၜိုဟ်လလမ်ဂှ် ဒေါအ်လဝ်အစဳဇန်ဏံရောၚ်။
ပွမလဟီုညးတံ လက်ကရဴအိုတ်ဏံဂှ် ၜိုန်ရထမံက်ထၜးမံၚ် အကာဲအရာဂၠာဲသၞတၚ် နွံမံၚ်ကီုလေဝ် သွက်ဂွံဖျေံအာ သ္ဂုတ်သွာတ်ဂှ် ညးတေံစွံလဝ်ဂတိကီုဟာ ကေုာံ ဒုတိယအဆံၚ် သွက်ဂွံမာတ်ဆိုအ်အာ တၚ်နင်ချိုတ်တ်ပၠိုတ်တ် လးဖျေံကဵုလဝ်ဟၟဲဏီ။
လ္တူရတ်ယှာ ဒုတိယအဆံၚ် သွက်ကၠောန်အာ ပရေၚ်မာတ်ဆိုအ် မၚ်လဝ်ဂွန်ယျဟာ ပ္ဍဲသ္ၚိစၠတ်ထဝ် အစာပရိုၚ်မွဲတၠ သၟာန်လဝ်တုဲ ပိုဲမၚ်လဝ်ဂွန်ရ ၜိုန်ရထရ ဟီုကဵုလေဝ် တၚ်နၚ်ဗွဲကြဴ ချိုတ်တ်ပၠိုတ်တ် ထပ်ဟီုဏာလဝ်ဟၟဲပုဟ်။
ပ္ဍဲကဵုဂိတုဂျာန်နဝါရီ စနူကေတ်အာ တာလျိုၚ်တုဲ ပတုဲပေါဲပၞာန် ယူခရုၚ်မာန်ရောၚ် ကိုပ်ကၠာ ညးတေံဟဝ်လဝ်ကီုလေဝ် ပေါဲဗတိုက်ညံၚ်ဂွံဒှ်အာ လ္တူညးတေံ ဖန်ဖက်ရေၚ်တၠုၚ်ဟွံမာန်တံဂှ် ထရမွဲ စိုတ်လီုမံၚ်ရ။
လဂါံဇိုၚ်သာ်လဵု ထရ သွက်ဂွံဂါံအာ စပ်ကဵုစဳဇန်မံၚ်တံဂှ် နူကဵုဌာနပရိုၚ်ရိုက်တာ ပ္ဍဲသိပ်တမ်ပါ ၇ ဂှ် ဆက်ဏာကဵု အဳမေလ်ကီုလေဝ် မုတၚ်နၚ်မှ ကလေၚ်ဟီုဂးဟၟဲဏီပုဟ်။
လ္တူအေန္ဒိယ ရာန်မံၚ်ကၠေၚ်ဍေန် ရတ်ယှာတုဲ စပ်ကဵုပရေၚ်ပလံၚ်ကပေါတ်ဗၞိက် ကုအမေရိကာန်ဂှ် ထရ ထပဵုကံက်လဝ် အခေါန်ရ။
ယဝ်ရ ပလံၚ်ဟပၠုပ်ကပေါတ် အမေရိကာန်မ္ဂး ဒးကဵုအခေါန် ဒဵုကဵု ၅၀% ကီုလေဝ် နကဵုအေန္ဒိယ သွက်ဂွံဆက်ရာန်အာ ကၠေၚ်ဍေန်ရတ်ယှာ နွံမံၚ်ဏီ ဝန်ဇၞော်ပရေၚ်ဘဏ္ဍာ အေန္ဒိယ ဟီုလဝ်ရ။
စပ်ကဵုပေါဲပၞာန်ယူခရုၚ်တုဲ အခိၚ်ဍုၚ်ပလိုတ်တံ ဟွံရာန် ကၠေၚ်ဍေန်ရတ်ယှာဂှ် အေန္ဒိယဂှ် ဒှ်ကၠုၚ်ဍုၚ် ညးရာန်ကၠေၚ်ဍေန်အဓိက သွက်ရတ်ယှာရ။
ပရေၚ်ပိုန်ဒြပ် မဝ်သကို ညံၚ်ဂွံကြပ်ဒေါမ်သရိုဟ်အာကီု သမ္မတပူတေန် ညံၚ်ဂွံစိုပ်ကၠုၚ် ခုၚ်သဳကၠဳမာန်ဂှ် လ္တူဍုၚ်ရာန်မံၚ်ကၠေၚ်ဍေန် ရတ်ယှာတံ သွက်ဂွံသၠုၚ်အသိၚ် ထပဵုကံက်အာ အခေါန် အမေရိကာန်ကဵု သမဂ္ဂယူရောပ်တံ ဖန်ဖက်ရေၚ်တၠုၚ်ရောၚ် ဝန်ဇၞော် ပရေၚ်ဘဏ္ဍာ အမေရိကာန် သကိုတ်ဗါတ်သေအ် ဟီုလဝ် ပ္ဍဲသိပ်တမ်ပါ ၇ ရ။
အခိၚ်ပရေၚ်ပိုန်ဒြပ်ရတ်ယှာ ယုတ်ဒေက်မံၚ်ဏံ ဍုၚ်အေန္ဒိယကဵု ကြုက်တံ ရာန်ကဵုမံၚ် ကၠေၚ်ဍေန် ရတ်ယှာတုဲ ဆက်ဟဂျိုၚ်ကဵုမံၚ် လမျီုပရေၚ်ပိုန်ဒြပ် သွက်ရတ်ယှာရ။
Ref:Reuters