သဓီု၊ သိပ်တမ်ပါ ၁၁
တွဵုရးဍုၚ်မန် ပ္ဍဲကဵုပွိုၚ်ဍုၚ်သဓီု စနူအကြာတ္ၚဲတံဏံတုဲ နူကဵုကဝ်မယှေန်ပၞာန် သၠုၚ်ပ္တိုန်ပရေၚ်ဂီုကၠီုတုဲ ဗက်ဂၠိုက်ဂၠာဲ စၟဳစၟတ်မံၚ်စေအ်အ်တံ ကၠောန်မံၚ်ဆက်က်ရောၚ် ညးဒေသတံ ဟီုကဵုဌာန်ပရိုၚ်သြၚ်လောန်တိုၚ်မ်ရ။
ဒပ်ကဝ်မယှေန်ပၞာန်တံဝွံ လ္တူဍုၚ်သဓီုကီု ပၞော်ဂၠံၚ်လုပ်တိတ်ဍုၚ်တံ ဂှ်ကီု သီုဗ္တံသီုတ္ၚဲ ဂေတ်ကၚ်တုဲ ဗက်မာတ်ဆိုအ် စၟဳစၟတ်မံၚ် ဟွံပိုတ်ရ။
ဒပ်ကဝ်မယှေန်ပၞာန်တံဂှ် ပ္ဍဲကဵုသ္ကုတ်ဂၠံၚ် သဓီု-ဘာအၚ်၊ သဓီု-ၜဳလေၚ်တံ အခိၚ်ဗ္တံ စကာဇြဟတ်ဂၠိုၚ်ၚ်တုဲ ဂေတ်ကၚ် အာကၠုၚ်မံၚ်တံကီု ပ္ဍဲကဵုဒၞာဲ လုပ်ဍုၚ်သဓီု ဒၞာဲသၞေဟ်ကၚ် ဒဒန်ဒုၚ်သမိ ဂှ် ထပ်ဖျေံဟလိုၚ်စွံလဝ် ဇြဟတ်နွံရ။
တုဲပၠန် လ္တူဍုၚ်ဂှ်လေဝ် ပ္ဍဲဒၞာဲဟွံထေၚ်ခယျလဝ်တံဂှ် နကဵုဇြဟတ် ပရေၚ်ဂီုကၠီုဂၠိုၚ်ၚ် ဗက်မာတ်ဆိုအ်စၟဳစၟတ်မံၚ်တုဲ အခိၚ်ဗ္တံ ဂေၚ်မံၚ်ကၚ် အဆက်က်ဟွံပိုတ် သ္ဂးရ။
ကဝ်မယှေန်ပၞာန် ပွမသၠုၚ်ပတိုန်လဝ် ပရေၚ်ဂီုကၠီုဂှ် အခိၚ်ညောန်ကြပ်ကၠုၚ်မံၚ်ကဵု ပေါဲရုဲမာဲဟဍၚ် ဒပ်ပၠန်ဂတးတံ ညံၚ်ဟွံဂွံလုပ်ကၠုၚ်ဂှ် ဒစးဒုၚ် ပလေဝ်ပလေတ်စလဝ်ဒှ်မာန်ရောၚ် ညးဒေသတံ သ္ၚဳဂၠိပ်ရ။
တုပ်ကဵုပရေၚ်ဏံကီု ပ္ဍဲကဵုပေါဲရုဲမာဲ သ္ကုတ် ၁ ပ္ဍဲကဵုတွဵုရးမန် ပွိုၚ်ဍုၚ်မပါလုပ်မံၚ် ကျာ်ထဝ်၊ မတ်မလီု၊ ကျာ်မြဟ်ကဵု ၜါသွာၚ်တံ ဂှ် သၠုၚ်ပတိုန်လဝ် ပရေၚ်ဂီုကၠီုတုဲ ဆက်ကၠောန်မံၚ် ပရေၚ်မာတ်ဆိုအ်တံကီုရ။
ပရိုၚ်-သြၚ်လောန်တိုၚ်မ်
Photo – Social Media