ဝါယှေန်တန်၊ သိပ်တမ်ပါ ၁၁
လ္တူသမ္မတရတ်ယှာ ပူတေန် နကဵုဗျူဟာ မွဲသ္ကုတ်မွဲသ္ကူ သွက်ဂွံကဵုဇြဟတ်ဟရိုဟ်ဂှ် ညံၚ်ဂွံကံက်အာအခေါန် လ္တူကြုက်ကဵု အန္ဒိယတံ ၁၀၀% ဂှ် ပ္ဍဲကဵု သိပ်တမ်ပါ ၉ နူကဵု သမ္မတအမေရိကာန် ဒဝ်နေဝ် ထရ ဖ္တိုက်ဖအောဝ်ဏာ ညးတာလျိုၚ် သမဂ္ဂယူရောပ်တံရ။
ကြုက်ကဵု အန္ဒိယတံဂှ် ဒှ်မံၚ်ဍုၚ်အဓိက ရာန်ကေတ်မံၚ်ကၠေၚ်ဍေၚ် နူရတ်ယှာတုဲ ဟိုတ်နူရာန်ကေတ်မံၚ်ဗီုဏံရ ကဵုမံၚ်ဇြဟတ် ပရေၚ်ပိုန်ဒြပ် ရတ်ယှာ ဂွံဆက်ဂျိုၚ်တဴ သွက်ဂွံဆက်ဗတိုက်အာ ယူခရုၚ် ဒှ်မံၚ်ရ။
ညးစၞး ကေတ်အရေဝ်ပရေၚ်မာတ်ဆိုအ် သမဂ္ဂယူရောပ် ဒေဗေတ် အိုသူလဳဗာန်ကဵု ညးတာလျိုၚ် ယူရောပ်တၞဟ်တံဂှ် ထရ ဆက်ဖုၚ်တုဲ ဖ္တိုက်ဖအောဝ်ဏာ သာ်ဝွံ ညးတာလျိုၚ် ဟွံမိက်ထမံက်ယၟုတံ ဟီုရ။
သွက်ဂွံရေၚ်တၠုၚ်ကၠောန်အာ ပွမကေတ်အရေဝ်ပရေၚ်မာတ်ဆိုအ်တံ ဂွံသဳကၠဳအာ ဂကောံညးစၞးသမဂ္ဂယူရောပ် စိုပ်မံၚ် ဝါယှေန်တန်ရ။
အတိုၚ် အမေရိကာန်အာတ်မိက်ဂှ် သမဂ္ဂယူရောပ် ဗက်ကၠောန်အာကီုမ္ဂး နကဵုအမေရိကာန်လေဝ် သွက်ဂွံသၠုၚ်ပတိုန် ကံက်အာအခေါန် ဗီုဏံဂှ် ဆန္ဒနွံ ထမံက်ပတိတ်လဝ်ရောၚ် အမာတ်ကလုတ် သမဂ္ဂယူရောပ် သ္ဂးရ။
အတိုၚ်အမေရိကာန် အာတ်မိက်ဏာ ယဝ်ရ ဗက်ကၠောန်အာမ္ဂး ရတ်ယှာမွဲဓဝ် ညံၚ်ဂွံသွက်ဂွံသှ်ေၜက်အာ ဆၜိုတ် ခၞံမံၚ်အခေါန်ဟွံက အတိုၚ်သမဂ္ဂယူရောပ်နွံပၟိက် ဗီုပြၚ်ဂၞပ်စိုတ် ဗျူဟာ ပရေၚ်မာတ်ဆိုအ်တံ ပြံၚ်လှာဲအာမာန်ရောၚ်။
ဟိုတ်နူ ရာန်မံၚ်ကၠေၚ်ဍေၚ် ရတ်ယှာဂှ် လ္တူကြုက်ကဵု အန္ဒိယတံ ထပဵုကံက်အာအခေါန်ရောၚ် ထရ ဘပဠလဝ် အလန်ဂၠိုၚ်ကဵုဝါရ။
လ္တူယူရောပ်တံ ဒးဗ္ဒဗ္ဒါဲမံၚ် ဓါတ်အစောံရတ်ယှာတံဂှ် မ္ဒးဒေါအ်အာ ပိုတ်တ်ရောၚ် ၜိုန်ရသ္ပလဝ်ဂတိကီုလေဝ် လောန်ကၠောန်သၞာံအာဏံ ပၞောဝ်ကဵု သၟုတ်ဓါတ်ဍုၚ် သမဂ္ဂယူရောပ်တံ ဒးဟပၠုပ်လဝ် ၁၉% ဂှ် ရာန်ကေတ်နၚ် လဝ် နူရတ်ယှာတံရောၚ်။
Ref:Reuters