ဝါယှေန်တန်၊ သိပ်တမ်ပါ ၁၂
မဟာမိတ် ဒဝ်နေဝ်ထရ သြဇာဇၞော်မွဲဒှ်မံၚ်တုဲ ညးမချဳဒရာၚ်က္တိုၚ်က္တိုဟ် ဝါဒတဲပုၚ်အမေရိကာန် ချာလဳကာတ်ဒ် ဒၞာဲကဵုအခန်ကၞာ တက္ကသိုလ်ယူတာ ပ္ဍဲသိပ်တမ်ပါ ၁၀ ဂှ် ဒးဒုၚ်ပန်ဂစိုတ်ဏာရ။
ပရေၚ်ဏံဂှ် ဒှ်ပရေၚ်ကာဂစိုတ်ပရေၚ်ဍုၚ်ကွာန်ရောၚ် သ္ကိုပ်အုပ်ဓုပ် တွဵုရးယူတာ ဟီုရ။
ညးနွံသံသယ ဒှ်ညးလဵုမွဲရောဂှ်ကီု ဒဵုကဵုသိပ်တမ်ပါ ၁၀ အခိၚ်ဗတမ်တေံ ညးဂမၠိုၚ်ဂွံတီ ဟီုပတိတ်လဝ်ဟၟဲဏီ။
သွက်ဂွံသၟာန်စၟဳစၟတ် ထိၚ်လဝ်မၞိဟ်မွဲတုဲ ကလေၚ်ဗလးကဵုဏာလဝ် သ္ကိုပ်စၞောန်ပ္ညုၚ် FBI ကက်ရှ် ပတဲလ်က ဟီုလဝ်ရ။
ပိုဲတံ ဆက်တုဲဂၠိုက်ဂၠာဲစၟဳစၟတ်မံၚ်ဖိုအ်။ ပရေၚ်ကၠးမးနွံနွံ ပတိတ်ကဵု တၚ်နၚ်ပရိုၚ်တံပၠန်ရောၚ် ပ္ဍဲကဵု မဳဒဳယာပရေၚ်မၞိဟ်ညးတေံ ချူလဝ်ရ။
ဒၞာဲကဵုမ္ၚးတက္ကသိုလ်ဗေဝ်လ်လဳ ဍုၚ်အိုရဳယာန် မၞုံမံၚ်တွဵုရးယူတာ ပ္ဍဲကဵုအခန်ကၞာ မၞိဟ် ၃၀၀၀ တိုန်စိုပ်မံၚ်ဂှ် ချာလဳကာတ်ဒ် အယုက် ၃၁ သၞာံ အခိၚ်ဟဝ်မံၚ်ဂလာန် ဟိုတ်နူပန်ကဵုလွဟ် ဗီုပြၚ်ဒးအာဒၞာဲကအ် ပ္ဍဲဗဳဒဳယောပတိုန်လဝ် အန်လာၚ်ဂှ် ဂွံဆဵုညာတ်ရ။
ညးနွံသံသယဂှ် လ္တူကၟုဲစမြိုၚ်မွဲဒၞာဲ နူကဵုဒၞာဲသ္ၚောဲသ္ၚောဲ ဗီုပြၚ်ပန်ဏာလဝ်ဒှ်မာန် ညးတာလျိုၚ်တံ ဟီုရ။
အခိၚ်ဒှ်ဟိုတ်ဏံဂှ် ဂကောံဂီုကၠီု ကာတ်ဒ်တံလေဝ် နွံမံၚ်ကရပ်ဂှ်တုဲ ညးတာလျိုၚ် ပရေၚ်ဂီုကၠီုအလဵုအသဳ ၆ တၠတံလေဝ် နွံမံၚ်ကီုရောၚ် ညးတာလျိုၚ်တက္ကသိုလ်တံ ဟီုရ။
နကဵုပတိုန်ဏာဂုဏ်စရာဲ ကာတ်ဒ်ဂှ် ပ္ဍဲဌာနအလဵုအသဳ သီုဖအိုတ်တံ ဒဵုကဵုသိပ်တမ်ပါ ၁၄ တေံ ညံၚ်ဂွံယှအ်ဖျေံစွံလဝ် အလံကဝက်တိုၚ် ထရ ကဵုလဝ်စၞောန်ရ။
ပ္ဍဲသၞာံအာဏံ နကဵုဇကု ထရကီုလေဝ် ကေၚ်ဒးဒုၚ်ကၠုၚ် ပွမဂစာန်ဂစိုတ်ညးတေံ ၂ ဝါကီုလေဝ် ဗၠးကၠုၚ်ဘဲလမျီုရ။
ဂကောံ Turning Point USA ပံၚ်တောဲဒက်ပတန်လဝ်ကဵု ကာတ်ဒ်ဂှ် ဒှ်ဂကောံသၟတ်ကန်သာဗေတေတ်
ပ္ဍဲဍုၚ်အမေရိကာန်ဇၞော်အိုတ်တုဲ ပ္ဍဲပေါဲရုဲမာဲတုဲကၠုၚ်ဏံ ညံၚ်သၟတ်တံ ဂွံထံက်ဂလာန်ကၠုၚ် ထရဂှ် အဓိက ဂကောံဏံ စန်ဒက်ကဵုလဝ်ရ။
ကာတ်ဒ်ဝွံ ဒှ်တၠအိန်ထံၚ်မွဲတုဲ ကောန်ဇာတ် ၜါတၠနွံမံၚ်ရောၚ်။
Ref:Reuters