ဍာ်ဗု၊ သိပ်တမ်ပါ ၁၂
ပ္ဍဲကဵုရးတနၚ်သဳ သွက်ဂွံကလေၚ်ထိၚ်ချုက်အာ သ္ကုတ်ဂၠံၚ် ရေဝ်-ထဝါဲ အပ္ဍဲပွိုၚ်ဍုၚ် ဍာ်ဗုမာန်ဂှ် ဒပ်ကဝ်မယှေန်ပၞာန် စကာဇြဟတ်တုဲ ထပက်မံၚ်ပၞာန်ရဂှ် သ္ကိုပ်လဝေၚ်ပၞာန် ဗျူဟာ ၃၃ သဝ်ဒါကို ဟီုကဵုဌာန်ပရိုၚ် သြၚ်လောန်တိုၚ်မ်ရ။
နူကဵု ဒပ်ကဝ်မယှေန်ပၞာန်တံ စကာဇြဟတ်တုဲ ထပက်မံၚ်ပၞာန်ဂှ်ရ ပ္ဍဲကဵုကရပ်ကွာန်နွံမံၚ် အကြာ ဒဵုဟလဲကဵု ကလိၚ်အံၚ်တံ ပရေၚ်ပၞာန်သ္ကာတ်မြဟ် ပေါဲဗတိုက်ဆက်ဒှ်မံၚ်ရောၚ် သ္ဂးရ။
မွဲဒမြိပ်အလုံဒေသဍာ်ဗုမွဲ ပေါဲဗတိုက်ဒှ်မံၚ်တုဲ ဂၠံၚ်ကာန်ဗံက်-ကလိၚ်အံၚ်ကီု သီုအလုံမွဲသ္ကုတ်ဂှ် ပေါဲဗတိုက်ဒှ်မံၚ်ဒၞာဲ ပြးဇးကီု ပိပန်တ္ၚဲ မွဲအဝါ မွဲသတ္တဟမွဲအလန် ဒှ်လဝ်ပေါဲဗတိုက်နွံမံၚ်ရဂှ် သ္ကိုပ်လဝေၚ်ပၞာန် သဝ်ဒါကို ဟီုရ။
နူလပါ်ကဝ်မယှေန်ပၞာန် ဒဒှ်ရ ထပက်မံၚ်ပၞာန် ဗီုဏံဂှ်တှ်ေ ခြာဟွံလံ ပ္ဍဲအခိၚ်ကာလ ကၠောန်အာပေါဲရုဲမာဲဏံ ညံၚ်သ္ဂောံကလေၚ်ဂွံ သ္ကုတ်ဂၠံၚ်တံဏံကဵု အကြာကွာန်ဂမၠိုၚ် ညံၚ်ဂွံကၠောန်အာပေါဲရုဲမာဲ ဒှ်မာန်ရောၚ် သ္ဂးရ။
ပ္ဍဲသ္ကုတ်ဂၠံၚ် ကာန်ဗံက်-ကလိၚ်အံၚ်၊ ဒဵုဟလဲကဵု ကလိၚ်အံၚ်၊ ဂၠံၚ်နာတ်အိန်ထံၚ်၊ သ္ကုတ်ဂၠံၚ် မၚ်တာ -ကျာ်ပိတံ ဇၟာပ်ပ်တ္ၚဲ ပေါဲဗတိုက်သ္ကာတ်မြဟ် ဒှ်မံၚ်ရ။
စနူကဵု ဂိတုအဝ်ဂတ်မံက်တေံတုဲ ပ္ဍဲကရာပ်ကွာန် ကအ်လှိုၚ်ဂှ် ဒပ်ပံၚ်တောဲ KNLA ကဵု ကရောၚ်ပၞာန် ဒပ်ကဝ်မယှေန်ပၞာန် နူကဵု ပေါဲဗတိုက် စဒှ်ကၠုၚ်လဝ်တုဲဂှ် အရိုဟ်ဟ်တ္ၚဲ ပေါဲဗတိုက်ဒှ်ကၠုၚ်လဝ် ကီု ပေါဲဗတိုက်ဗလးတိ သၠဲတိတ်ဇၞော်အာကီုရ။
ပြဟ်ဟ်ဏံ ဒၞာဲပေါဲဗတိုက်ဒှ်မံၚ်ဂှ်တှ်ေ ကအ်လှိုၚ်၊ ကွာန်မြာၚ်၊ ၆၀ တိုၚ်၊ ဍာ်တူ၊ ဒဵုကဵုကရပ်ကွာန်ရတ်တၟးတံ စိုပ်ကၠုၚ်မံၚ်ယျ။
နူကဵုလပါ်ကဝ်မယှေန်ပၞာန်ဂှ်တှ်ေ စကာလဝ်ဇြဟတ် ၜိုတ် ၁၀၀၀ နွံတုဲ ဂေတ်ဂေၚ်ထပက်မံၚ်ကရောၚ်ပၞာန်ကီု လပါ်ဒပ်ပံၚ်တောဲ KNLA တံလေဝ် ကုတ်လဝ်ဂၠံၚ်သ္ကုတ်ကဵုသ္ကုတ်တုဲ ဟိုတ်နူဗတိုက်မံၚ်ဂှ် ပရေၚ်ပၞာန်ကြံၚ်မ္ၚိုဟ်ဒၟံၚ်ရ။
အပ္ဍဲကဵုမွဲကာလပေါဲဗတိုက်ဏံဂှ် လပါ်ဒပ်ပံၚ်တောဲ KNLA ၄ တၠချိုတ်တုဲ ၂၀ ပြၚ်ဒးလဝ်ဝပ်နွံ လပါ်ကဝ်မယှေန်ပၞာန်ဂှ်တှ်ေ ဒးလဝ်ဝပ်ကီု ချိုတ်အာလဝ်ဗွဲမဂၠိုၚ်နွံမံၚ် ဂွံတီရ။
ဟိုတ်နူပေါဲဗတိုက်တံဏံဂှ် ကွာန် ဝကုၚ်၊ သင်္ကန်းတုန်း၊ ရာဖူ၊ ရတ်တၟး၊ ကျာ်ပိ၊ ကအ်လှိုၚ်၊ ကွာန်မြာၚ်၊ ၆၀ တိုၚ်၊ သီုကဵု ကွာန်သာယာမန်တံဂှ် ညးဒေသ ၇၀၀၀ ပြၚ် ဒးပါဲဂြိပ်တိတ်အာ ဒၞာဲဗၠးဘဲတုဲ ဒဵုအခိၚ်မွဲဂိတုပြၚ်ၚ် ကလေၚ်စဴသ္ၚိဟွံမာန်ဏီ သ္ဂးရ။
ပရိုၚ်-သြၚ်လောန်တိုၚ်မ်
Photo – PDF