ပလဝ်၊ သိပ်တမ်ပါ ၁၃
ဒပ်ပၠန်ဂတးတံ သီဂွံလဝ် ဗ္ဒိုပ်ဒပ်ပၞာန် ပ္ဍဲကဵုကွာန်”ထမၚ်းမစား” ရးတနၚ်သဳ ပွိုၚ်ဍုၚ်ပလဝ်ဂှ် ညံၚ်ဂွံကလေၚ်သီထိၚ်ချုက်အာမာန် ကရောၚ်ပၞာန် ဒပ်ကဝ်မယှေန်ပၞာန် ထပက်ကၠုၚ်လဝ်ဂှ် ဒးဘဲဂိအာတုဲ ကလေၚ်ဆုတ်အာရဂှ် KNU ဟီုရ။
ဒပ်ကဝ်မယှေန်ပၞာန် ညံၚ်ကလေၚ်ဂွံထိၚ်ချုက်အာ ဗ္ဒိုပ်ဒပ်ပၞာန် ပ္ဍဲကဵုကွာန်”ထမၚ်းမစား” ဂှ် စနူကဵု သိပ်တမ်ပါ ၉ တေံ သီုကဵုကရောၚ်ပၞာန် ဇြဟတ်ပေၚ်ၚ် တပက်ကၠုၚ်လဝ်ပၞာန်ရ။
ဟိုတ်နူ ကရောၚ်ပၞာန် ဒပ်ကဝ်မယှေန်ပၞာန် ထပက်ကၠုၚ်ဂှ်ရ ၜါလပါ်ပေါဲဗတိုက်သ္ကာတ်မြဟ် ဒှ်လဝ်ကဵု ဂကောံပၠန်ဂတး ဒပ်ပၞာန်ဗၠးၜးကောန်ဂကူကရေၚ် KNLA တံသ္ကိုပ်သ္ကလဝ် ရ။
အပ္ဍဲပေါဲဗတိုက်ဏံ လပါ် ဒပ်ကဝ်မယှေန်ပၞာန် ဟွံအောန်နူကဵု ၁၅ တၠ ချိုတ်အာတုဲ ပ္ဍဲသိပ်တမ်ပါ ၁၀ ဂှ် ကရောၚ်ပၞာန် ကလေၚ်ဆုတ်အာလဝ်နွံရဂှ် နူကဵု ဗော်သွးကောန်ဂကူကရေၚ် KNU ဗဟဵု ပ္ဍဲဂိတု သိပ်တမ်ပါ ၁၂ ဂှ် လလောၚ်တြးလဝ်ရ။
ဗ္ဒိုပ်ဒပ်ပၞာန်ဗမာ ပ္ဍဲကဵုကွာန်”ထမၚ်းမစား”ဂှ် ဒပ်ပၞာန်ဗၠးၜးကောန်ဂကူကရေၚ် KNLA၊ KNDO တမ်ဒပ် ၇၊ ဒပ်ပါ် ၂ ၊ ဒပ်ပါ် ၅ ၊ ဒပ်တၟေၚ် KNLA၊ ဒပ်စဵုဒၞာ ညးဍုၚ်ကွာန် ပွိုၚ်ဍုၚ်ပလဝ်တံ ပ္ဍဲသိပ်တမ်ပါ ၈ ဂှ် ဗတိုက်သီကေတ်လဝ်ရ။
ပရိုၚ်-သြၚ်လောန်တိုၚ်မ်
ဗီုရုပ် – KNU