ရေဝ်၊ သိပ်တမ်ပါ ၁၆
ပ္ဍဲကဵုတွဵုရးဍုၚ်မန် ပွိုၚ်ဍုၚ်ရေဝ် သ္ကိုပ်အုပ်ဓုပ်ဂကောံကွာန် အင်ဒၚ်ကဵု ညးတာလျိုင်ကွာန်နှေဟ်ဓမၚ်တံ အပ္ဍဲကဵုပွိုၚ်မွဲတ္ၚဲဓဝ် ဒးဒုၚ် ပန်ဂစိုတ် ချိုတ်အာရဂှ် ညးဒေသတံ ဟီုကဵု ဌာန်ပရိုၚ်သြင်လောန်တိုင်မ်ရ။
ပ္ဍဲကဵုသိပ်တမ်ပါ ၁၄ အခိၚ်ဗ္တံ ၜိုတ် ၈ နာဍဳဂှ် သ္ကိုပ်ပရေၚ်အုပ်ဓုပ် ဂကောံကွာန်အင်ဒၚ် ဥူယှိုဲအကဵု ညးတာလျိုင်ကွာန်ဓမၚ် ဥူတံၚ်သိၚ် တံဝွံ ဂကောံရပ်လွဟ်မွဲဂကောံ လုပ်ကၠုၚ်ပ္ဍဲသ္ၚိညးတံတုဲ ကၠုၚ်ပန်ဂစိုတ်လဝ်ရ။
သ္ကိုပ်အုပ်ဓုပ် ဂကောံကွာန်အင်ဒၚ်ကဵု ညးတာလျိုင်ကွာန် နှေဟ်ဓမၚ်တံဝွံ ဒၞာဲကဵုက္ဍိုပ်ကဵု သြိုဟ်ညးတံ နကဵုလွဟ် ဟိုတ်နူကဵု ဒးဒုၚ်ပန်ကြပ်ပ်တုဲ ချိုတ်အာဟဝါဂှ်ရ။
ပွမပန်ဂစိုတ်သာ်ဏံ က္တဵုဒှ်အာတုဲ နူကဵုဒပ်ကဝ်မယှေန်ပၞာန်တံ ကၠောန်သ္ပ ပရေၚ်ဗက်မာတ်ဆိုအ် ပ္ဍဲကဵုဒေသကွာန်အင်ဒင်တံတုဲ ဒၞာဲဂၠံၚ်ဆက်စၠောံလဝ် မွဲကွာန်ကဵုမွဲကွာန်တံဂှ်လေဝ် မာတ်လဝ်နွံ ဂွံတီနူညးဒေသတံရ။
စပ်ကဵုပရေၚ် သ္ကိုပ်အုပ်ဓုပ် ဂကောံကွာန်အင်ဒၚ်ကဵု ညးတာလျိုင်ကွာန် နှေဟ်ဓမၚ်တံ ၜါတၠ ဒးဒုၚ်ပန်ဂစိုတ်လဝ်တုဲ နူလပါ်ဒပ်ပၠန်ဂတးတံ လလောၚ်ပတိတ်လဝ်ပရိုၚ် ဟၟဲဏီရ။
လောန်ကၠုၚ် ဂျူလိုင် ၁၆ တေံဂှ်လေဝ် ပ္ဍဲပွိၚ်ဍုၚ်ရေဝ် ညးတာလျိုၚ် ကွာန်လေဝ်အိမ်သု ဥူကျဝ်ထူ ဟိုတ်နူဒးဒုၚ်ပန်ကဵုလွဟ်တုဲ ဒးချိုတ်အာလဝ် နွံရ။
ပရိုၚ်-သြၚ်လောန်တိုၚ်မ်
Photo – CJ