ထဝါဲ၊ သိပ်တမ်ပါ ၁၆
ပ္ဍဲရးတနၚ်သဳ ဗၟံက်ဂြိုပ် ပွိုၚ်ဍုၚ်ထဝါဲ ဟိုတ်နူပေါဲဗတိုက်ဒှ်အာလဝ် ပ္ဍဲကွာန်ပကာရဳဂှ်တုဲ ညးဒေသ ၃၅၀၀ ပြၚ် ဒၞာဲဗၠးဘဲမာန် ဒးပါဲဒဴမံၚ် ဘဲပၞာန်ဖိုအ်ရောၚ်ဂှ် ညးကဵုမံၚ်ပရေၚ်အရီုဗၚ် ပရေၚ်ဒဴပၞာန်တံ ဟီုကဵုဌာန်ပရိုၚ် သြၚ်လောန်တိုၚ်မ်ရ။
လောန်ကၠုၚ် သိပ်တမ်ပါ ၁၄ ၜိုတ်အခိၚ်သဝ်တ္ၚဲ ၄ နာဍဳဂှ် ဟိုတ်နူ ရဲဂကောံဇြဟတ်ပၠန်ဂတးတုဲ လုပ်ပန်ဗ္ဒိုပ်ဗၠာဲသၟိၚ် ကွာန်ပကာရဳတုဲ အကြာၜါလပါ် ပေါဲဗတိုက်ဒှ်ကၠုၚ်လဝ်ရောၚ်။
ဟိုတ်နူ ရဲဂကောံဇြဟတ်ပၠန်ဂတးတံ လုပ်ပန် ဒပ်ကဝ်မယှေန်ပၞာန် နွံမံၚ်ပ္ဍဲဗ္ဒိုပ်ဗၠာဲသၟိၚ် ကွာန်ပကာရဳဂှ်တုဲ အကြာၜါလပါ် ပေါဲဗတိုက် ၜိုတ်ပွိုၚ် ကဝက်နာဍဳ ဒှ်ကၠုၚ်လဝ်ဗွဲသ္ကာတ်မြဟ် သ္ဂးရ။
အပ္ဍဲအခိၚ်သဝ်တ္ၚဲ ပေါဲဗတိုက်ဒှ်မံၚ်ဂှ် ဒပ်ကဝ်မယှေန်ပၞာန် နွံမံၚ် ပ္ဍဲဗ္ဒိုပ်ဗၠာဲသၟိၚ်ပကာရဳတံဝွံ နကဵုလွဟ်ဇၞော် ပန်ကၠဟ်ဖျေံဏာ မံၚ်ကြာန်န် ဇရေၚ်ကွာန် နွံမံၚ်ကရပ်တံဆက်က်တုဲ ညးဒေသ ကောန်ကွာန်ပကာရဳကဵု ပခါတ် ၃၅၀၀ ပြင်င် ဂြိပ်အောပ်ပါဲအာ အကြာဂြိုပ် ဒၞာဲဗၠးဘဲမာန်တံရဂှ် ညးကဵုမံၚ်ပရေၚ်အရီုဗၚ် ပရေၚ်ဒဴပၞာန်မွဲတၠ ဟီုရ။
အကြာပေါဲဗတိုက်ၜါလပါ်ဏံ ဒပ်ကဝ်မယှေန်ပၞာန် နကဵုလွဟ်ဇၞော် ဟိုတ်နူပန်ကၠဟ်ဖျေံဏာ မံၚ်ကြာန်န်တုဲ ကောန်ကွာန်မွဲ ဒးဝပ်ချိုတ်အာနွံကီုလေဝ် လၟိဟ်ချိုတ်တ် ဟွံဂွံတီကေတ်ဏီရ။
စပ်ကဵုပေါဲဗတိုက် ပကာရဳဏံတုဲ လပါ်ဒပ်ကဝ်မယှေန်ပၞာန်ကီု လပါ်ရဲဂကောံဇြဟတ်ပၠန်ဂတးတံ တင်နၚ်မွဲမွဲသာ် လလောၚ်တြး ပတိတ်လဝ်ဟၟဲဏီရ။
လောန်ကၠုၚ် ဂိတုဧဗရာ ၂၄ တေံဂှ်လေဝ် နူကဵု ဒပ်ပၞာန်စဵုဒၞာ ကောန်ဂကူကရေၚ် KNDO ကဵု ဒပ်ပံၚ်ကောံတံ လုပ်ပန်လဝ် ဗ္ဒိုပ်ဗၠာဲသၟိၚ်ကွာန်ပကာရဳ ပ္ဍဲကဵုဒေသ ဗၟံက်ဂြိုပ်ပွိုၚ်ဍုၚ်ထဝါဲရောၚ် ဂွံတီကေတ်ရ။
ပရိုၚ်-သြၚ်လောန်တိုၚ်မ်
Photo – Social Media