မတ်မလီု-သိပ်တမ်ပါ ၁၆
လ္တူဂကောံဇြဟတ်ပရေၚ်ဍုၚ်ကွာန် လုပ်ပြိုၚ်မာဲ စၟဳစမံၚ် ပေါဲရုဲမာဲအလီ ကဝ်မယှေန်ပၞာန်ကၠောန်အာဏံဂှ် သမ္မတယာယဳ အလဵုအသဳညဳသၟဟ်ဂကူ NUG ဒူဝါလယှဳလ ဟီုဂးပါ်ပါဲဏာရ။
ပ္ဍဲကဵု သိပ်တမ်ပါ ၁၅ နူကဵုကမ်မတဳသ္ပစၞး စၠတ်ထဝ်ကၟိန်ဍုၚ် ကၠောန်ဗ္ဒျ်လဝ် အခန်ကၞာ တ္ၚဲဒဳမဝ်ကရေသဳဝွံ သမ္မတယာယဳ အခိၚ်တိုန်စိုပ်ဟီုဏာဂလာန်ဂှ် ပါ်ပါဲဏာလဝ်ရ။
ဂကောံဇြဟတ်အပ္ဍဲဍုၚ်လ္ၚဵုတံဝွံ ဒဒှ်ရ ပေါဲရုဲမာဲအလီဂှ် ၜိုန်ရ တီမံၚ်ကီုလေဝ် ပရေၚ်ဏံဂှ် စဒှ်အာ ဂၠံၚ်သွဟ်ဂမၠိုၚ်မာန်ဟာဂးတုဲ မၚ်စၟဳစမံၚ်ဂှ် ဂွံဆဵုညာတ်လဝ်ကီု၊ ပွမစၟဳစမံၚ်ဗီုဏံဂှ် သွက်အခေါၚ်အရာ ဒဳမဝ်ကရေသဳ သွက်ညးဍုၚ်ကွာန်တံမာန်ဟာ၊ သွက်သၞောတ်တၠအဝဵုပၞာန် အယုက်ဂွံဂၠိၚ်မာန် ဘိုၚ်ထ္ၐဟလိၚ်ကဵုမံၚ်ရဟာ ဟွံကၠးမးက္ဍၚ်ရဂှ် သမ္မတယာယဳ ဟီုရ။
ကဝ်မယှေန်ပၞာန်ဝွံ ပေါဲရုဲမာဲအလီဂှ် ကၠောန်သ္ပညံၚ်ရဴ ပေါဲရုဲမာဲဒဳမဝ်ကရေသီ နွံမံၚ်ကဵုအခေါၚ်သၠးပွးယံၚ်ၚ် ဂစာန်ရေၚ်တၠုၚ် ဗဂေတ်လှေအ်လှန် ယြဴနဲလဵုဒှ်ဒှ် ဗဂေတ်လဝ်မတ် ညးဍုၚ်ကွာန်တံဂှ် ပျုတ်ဗ္ဒေက်အာ ပိုတ်တ်ရောၚ် သ္ဂးရ။
နကဵု အလဵုအသဳညဳသၟဟ်ကောန်ဂကူ NUG ကီုလေဝ် ပရေၚ်ဒဳမဝ်ကရေသဳဍာံဍာံ ညံၚ်ဂွံမံက်ဂတဝ်အာ ကေုာံ တင်ဒုၚ်လျိုၚ် သၠးပွးညးဍုၚ်ကွာန် ညံၚ်ဂွံမာန် ဂစာန်လွဳပရာမံၚ်ရောၚ် သမ္မတယာယဳ ဒူဝါလယှဳလ ဟီုဂးလဝ်ရ။
သၞာံ ၂၀၂၅ ဝွံ ဘိုအ်ဂွံဒးဆဵုညာတ်အာကဵု လဗိုတ်ကျာ ပရေၚ်ဍုၚ်ကွာန် ဟရအ်ဟရအ်မွဲသၞာံ ခုတ်စၟတ်အာမာန်၊ ဆဂး ပၠန်ဂတးတမ်ကညၚ်ဝွံ အကြာသဝ်သၠုၚ်၊ တိုန်စှ်ေတံဂှ် ဆက်တုဲ ဇက်တိုန်အာမံၚ် တိုၚ်ပကဴ ခိုၚ်ၚ်ဗိုန်န်ဖိုအ်ရောၚ် သာ်ဝွံ သမ္မတယာယဳ ဟီုဂးဏာလဝ် ပ္ဍဲဂလာန်ညးရ။
ပရိုၚ်-သြၚ်လောန်တိုၚ်မ်
Photo – NUG