သဓီု၊ သိပ်တမ်ပါ ၁၇
ပ္ဍဲတွဵုရးမန် ပွိုၚ်ဍုၚ်သဓီု ကောန်အချုက် ၇ တၠ ဂြိပ်တိတ်နူ ဂတမုက် ထံၚ်” စျေးမသွယ်”ဂှ် ၃ တၠ ကလေၚ်ရပ်ဂွံဏာရဂှ်လေဝ် ညးကြပ်ကဵုထံၚ်တံ ဟီုကဵုဌာန်ပရိုၚ်သြၚ်လောန်တိုၚ်မ်ရ။
တုဲကၠုၚ် ဂိတုသိပ်တမ်ပါ ၁၇ ၜိုတ်အခိၚ်သဝ်တ္ၚဲ ၅ နာဍဳ အခိၚ် ကော်ပတိတ်နၚ် နူရုၚ်သၞောဝ်ဓရ် ပွိုၚ်ဍုၚ်သဓီုဂှ် ပါၚ်တြၚ်ကွဳစက် အချုက် ပံက်အာတုဲ ကောန်အချုက်တံ ဂြိပ်တိတ်အာရ။
ဆဂး အပ္ဍဲဏံ ကောန်အချုက် ၃ တၠဂှ် ညးတာလျိုၚ်ထံၚ်တံ ကလေၚ်ရပ်ဂွံ ဓဝါဲဂှ်ကီုလေဝ် ကောန်အချုက် ၄ တၠတံ ဂြိပ်ဗၠးတိတ်အာ သ္ဂးရ။
ဟိုတ်နူကောန်အချုက် ဂြိပ်ဗၠးတိတ်အာဂှ်ရ ဒပ်ကဝ်မယှေန်ပၞာန်တံ လုပ်ဂၠိုက်ဂၠာဲ အကြာကွာန် “စျေးမသွယ်” ကဵု ကွာန်ကျာပါန်တံ သၟးဟွံက အပ္ဍဲပွဳပွူကွာန်မွဲဒမြိပ်တံ လိုန်ဂြိုပ်တုဲ ဗက်ဂၠိုက်ဂၠာဲမံၚ်ရဂှ် ညးဒေသတံဟီုတုဲ ဂွံတီရ။
ညးဂြိပ်ဗၠးတိတ်အာ နူကွဳစက်အချုက်တံဂှ် နကဵုၝောံပိုဒ်လဵု အမှုသာ်လဵု ဒးဒုၚ်ရပ်ထိၚ်ဏာလဝ်ရောဟီုဂှ် ဌာန်ပရိုၚ်သြၚ်လောန်တိုၚ် ဗက်ဂၠိုက်ဂၠာဲသၟာန်သၟုက်မံၚ်ဖိုအ်ရ။
ပရိုၚ်-သြၚ်လောန်တိုၚ်မ်
Photo – Social Media