ထဝါဲ၊ သိပ်တမ်ပါ ၁၈
ပ္ဍဲကဵု ရးတနၚ်သဳ ပွိုၚ်ဍုၚ်ထဝါဲ၊ လံၚ်လုၚ် ကဵု တယိတ်ချံၚ် ပ္ဍဲကဵုပိဒၞာဲဂှ် ဒပ်ကဝ်မယှန်ပၞာန် မွဲအခိၚ်ဓဝ် ဟိုတ်နူကြဳဖျေံဗုမ်တုဲ ကောန်ညးဍုၚ်ကွာန်တံ လမျီုဒးချိုတ်အာလဝ်နွံမံၚ် ဂွံတီလဝ် ညးဒေသတံကဵု ဒပ်ပၠန်ဂတးတံရ။
လောန်ကၠုၚ် ဂိတုသိပ်တမ်ပါ ၁၇ စနူကဵု ၜိုတ်အခိၚ်နူဂယး ၈ နာဍဳ ဂှ်တုဲ နကဵုပၞာန်ကျာ ဒပ်ကဝ်မယှန်ပၞာန် ကြဳဖျေံဏာဗုမ် ပ္ဍဲကဵု ဒေသဂြိုပ်ဗၟံက် ပွိုၚ်ဍုၚ်ထဝါဲ၊ ကွာန်ယေဝိုၚ် ကဵု ခံၚ်တိုၚ်တံရ။
တုဲပၠန် ပ္ဍဲကဵုပွိုၚ်ဍုၚ် တယိတ်ချံၚ်ဂှ် ကွာန်ဥတ္တူ၊ မိုဝ်ယှိုဲကုၚ်၊ သဝ်ဖျာ ကဵု မေဝ်နယ်အိုဝ်။
ပ္ဍဲကဵုပွိုၚ်ဍုၚ် လံၚ်လုၚ်ဂှ် ကွာန်ဒေဝဳ၊ ဟေန်ချိုဝ်တဝ်၊ ကျံက်တွေင်တံဂှ်လေဝ် ထပ်ကြဳဖျေံဏာဗုမ်ပၠန်ရ။
ဟိုတ်နူ ဒပ်ကဝ်မယှန်ပၞာန် ကြဳဖျေံဏာဗုမ်ဂှ် ညးဒေသ ကောန်ကွာန် ဒေဝဳ ၃ တၠ ချိုတ်အာတုဲ သီုကဵုကောန်ၚာ်ပါ ၄ တၠ ဒးလဝ်ဝပ်နွံမံၚ် ညးဒေသတံ ဟီုရ။
ဆဂး စပ်ကဵုပရေၚ်ကြဳလဝ်ဗုမ် ပ္ဍဲကဵုပွိုၚ်ဍုၚ် တယိတ်ချံၚ်ကဵု ဒေသဂြိုပ်ဗၟံက် ပွိုၚ်ဍုၚ်ထဝါဲတံဂှ် ပရေၚ်ကောန်ညးဍုၚ်ကွာန်တံ ချိုတ်ဂျိုၚ်ဒးလဝ်ဘဲဝပ်တံဂှ် ဟွံဂွံတီလဝ်ဏီ။
ဟိုတ်နူ ဒပ်ကဝ်မယှန်ပၞာန် ကြဳဖျေံဏာဗုမ်ဂှ် ညးဒေသဗွဲမဂၠိုၚ်တံ ဒၞာဲဗၠးဘဲဒဏ်မာန်ဂှ် ဒးဂြိပ်ပါဲဒဴမံၚ်အိုတ်တုဲ ပြဟ်ဟ်ဏံ နွံမံၚ်ပၟိက်ကဵု ပရေၚ်အရီုဗၚ်ကာတၟေၚ်ရောၚ် ဂွံတီလဝ် ညးဒေသတံရ။
ပရိုၚ်-သြၚ်လောန်တိုၚ်မ်
Photo – Social Media